1/ # Taduan panuac daa di Thủ tướng negar Hà Lan Mác Rút-tơ, Thủ tướng  Nguyễn Xuân Phúc hu nao rivang negar Hà Lan meng harei 8 - 11/7/2017. 2 Thu tuong hu khan ka gauk thau bruk patagok  kinh tế - xã hội song đối ngoại di 2 negar; tadhau yhut dom jak jeng bo 2 negar mek hu dalam tuk vak tapa, ginum biai dom bruk jhul pakhang talei pambuak bruk dom gah njauk ngak dahlau yau palagaih haong biến đổi khí hậu, khik ramik ia, ngak ong, ,xăng menyekí, dịch vụ hậu cần, cảng tasik

2/ Harei kabroi 10/7, Thành ủy, Hội đồng bhap bini, Uỷ ban bhap bini, Ủy ban Mặt trận negar Việt Nam ban Hà Nội peih bruk taom mbaok saong pok meyaom urang hu buhrilo  pren yava ka taneh ia di tuk pahadar  70 thun harei Thương binh – Liệt sỹ (27/7/1947 – 27/7/2017). Ini lac tuk piah pato pakai bruk menyum ia hadar tal halau ia ka rai ranaih ban ine; pok meyaom bruk anit ranam taneh ia, hatai kham merat yam tapa di urang hu buh pren yava, bruk nao dahlau di thương binh, bệnh binh, gauk gar liệt sỹ saong urang hu buh pren yava dak padang saong khik caga taneh ia palei negar.

3/ # / # Tui mintri Y tế, adit bloh,  dalam negar hu  3.000 urang panidak tabiak darah, dalam nan hu sa urang metai di  An Giang. Yau nan, meng akaok thun tal ni, dalam negar hu jiak  50.000 urang ruak pandiak tabiak darah, dalam nan hu 14 urang metai. Di gah barak ruak tagok jang 4mbang dut song tuk vak ni thun dahlau.

4/ Yaok rituh baoh sang raong ikan lồng di kraong Bồ labik nao tapa phường Hương Xuân, ban sit Hương Trà saong xã Quảng Thọ, huyện Quảng Điền, tỉnh Thừa Thiên-Huế daok mbang huak oh bingi tuk ikan raong jaik tal bilan chap pablei ye nyu metai ralo, ndon patih lồng. Ralo baoh sang diuk meng bruk raong ikan lồng ye patih tangin, oh daok jien padai hagait.

5/ # Ngak tui sarak 67 di rajaei ka bruk brei mesraiy patagok kaya ikan , tal urak ni dom gilang pariak di tỉnh Tiền Giang taduan hu  33 harak likau mesraiy jien  ngak baharau kapan tasik dalam nan hu 4 kapan dịch vụ hậu bruk ngak ikan song  29 kapan tong chap atah tasik. Dalam nan hu  32 harak mersaiy ngak bahrau hu mbaoh tangin brei mersaiy, songyaom jien abih tih tui hợp đồng lac 238 tỉ đồng. 

6/ Sở Lao động, Thương binh saong Xã hội ban Cần Thơ brei thau, meng thun 2015 tal ini, dom puk palei, ban, ngành, kapul nyaom hu khik kajap saong ngak barau labaih 170 dự án, bruk ngak patruh kan kathaot ngan saong jaik 2.400 baoh sang, jaik si kan kathaot hu mbaok tame ngan saong abih tih phun jien labaih  25 tỷ đồng, ba bruk ngak ka labaih 3.300 urang ngak.

7/ # Uỷ ban bhap bini xã Trường Tây, huyện Hoà Thành, tỉnh Tây Ninh bahrau peih bruk jao thẻ Bảo hiểm y tế ka boh sang hu rai duik kan kandah dalam xã. Abih tih yam jien alin thẻ Bảo hiểm y tế labaih 11 triệu đồng kayua nyaom radeih juak 545 Vòng quay yêu thương (Tây Ninh) dong brei

Ptui di ini dom khau tin dunya:

8/ Ngoại trưởng Hàn Quốc Kang Kyung-wha brei thau, taneh ia ini saong  Mỹ daok ginum meyai ka bruk meda pandar rilo jang dom jalan ngak tẩy chay liên đới piah kak catang dom jalan trừng phạt TT pambuak tal danak dak hạt nhân di taneh ia ini.

9/ # Pháp daok kuhria kreih pambah mbang 17 lò phản ứng hạt nhân tal thun 2025, phun jien lac sa binah dalam bruk pasilih năng lượng piah patrun 50% điện năng di negar ni.  Taphia di nan, Pháp kuhira padeih PAblei dom pandap peih meng  xăng atau dầu menyek diesel meng ni tal thun 2040.

10/ Ủy ban Chữ Thập đỏ dunya (ICRC) brei thau, jit aih caraoh tamuh tabiak di Yemen meng bilan 4 tal ini ngak ka labaih 300.000 urang di taneh ia ini njauk ruak. Ini lac sa bala y tế jhak abih di taneh ia Tây Á daok njauk bruk mesruh metak palai pajoa, kinh tế tayah tayac saong mbuan laik tame eik lipa./.