1/ # Meng akaok bilan  8 tal ni, dalam  xã Nậm Chà, huyện Nậm Nhùn, tỉnh Lai Châu hu 4 tapon châu chấu tre di mblang taneh labaih 4 kilomet vuông, dalam yaok met vuông hu tal yaok rituh drei. Urak ni, tapon châu chấu ni dok dalam tuk praong  nan ye mbang khang saong pambak samar, mbuan si palai pajoa prong.

2/ Meng akaok thun 2017 tal urak ini, dalam tỉnh Kon Tum hu 162 urang ruak pandiak tabiak drah Dengue, oh hu urang halei metai, trun 1.415 mbang duk saong thun dahlau. Dalam nan, palei hu ralo urang njauk ruak barau abih lac huyện bhum ceik Đăk Glei ngan saong 46 urang ruak.

3/  # Pasak y tế dự phòng tỉnh Long An brei thau jit ruak pandiak tabiak darah dok rah tabiak khang song mbuan tagok glaong di  tỉnh.  Urak ni di Long An hu jiak 1.750 mbang ruak pandiak tabiak darah ( tagok 12% dut song tuk vak ni thun dahlau ), dalam nan, huyện hu urang ruak rilo di abih lac Đức Hòa, Bến Lức , Cần Giuộc, Cần Đước.

4/ Gam saong ruak pandiak tabiak drah, ruak tangin takai cambuai di uranaih sit jeng daok tamuh tabiak. Di ban raya HCM, dom urang ruak trak hu suak yava meng mac kayua ruak tangin takai cambuai. Urak ini oh ka hu vắc xin pacang cakak ruak tangin takai cambuai nan ye dom jalan pacang cakak jeng daok lac bruk praong. Urang praong saong uranaih sit brei rao tangin gam gam meng sabol diệt khuẩn, abih di nyu nan lac dahlau tuk salih tã, hadei tuk nao jamar, dahlau saong hadei tuk iek glang uranaih, dahlau tuk mbang saong ngak pandap mbang, hadei tuk taok gaok urang ruak.

5/   # Pasak peih bruk pablei salih tỉnh Đồng Nai pambuak bruk song Phòng Kinh tế-hạ tầng huyện Thống Nhất peih nyaom darak pasa  pandap Việt mai palei pala. Hu mbaok di nyaom darak hu 42 gian hàng di 22 doanh nghiệp dok dalam song langiu  tỉnh di rilo gah pandap panda yau: pandap pandar dalam sang, pandap mbang menyum, pandap jhik, mỹ phẩm, pandap thủ công mỹ nghệ…Dom janih pandap hu dom  doanh nghiệp trun yaom meng 10 đến 40% dut song yaom darak pasa. Tui kuhria nyaom darak pasa hu peih tal harei 13/8.

6/ Mban bangsa tỉnh Trà Vinh pambuak saong mban tuyên giáo Tỉnh uỷ peih bruk pasram megru dom sarak ka labaih 400 urang lac urang hu angan je dalam bhum urang bangsa Khmer dalam tỉnh. Asal pasram megru nan lac: bruk peih ngak dom sarak, jalan ngak di Đảng saong karja ka hội nhập kinh tế dunya, bruk ngak di urang hu angan je dalam bhap bini bangsa takik saong jalan peih ngak sarak bangsa. 

7/  #  Yaom lac hu dom gah chức năng khan brei thau dahlau , thun ni ia sua mai avar song lgong jang dut song rilo thun. Min rilo boh sang di dom labik dalam tỉnh An Giang oh caik hatai tui pang, trun pajaih  padai  Thu Đông avar. Nan ye, rilo mblang padai njauk ia sua ngak lihik abih. Kuhria tal tuk vak ni, di palei Vĩnh An, xã Vĩnh Hội Đông hu jiak 60 boh sang khik caga.  Ngak padai langiu ar song taneh prong jiak  70 ha padai Thu Đông njauk khat lihik, dalam nan labaih 95% taneh dauh dalam, mbuan si lihik abih.

Patui di ini dom khau tin dunya:

8/ Rajaei Ca-ta barau brei thau sa danak dak miễn thị thực nhập cảnh ka menuac di 80 taneh ia piah jhul patagok DL saong pajeng ba jalan kapal haoh. Bruk ini hu ba tabiak dalam tuk dom taneh ia jaik taphia A-rập di Ca-ta jeng daok patagok sức ép meng bruk tẩy chay saong phong tỏa nền kinh tế Ca-ta

9/ # Rajaei tổng thống Mỹ Đô nan Trăm  harei  09/08 ba tabiak ngak dom hukum trừng phạt 8 urang jakar ngak praong di  Vê-nê-duê-la, dalam nan hu saai  di aruah  Tổng thống Hu-gô Cha-vết (Hugo Cavez). Dom urang ni njauk trừng phạt meng panuac lac dong ka tổng thống Ni-cô-lát Ma-đu-rô padang quốc hội bahrau.

10/ Thổ Nhĩ Kỳ daok padang ngak sa daning an ninh tapen negar saong Iran, dreih yau paga barau ngak salah bloh di bilan 6 meng bloh hong Xyri. Tui urang dang akaok tỉnh taphia negar Agri, ini lac sa bruk ngak piah patagok an ninh di taneh ia anak dom urang buôn lậu saong pacang cakak bruk xâm nhập di dom chiến binh urang Cuốc./.