1./Di mbang taduan raok dom urang pan akaok Phòng Thương mại Hà Lan – Việt Nam, Thủ tướng Nguyễn Xuân Phúc  taong yaom glaong bruk pambuak talei rahimi di Phòng Thương mại Hà Lan - Việt Nam dalam tukvak tapa, rik daong biak praong tame bruk daong ba, tacei jalan pambuak bruk di dim doanh nghiệp dua negar, tapa nan jhul patagok bruk pablei salih saong buh jien tame ngak mbang di dua gah.

2/ Meng akaok bilan hè tal urak ini, dom khu dân cư dalam ban sit Hà Đông, tỉnh Quảng Trị gam gam rah tabiak bruk oh hu ia pandar, ngan kan kandah tal rai diuk di bhap bini. Yaom lac Công ty Cổ phần ia hacih Quảng Trị  hu ralo jalan ngak piah parabha ia, min, bruk ini jeng daok rah tabiak. Lingiu di nan, hu dom labik daok gaok kan kandah tuk ia pandar yaok harei oh hacih.

3./Meng akaok thun tal ini, tỉnh Phú Yên jak ba rik tame kadung jien thau dhar thau phor hu jaik 1,5 tỉ đồng. Meng kadung jien ini, tỉnh hu daong padang ngak 35 baoh sang, ramik pasiam veik 1 baoh sang ka urang buh pren yava ka taneh ia, oh ka hu sang daok siam mekre.

4/ Dom Urang dang akaok Cục An ninh Tây Nguyên barau alin 7 gu limo pajaih yaom 210 triệu đồng ka 7 baoh sang kan kathaot daok di  3 xã nan lac xã Gào, xã Chư Á saong xã Ia Kênh, ban sit  Pleiku, tỉnh Gia Lai. Ini lac sa dalam dom asal di danak dak daong truh kan kathaot khang kajap di Cục An ninh Tây Nguyên peih ngak di 5 tỉnh dalam bum.

5./Kayua darak pasar blei khang phun pajaih, nan ye phun pajaih di tỉnh Bến Tre urak ini daok tagok yaom khang.  Di tukvak ini, taong baih dom janih phun pajaih di dom bein pablei jeng tagok yaom jang meng 2-3 mbang duk saong tukvak ini thun bloh. Dalam nan , rilo janih pajaih phun mbang baoh hu pala rilo dalam tỉnh yau yaom tagok glaong di abih, yau ye: durieng yaom 80 ribau đồng sa phun, kruac bung klik hijao, panat yaom labaih 40 ribau đồng sa dhar;  li-u yaom 20 ribau đồng sa baoh,, chôm chôm 50 ribau đồng sa phun.

6/ Urak ini, Bình Dương lac sa dalam dom tỉnh hu urang ruak pandiak tabiak darah ralo abih dalam taneh ia. Di sang iek ruak đa khoa tỉnh ini, yaok harei taduan jaik 30 urang ruak pandiak tabiak drah. Njauk caik hatai nan lac ralo urang ruak xuất huyết dạ dày, tabiak darah dung… Tui pasak Y tế dự phòng tỉnh, ralo bhap bini oh ka paglaong hatai sangka pacang cakak jit ruak pandiak tabiak darah. 

7./Mesup kabroi 9/7, di sang bac Đại học Bách Khoa ban raya Hồ Chí Minh, Mintri Pato megru,, Tổng Cục pato bruk ngak saong báo Tuổi Trẻ pambuak gauk peih harei Tư vấn xét tuyển đại học, cao đẳng thun 2017.  Di labik ini, dom urang  tư vấn hu angan je di Mintri pato megru saong lambaok dom sang  bac đại học, cao đẳng hu javap chalei dom tangi sua ka bruk tuyển sinh đại học, cao đẳng thun 2017.  Lambaok dom sang bac jeng hu tacei pato tapak bruk ngak harak gar,hồ sơ tut angan xét tuyển, tacei jalan nộp hồ sơ xét tuyển piah mbuan hu trúng tuyển. Dom bruk ka darakj pasar urang ngak, dom kuhria mboh dahlau ka dom bruk ngak di harei hadei jeng hu khan brei thau cambaih laih

Patui di ini dom khau tin dunya:

8/ Kuhria tal harei kabroi 9/7, takik di abih 18 urang metai saong yaok rituh urang lahik sang danaok kayua hajan ia sua di NB. Urak ini gah daong duah urang njuak bala taneh ia ini daok duah urang njauk bala di mbang ia sua saong jaleih haluk di gah Tây Nam NB.

9./#  Tổ chức UNESCO) bahrau pok angan kadhi Pa-Rây Kút di tỉnh Cam Pông Thôm (Campong Thom) CamPuChia lac inem krung ilamu dunya.  Ini lac ban ine klak di Campuchia, kayua mesruh metak, baoh kandhi njuak var lihik labaih 1 ribau thun tapa, Urak ini, taneh ia hu sron mbon hòa bình, Rajaei Campuchia brei ramik pasiam veik baoh kandi piah duh ka tui damuia mai rivang iek.

10/ Tỉnh Brít-títs Cô-lum-bi-a di Canađa barau tabiak tình trạng khẩn cấp,  taphia di nan tabiak panuac brei panduan yaok ribau baoh sang bhap bini tuk dom mbang khuah glai di labik ini oh ka pacang cakak hu./.