1#/ Beir harei kabroi 10.5 Thủ tướng Nguyễn Xuân Phúc taduan raok kapul doanh nghiệp Hồng Kông, Trung Quốc.  Di var taom gaok  Thủ tướng Nguyễn Xuân Phúc ndom lac, VN dok salih bahrau khang gah đầu tư kinh doanh, samar ba drei tame KT dunya. Urak ni hu 224 negar dok pambuak bruk pablei salih song VN dalam nan hu Hồng Kông (Trung Quốc), sa gah KT sami samar song hu pren khang gah phun jien.

2/ Salam uan Phật đản thun ini, Giáo hội Phật giáo tỉnh Thừa Thiên - Huế peih ralo bruk ngak pahala; alin hadaih pandap ka labaih 560 urang sup meta saong urang jaoh jo di tỉnh Thừa Thiên-Huế saong tỉnh Quảng Trị. Abih tih yaom jien alin hadaih pandap dalam mbang ini jaik 600 triệu đồng. 

3/ # Peih bruk tacei ba di rajaei ka bruk dong urang rong pabui patrun kan kandah, khat lihik kayua yaom pabui patrun, Gilang pariak  Bưu điện Liên Việt dhar Kon Tum pambuak bruk song Tỉnh Đoàn Kon Tum peih bruk blei pabui ka urang rong, bloh alin brei ralaow pabui ka bếp ăn tập thể song sang kan kathaot.

4/ Tal urak ini tỉnh Trà Vinh daok jaik 10 ribau ha padai đông xuân daok jaik yuak kayua trun pajaih suai tui lịch kakei nyaik mbak. Min yaom padai gam gam patrun, nan ye urang nông oh hu laba ralo.

5/ # Bhum taneran krong Cửu Long lac sa mblang padai brah prong di taneh ia song di bhum Đông Nam Á. Min bruk xuất khẩu padai brah di bhum dalam dalam rilo thun ni mai dok gaok rilo kan kandah. Anak bruk ni, lambaok dom  Sở, ban nganh di bhum taneran krong Cửu Long hu panuac ieu Hiệp hội padai brah Việt Nam tui iek pachreih ba sàn giao dịch padai brah xuất khẩu hu padang ngak dahlau deih , padang talei pambuak bruk meng sản xuất tal tiêu thụ, dong ka urang nong song doanh nghiệp nyaih bruk “đục nước béo cò” di dom thương lái, cò mồi tuk bilan juak padai tal.

6/ Dom thun tapa, bruk “Ngak tui panuac wa, peih ngak patak pataom, daong gauk patrun kathaot khang kajap” hu dom pakat kapul urang kamei tỉnh Sóc Trăng jhul pakhang. Langiu di peih dom bruk ngak yau pabui haluk patak pataom, tổ urang kamei patak pataom ia, tổ urang kamei rik phun jien daong gauk patruh eik patrun kathaot, Liên hiệp urang kamei tỉnh daok peih ngak hu kein laba bruk “ngak ka nerak jeng jien”. Tapa 5 thun peih ngak, bruk ini hu rik daong jhul kadul likuk bruk caik nerak oh njauk labik, mek hu kein laba dalam bruk khik caga môi trường.

7#/ Mbang pakacah  Trung học phổ thông pakat negar thun ni, cụm thi ban raya HCM hu tong abih 114 điểm thi, labaih 3 ribau phòng thi di 24 quận, huyện. Yau nan, thí sinh bac di  quận, huyện halei hu pakacah di quận, huyện nan piah patrun bruk nao mai atah abih rilo tuk vak, jien ndua. Sở pato megru ban raya  Hồ Chí Minh pachreih hu labaih 9 ribau urang jakar tui iek. Dalam nan hu jiak 3.900 giảng viên mai meng 9 sang bac đại học.

Patui di ini dom khau tin dunya:

8/ Thủ tướng Anh Thê-rê-xa Mây harei kabroi (10/5) sanya patagok kadung jien quốc phòng di taneh ia ini tal thun 2023, meyah amuk jayah dalam bruk bầu cử di harei 8/6 tal.

9#/ Tui panuac khan di Công ty Tư vấn Bôstôn, sa công ty tư vấn chiến lược di Mỹ, gah du lịch Cuba dok peih rilo jalan min biak tavak tavaiy ka dom công ty du lịch tasik, kapan haoh, khách sạn kayua tuia damuai Mỹ mai tal Cu ba ni meda tagok 7 mbang dalam thun 2025

10/ Gilang pariak dunya saong A-rập Xê-út harei kabroi (10/5) njauk gauk ba tabiak paok jien daong 300 triệu đôla Mỹ daong langyah bruk an ninh lương thực di Yê-men. Yaom jien ini hu pandar daong ka dom bruk blei  lúa mì saong brah ka Yê-men./.