1/  # Di Hà Nội, rayo sap ndom Việt Nam hu jao 300 triệu đồng jien dong ka mik va di bhum ia sua  dom tỉnh bhum ceik gah brak tapa Uỷ ban Trung ương Mặt trận negar Việt Nam. Dalam dom harei tapa, rayo sap ndom Việt Nam hu daong ka mik va dom tỉnh bhum ceik gah brak njauk khat lihik kayua ia sua. Kapul urang vak di rayo sap ndom VN gam song karja puk palei gam brei thau, gam jak ba saong kham merat dong ka mik va psiam veik dom khut khat.

2/ Tal urak ini, mban cứu trợ huyện Mường La taduan hu 8 tỷ 300 triệu đồng; labaih 30 tấn brah saong ralo pandap panda karei daong mikva bhum ia sua. Biak ralo kapul nyaom, menuac urang jeng hu mai daong bhap bini tani tanat rai diuk anak meta hadei di tuk njauk ia sua. Ini lac dom bruk ngak biak siam daong ka bhap bini bhum ia sua samar pasiam veik dom khat lihik kayua bala langik tasik, tani tanat rai diuk.

3/ # Di khu công nghiệp Tam Thăng, ban  Tam Kỳ, tỉnh Quảng Nam, labaih 100 urang ngak di Công ty Ducksan Vina đình công ndaoh quyền lợi harei. Dom urang hu mbaok  đình công brei thau, yaok harei urang ngak bruk gam tăng ca lac 12 tuk, min tuk bayar jien bilan song jien  tăng ca took kuhria 11 tuk. Langiu di nan, phụ cấp tok kuhria ca harei dok ca melam oh kuhria; yaok bilan sa urang ngak đóng 29.000 đồng min oh thau pandar dalam bruk hagait.

4/ Pasak patagok quỹ taneh ban sit Nha Trang, tỉnh Khánh Hòa hu bayar ka 60/61 baoh sang bhap bini njauk khuah ngan saong yaom jien abih tih jaik 9 tỷ 700 triệu đồng meng kadung jien karja. Dom baoh sang ini hu brei taneh padang ngak veik sang. Amuk Nguyễn Thị Trâm, bhap bini njauk pui khuah brei thau: “Taneh hu 64m2, daok sang klak oh ka tal 40m2, taduan hu taneh, cang jien piah ngak sang daok. Daok di ký túc xá oh lagaih. Kol dahlak caong khin hu padang ngak sang dahlau tết”.

5/ # Boh sang saai Hứa Văn Sắn  dok di palei Chăm Tuấn Tú, xã An Hải, huyện Ninh Phước, tỉnh Ninh Thuận meng sa boh sang urang nong kan kathaot tuk camereip hu 500 mét vuông taneh urak ni jeng boh sang ginup meda di palei  Chăm ni. Meng  ba công nghệ pruh ia patak pataom piah pala phun  măng tây song rong limo menekba mai kein liba glong ka sang saai  Sắn.

6/ Dom bác sĩ Khoa Khoa Ngoại Gan Mật, sang iek ruak Bình Dân ban raya Hồ Chí Minh barau blac hu siam meng robot ka sa urang ruak ung thư gan. Ini lac bruk pandar robot cakak gah ka urang praong akaok meti di VN piah daong pasiam bruk iek ruak gan. Hadei di tuk blac bloh, urang ruak hu khang kajap saong tabiak sang iek ruak hadei di sa adit iek ruak.

7# Pagam tal bruk mblang nghêu di Hợp tác xã Thủy sản Đồng Tâm daok di xã Thừa Đức, huyện Bình Đại, tỉnh Bến Tre metai rilo. Jabat chuyên môn hu panuac lac nghêu metai kayua độ mbak dalam ia trun, phù sa tagok glong, nghêu njom ký sinh trùng dalam ia, gluh baok.. Sở ngak nong song patagok palei  Bến Tre hu panuac kakei Hợp tác xã Thủy sản Đồng Tâm jang yau dom  hợp tác xã rong nghêu karei piah klak nyaih song patrun khat lihik.

Patui di ini dom khau tin dunya:

8/ Urak ini Mỹ lac taneh ia pandar tal 80% dom jru cadu pandik gây nghiện toàn cầu. Tui kuhria mboh di UB pacang cakak lạm dụng jru gây nghiện, yaok harei hu labaih 100 urang Mỹ metai kayua pandar biak ralo janih jru ini. Eng dalam thun 2015, janih jru ini ngak ka labaih 33 ribau urang metai.

9/ # Quân đội Hoàng gia Thái Lan brei thau, sa radeih ttuần tra di  quân đội hu  phao trung liên peih angaok jalan ye  njauk phục kích song njauk mìn di labik huyện Cha-na (Chanae), tỉnh Na-ra-ti-vát (Narathiwat). Bruk ni rah tabiak  di harei 9/8. Hadei di tuk 2 boh mìn patuh, kol phục kích nyu cuh tame sruh radeih ngak ka sa trung úy song 2 urang lin njauk rambuac./.

10/ Thổ Nhĩ Kỳ daok padang ngak sa daning an ninh tapen negar saong Iran, dreih yau paga barau ngak salah bloh di bilan 6 meng bloh hong Xyri. Tui urang dang akaok tỉnh taphia negar Agri, ini lac sa bruk ngak piah patagok an ninh di taneh ia anak dom urang buôn lậu saong pacang cakak bruk xâm nhập di dom chiến binh urang Cuốc. Rajaei Thổ Nhĩ Kỳ ndom lac, kapul nổi dậy hu angan Đảng công nhân urang Cuốc, daok hu mbaok ngak khang di labik taphia negar Iran./.