1 # Daok dalam mbang nao rivang Negar Thụy Điển, Hungari, Cộng hòa Séc, taduan panuac daa di akaok Thượng viện Cộng hòa Séc Milan Stech (Mi-Lan Xtếch), Kapul urang pakat glaong Quốc hội Việt  Nam kayua akaok Quốc hội Nguyễn Thị Kim Ngân ba akaok daok rivang Cộng hòa Séc meng harei 11/4-14/4. Cộng hòa Séc nan lac negar Đông Âu akaok meti daong brei ODA ka Việt Nam. Negar ini hu 34 dự án daok hu peih ngak ngan haong yaom phun jien buh tame abih tih jaik 90 triệu đô la Mỹ, dang ka 45/116 taneh aia saong bhum taneh buh jien tame Việt Nam.  

2/ Harei 11/4, di ban Sơn La, tỉnh Sơn La hu peih bruk padang ngak sang pahadar  dom liệt sỹ sang guc Sơn La di inem krung pakat negar đặc biệt sang guc Sơn La. Tui kuhria sang pahadar dom lie6t5bsy4 sang guc Sơn La lac công trình ilamu hu padang ngak angaok taneh jaik 4.000m2, nan lac: sang pahadar; mblang bein sang pahadar…. Abih tih dự toán công trình sang pahadar dom liệt sỹ sang guc Sơn La labaih 9,6 tỷ đồng meng phun jien xã hội hóa. Tui kuhria, sang pahadar dom liệt sỹ sang guc Sơn La hu ngak salah bloh saong ba tame pandar dalam thun ini.

3 # Harei 11/4, Kapul urang ngak Ban tacei pato Tây Nam Bộ kayua ong  Sơn Minh Thắng - Ủy viên Trung ương Đảng, Phaok akaok ban Thường trực Ban Chỉ đạo Tây Nam Bộ dang akaok, hu mai rivang saong tadhau ayuh dom baha Phật giáo Nam tông Khmer dalam tỉnh Vĩnh Long tukvak tết cổ truyền Chôl Chnăm Thmây thun 2017 di bhap bani bangsa Khmer. Tapa nan, Kapul urang ngak bruk Ban tacei pato Tây Nam bộ, tỉnh Vĩnh Long hu pok brei ralo pok pandap ka ban quản trị dom baha saong dom baoh sang bhap bani Khmer hu rai diuk kan kandah, urang jakar padeih hưu dalam tỉnh. 

4/ Ong Huỳnh Văn Hùng, Phaok akaok thường trực Ủy ban Mặt trận negar Việt Nam tỉnh Hậu Giang brei thau, dalam tukvak tal, Hậu Giang patui tacei pato bhap bini bangsa Khmer peih ngak siam dom bruk lễ, tết; taphia di nan pambuak brei kapul nao rivang, tadhau yuh dom harei lễ, tết piah pachreih ba bhap bini patagok ilamu bangsa. Hậu Giang urak ini hu labaih 26.000 urang bangsa Khmer diuk rai di dom puk palei, meblah labaih 3% menuac dalam tỉnh. Thun 2016meng danak dak 135, tỉnh hu daong ka bhap bini Khmer di 29 palei biak kan kandah piah patagok kinh tế ngan saong abih tih yaom jien labaih 7,5 tỷ đồng.

5 # Peih ngak sarak daong brei ngak nong, meng thun 2014 tal ini, tỉnh Long An hu buh tabiak labaih 100 tỷ đồng piah daong ka urang nong raong pala kaya ikan dalam aia di dom huyện bhum Đồng Tháp Mười, daong mô hình padang ngak danao halang dalam bruk raong hadang aia lợ di dom huyện Cần Đước, Cần Giuộc, Tân Trụ saong Châu Thành; daong vắc xin pacang caga ruak pabui tangi hijao ka labaih 7.000 baoh sang raong glang dalam tỉnh. Taphia di nan pachreih patagok bruk pambuak gauk ngak tabiak pagam haong blei tame kaya nong, padang mblang hamu prong.

6/ Dom harei ini, tamekai pablei dalam hamu di dom baoh sang bhap bini dalam tỉnh Bà Rịa - Vũng Tàu tok di 3.000 đồng/kg; dalam tuk nan, urang mai blei tamekai takik, ngak ka ralo bhap bini duh hatai. Ngan saong yaom pablei ini, yaok ha tamekai, urang pala khat labaih 60 triệu đồng. Tui dom urang nông, phun jien pala sa ha tamekai tagok tal labaih 100 triệu đồng. kayua yau nan ye, meyah tamekai ngak njauk, yaom pablei 5.000 đồng/kg tagok urang pala tok  mek hu phun jien.

7 # Harei 11/4, pak bal sit Cát Tiên, Sở Thông tin saong Truyền thông tỉnh Lâm Đồng peih pakak mbang parang “Hoàng Sa, Trường Sa di Việt Nam – dom  bằng chứng dak rai sajarah saong adat hukum”. Ini lac mbang akaok meti  ralo rairah bhap bani, anek saih, urang jakar, bol lin… dalam huyện atah bayah Cát Tiên hu mong iek dom thư tịch cổ, bản đồ, harak dak rai sajarah, bằng chứng lịch sử… oh malah hu ka chủ quyền di Việt Nam ngan haong dua quần đảo Hoàng Sa saong Trường Sa.

Patui di ini dom khau tin dunya:

8/ Meng harei 19 tal harei 22 ttal, di Hà Nội hu rah tabiak nyaom darak pasar pablei salih dunya Việt Nam mbang ka 27 (VietNam Expo2017).Thun ini, nyaom darak pasar hu labaih 500 doanh nghiệp ngan saong jaik 600 gian hàng mai meng 16 tỉnh, ban di VN saong 23 taneh ia, bhum lãnh thổ yau: Trung Quốc, Ấn Độ, Campuchua, Thái Lan…Dom pandap hu parang di nyaom drak pasar nan lac: Máy-thiết bị, xây dựng saong vật liệu xây dựng; Điện, điện tử saong công nghệ thông tin, nguyên phụ liệu, pandap menyum, gia dụng, pandap iek glang pren yava saong dịch vụ…

9 # Trung Quốc meda hu sa sanya pablei salih siam jang haong Mỹ meyah daong Mỹ langyah hu kadha Triều Tiên. Ini lac panuac brei thau di Tổng thống Mỹ Đô-nan Trăm  angaok mạng Twitter di ong harei kabroi 11/4. Ong Trăm jeng brei thau, ong hu ndom tal kadha ini haong akaok negar Trung Quốc Tập Cận Bình dalam mbang rivang Mỹ di ong Tập Cận Bình adit dahlau.

10/ Viện ruah duah Dân số saong An sinh Xã hội Nhật Bản harei kabroi 11/4 brei thau, menuac sia NB hu patrun daok 88 triệu urang dalam 50 thun tra. Tui báo cáo, meng 2 thun dahlau, menuac sia Nhật lac 127 triệu urang, min kayua tỷ lệ menek takik, menuac sia patrun daok ala 100 triệu di thun 2053. Tal thun 2065, menuac sia Nhật Bản hu patrun daok  88 triệu. Umo trung bình di likei Nhật Bản hu tagok jaik 85 thun di thun  2065 saong umo trung bình di kamei hu tagok  91, duk saong 87 urak ini./.