1/ Dalam mbang nao rivang Hungary, mesup harei kabroi 10/4, di ban ine Budapest, Akaok Quốc hội Nguyễn Thị Kim Ngân hu var taom gaok  Phó akaok Quốc hội Hungary Jakab Istvan (Jây-cốp Ít-van). Amuk Nguyễn Thị Kim Ngân ndom lac, Vn tuk halei biak iek prong song thau dar phol bruk dong brei siam lagaih bo bhap bini Hung-ga-ri brei ka bhap bini VN dalam bruk mesruh metak peih paha bangsa dahlau deih song dak padang taneh ia harei ni.

2/ Di HN, mban tacei pato TƯ ka bruk jak ba “Urang VN pandar pandap VN” barau peih nyaom meyai peih ngak nhiệm vụ thun 2017. Di nyaom meyai, dom urang njauk gauk ndom lac, thun 2017 brei pataom tame paglaong trách nhiệm peih bruk jak ba “Urang VN pandar pandap VN” dalam dom pakat, dom ngành, dom kapul nyaom, jabat, doanh ngiệp saong dom rai rah bhap bini, piah rik daong jhul pakhang sản xuất, paglaong chất lượng pandap, dịch vụ thương hiệu việt.    

3 Salam uan Tết Bun Pi May  thun 2017 di negar Cộng hòa dân chủ bhap bini Lào, melam bloh 10/4, Uỷ ban bhpa bini tỉnh Sơn La peih var taom gaok dom dom anek saih Lào dok bac di dom sang bac dalam tỉnh. Urak ni, tỉnh Sơn La dok hu labaih 1.000 anek saih Lào dok tui bac di dom sang bac đại học, cao đẳng dalam tỉnh. Mbang taom gaok salam uan Tết meng kan lac bruk pachreih ba ka dom adei kham merat yam tapa di dom thun bac patui di nan.

4/ Tui sở pato megru Bình Thuận, thun 2017, dalam tỉnh hu jaik 11.000 anek saih tut angan tame pakacah THPT pakat negar. Tapa khảo sát tuk camereip, hu labaih 4.900  anek saih tut angan tame pakacah bài thi khoa học tự nhiên; labaih 5.400 anek saih tut angan tame pakacah bài thi khoa học xã hội; labaih 300 anek saih tut angan tame pakacah 2 bài khoa học tự nhiên saong khoa học xã hội. Eng jaik 400 anek saih hệ pato megru thường xuyên ralo tut angan tame pakacah bài thi khoa học xã hội. Urak ini bruk kuhria caga ka mbang pakacah THPT pakat negar thun 2017 daok hu peih ngak siam di dom labik pato megru.

5/ # Dom harei ni, mik va Khmer di huyện bhum atah An Biên, tỉnh Kiên Giang, dok jar var kuhira caga raok Tết  Chôl Chnăm Thmây.  Dom thun tapa, kayua bruk sangka di  Đảng, karja, rai duik di mik va bangsa Khmer huyện An Biên hu rilo salaih bahrau. Boh sang kathaot trun tapa yaok thun rai duik mbang ngui dak harie dak tagok. Dom danak dak dong brei sang dok, ia saat, alam  môi trường, dong phun jien song dom sarak karei karei ngak pasalih rai duik di mik va

6/ Melam kabroi 10/4, di ban raya HCM hu peih parang iek “Thành tích urang nông naih gheih dalam samar mbeik drei tame – ngak nông đô thị saong giao thương kinh tế bhum Đông Nam Bộ 2017”. Parang iek nan lac piah daong cơ hội taom gaok ndom meyai nao mai di urang nông saong dom urang khoa học, doanh nghiệp, trao đổi thông tin, tiếp cận công nghệ barau, patagok xúc tiến pablei salih dalam gah ngak nông – ngư nghiệp.   

7/ #  Dalam 2 harie tapa,  labaih 2 ribau ada rong palao  20 harei  di ong Trương Thanh Trường di xã Lộc Hòa song ong Đặng Hương di xã Lộc An, huyện Phú Lộc, tỉnh Thừa Thiên Huế metai abih. Meng di tuk taduan hu khau tin Chi cục rong glang song Thú y tỉnh Thừa Thiên - Huế peih bruk dut iek mek mẩu payua Cơ quan Thú y bhum 3 xét nghiệm, kết quả dương tính song H5N6. Chi cục rong glang song Thú y tỉnh Thừa Thiên - Huế  hu panuac likau Uỷ ban bhap bini xã Lộc An và xã Lộc Hòa tacei ba ka dom boh sang rong ba nao am cuh dom tapon ada ruak, pathua khan dom jalan pacang caga ruak oh pachreih ba urang rong bahrau dalam tuk vak hu jit ruak.

Patui di ini dom khau tin dunya:

8/ Kapul urang QHVN kayua akaok Quốc hội Nguyễn Thị Kim Ngân ba akaok nao rivang saong ngak bruk di Cộng hòa Séc meng harei 11 tal harei 14/4 tui panuac daa di akaok Thượng viện Séc Mi-lan X-tếch. Mbang nao rivang nan lac piah peih praong saong patagok talei pambuak bruk di dua taneh ia dalam dom gah lập pháp, ilamu, pato megru, du lịch.

9/ # Tapa roh duah  hu khan di angaok Tạp chí y khoa Giờ Lan-sét (The Lancet) bahrai ni, Ấn Độ meda patak patom hu ia,  trun khí thải sang camin, meyah bhap bini salih bruk mbang menyum, trun bruk mbang tabung, ia tasau, menuk da, tapen di nan lac mbang rilo njam patam boh karaoh yau cam, tamekai, lahong./.

10/ Gah urang ngak praong Mỹ harei kabroi brei thau, taneh ia ini hu peih bruk ramik veik ngan saong dom bruk ngak quân sự di Xyri piah patagok bruk khik caga lực lượng Mỹ hadei mbang tấn công tên lửa tame sa căn cứ không quân di Xyri meng adit dahlau./.