1 # Biar harei (9/5), Phaok akaok negar Đặng Thị Ngọc Thịnh hu raok ong Tát-sê-vên, akaok saong dom urang dalam Hội Hữu nghị Mông Cổ - Việt Nam. Phaok Akaok negar Đặng Thị Ngọc Thịnh taong yaom glaong bruk ngak saong dom rik daong di Hội hữu nghị Mông Cổ-Việt Nam. Tukvak ini, Phaok akaok negar Đặng Thị Ngọc Thịnh caong khin Hội Hữu nghị dua negar patui veik pambuak bruk catang, patagok dom bruk pambuak gauk, pato megru, jhul patagok bruk giao lưu hữu nghị saong dom sang bac Đại học, Trung học dua negar, patagok dom bruk meyaih khan, vak tapuk, brei thau thông tin ka tình hình yaok negar piah patagok bruk thau gauk di dua negar.

2/ Mintri pato megru brei thau, dahlau harei 15/5, mintri hu tabiak đề thi minh họa mbang puac abih piah anek saih pasram dahlau tuk tame pakacah Trung học phổ thông  pakat negar thun 2017 di bilan 7 tal. Tui nan, piah  caga ka mbang pakacah Trung học phổ thông pakat negar jaik tal, dom tỉnh ban hu tacei pato dom sang bac phổ thông, pasak giáo dục thường xuyên, dom gah pambuak tal bruk pakacah. Ndom ka labik pakacah, dom tỉnh ban jeng biak linh hoạt dalam bruk rami ramik labik pakacah, hội đồng pakacah, labik daok ka urang jakar iek pakacah nan ye oh gaok kan kandah.

3 # Dalam chreih chai uan raok Phật đản di chư Tăng, Ni, Phật tử dalam negar, page ini (10/5) pak baha Quán sứ Hà Nội, Trung ương Giáo hội Phật giáo Việt Nam peih ngak dalam prong prang Đại lễ Phật đản Phật lịch 2561- Dương lịch 2017. Lễ Phật Đản hu peih ngak yaok thun, dalam harei aia bulan bak baoh bilan 4, di dom negar tui agama Phật, piah pahadar harei Đức Phật menek tabiak. Meng thun 1999, harei lễ Phật Đản 15/4 (saka aia bulan) hu Liên Hiệp Quốc công nhận lac harei lễ hội ilamo tâm linh dunya. Langiu di bruk peih ngak lễ chính dalam harei aia bulan bak baoh bilan 4, Giáo hội dom tỉnh bal daok peih bruk diễu hành, ngak lễ, palao gom bingu angaok kraong, peih bruk lang brei thau Phật pháp meblak haong dom van ngak văn nghệ, đèn lồng, ngak lễ đài

4/ Barau yam tame bilan hè min langik biak pandiak, độ ẩm glaong. Ini lac bruk lagaih ka dom ruak ka jalan hô hấp, sởi, rubella, aih caraoh patagok saong njaom mbak. Anak bruk jit ruak bilan hè hu patagok glaong, gah y tế Quảng ninh jhul pakhang dom jalan ngak pacang cakak jit ruak saong khik caga pren yava ka bhap bini. Ong Vũ Xuân Diện, giám đốc sở Y tế tỉnh Quảng Ninh, brei thau: “Quảng Ninh kham merat tui iek dalam bhap bini tui iek dom bruk mbuan tamuh jit. Tui nan hu dom jalan pacang chip, oh lui jit tamuh tabiak”.

5 # Uỷ ban bhap bani bal Đà Nẵng bahrau tabiak mbaok Văn phòng Ban tacei pato liên ngành ka vệ sinh an toàn pandap mbang menyum. Văn phòng ini hu brei bruk tui iek, taduan mek panuac khan di dom kapul nyaom, menuac urang ka bruk an toàn pandap mbang menyum, daong ka Ban tacei pato liên ngành ka vệ sinh an toàn pandap mbang menyum bal langyah samar drah dom bruk rah tabiak. Taphia di nan, đơn vị meda pambuak haong dom sở, ngành, puk palei dalam bruk peih ngak saong pasang iek ka bruk grap tanat an toàn thực phẩm. 

6/ Kapul urang njauk jru mek klik kruoc dioxin tỉnh Vĩnh Long  pambuak saong kapul urang sup meta tỉnh saong dom urang daong hu alin hadaih 1.000 paok pandap ka urang njauk jru mek klik kruoc saong urang khiếm thị kan kathaot di tỉnh. Yaok paok pandap yaom 300.000 đồng hu brah, mì saong dom pandap karei.

7 # Thun bloh, dom pakat Hội Chữ thập đỏ bal Cần Thơ hu jak ba rik pataom hu labaih 141 tỉ đồng piah peih ngak bruk pahla yau: daong dom urang mbuan tổn thương saong kapul nyaom hu rai diuk biak kan kandah dalam xã hội; urang taha saong uranaih oh hu sang danaok. Tapa bruk padang ngak ralo mô hình ngak pahla yau: Tổ ngak pahla brei lisei bu dalam sang iek ruak, ghing mbang ranam, kapul nyaom jru paha hala, radaih pajeng ba urang ruak pahla…hu yaok ribau urang hu rai diuk kan kandah, oh hu sang danaok hu daong brei, daong ka dom urang ini yam tagok dalam rai diuk. 

 Patui di ini dom khau tin dunya:

8/ Tân hoa xã ba panuac cảnh sát Thái Lan brei thau 2 baoh mbom patuh di sa pasak pablei salih di gah meraong taneh ia ini. Phaok brei panuac cảnh sát Thái Lan Kri-sa-na Pa-ta-na-cha-ro-en brei thau, bruk taong mbom nan rah tabiak biar harei kabroi 9/5, ngak brei 58 urang njauk rambuah, dalam nan hu 2 urang njauk rambuah khang.

9 # Mentri Khik caga Môi trường Trung Quốc (MEP) brei thau, hu 5.594 công ty ngak suan ka dom quy địnhka môi trường dalam nan mboh ralo abih nan lac ngak ô nhiễm không khí. Bruk nan hu brei thau hadei di dom urang jakar peih ngak mbang thanh tra tanut ô nhiễm không khí dalam sa bilan di 28 bal dalam bhum Bắc Kinh, Thiên Tân, Hồ Bắc saong dom labik jaik taphia. 

10/ Gah Y tế dunya brei thau, dalam labaih 2 adit tapa di Yemen, 34 urang metai kayua pambuak tal ruak aih caraoh dalam tuk labaih 2.000 urang daok hu dom triệu chứng njauk ruak ini. Dom urang ruak nan daok di 9 tỉnh, dalam nan hu ban ine Sana, dalam tukvak meng harei 27/4  tal harei 7/5. Ini lac mbang ka dua hu dom urang metai pambuak tal ruak aih caraoh dalam sa thun tapa di taneh ia ini./.