1 # Biar harei kabroi 11/5, pak Phnôm Pênh, Cam-pu-chia, Thủ tướng Nguyễn Xuân Phúc hu mbaok tame dom bruk ngak di Nyaom biai Diễn đàn Kinh tế dunya ka ASEAN (WEF ASEAN) mbang ka 26. Brei panuac di van peih pakak, Thủ tướng Nguyễn Xuân Phúc klah rabha haong dom urang pal akaok dom negar ASEAN ka dom jak jeng cakrok patagok saong yam tame khu vực bo ASEAN mek hu dalam 50 thun tapa. Thủ tướng ndom lac bruk cakrok patagok di ASEAN daok peih tabiak ralo jalan siam laghaih ka dom doanh nghiệp, dalam nan hu Việt Nam lac sa dalam dom nền kinh tế năng động abih haong GDP patagok bình quân 6% dalam 30 thun tapa saong tui kuhria patagok 6,5-7% dalam 2017-2020.

2/ Jeng dalam harei 11/5, tỉnh Bình Phước peih nyaom meyai di Singapore ieu đầu tư tame 63 dự án di dom gah yau cơ sở hạ tầng di dom khu công nghiệp, cụm công nghiệp; ngak nông saong chế biến pandap mbang; pablei salih, dịch vụ saong công nghiệp du lịch; hệ thống ba ia saong xử lý nerak; năng lượng.

3 # Tukvak pahadar 127 thun harei menek Chủ tịch Hồ Chí Minh, Quân đội bhap bani Việt Nam  kuhria peih ngak ralo bruk ngak hu maknak. Tui nan, meng harei 16-17/5 meda pok meyaom 127 kareih camin peih ngak siam bruk jak ba "Patagok ilamu, cống hiến tài năng, njauk haong angan bộ đội Cụ Hồ". Ini lac sa dalam dom kareih camin lambaok ka dom jabat huấn luyện, sẵn sàng mesruh metak, jabat quân sự puk palei, dom học viện sang bac, bol lin hu mbaok tapak ngak tabiak pandap panda.

4/ 32 anek saih sang bac mẫu giáo Đăk Hring, huyện Đăk Hà, tỉnh Kon Tum tame sang iek ruak harei kabroi (11/5) medil lac ngộ độc thực phẩm. Tui Bác sĩ Nguyễn Thanh Hà, Giám đốc pasak y tế huyện Đăk Hà, tỉnh Kon Tum, taong abih dom kamuan tame sang iek ruak lac pandiak, pandik tian, aih ia gam saong taluk ta-aok saong dom kamuan mboh yau hội chứng lỵ  

5 # Ủy ban bhap bani tỉnh Sóc Trăng bahrau peih Nyaom biai ba tabiak jalan peih talaih dom kan kandah dalam raong glang, pablei rilo pabui dalam tỉnh Sóc Trăng. Sở Ngak nong saong patagok palei pala tỉnh Sóc Trăng pambuak haong dom siêu thị pablei dom rilo pabui pak Sóc Trăng. Pathau khan, jak ba dom jabat, kapul nyaom brei ngak dahlau bruk blei rilo pabui piah kích cầu blei pandar. Tỉnh Sóc Trăng jeng daok jhul patagok bruk pambuak haong dom tỉnh kurang rilo pabui yau Bạc Liêu, Cà Mau piah pachreih bruk blei  rilo pabui dalam tukvak anak tal. 

6/ Tỉnh ủy, Hội đồng bhap bini, Uỷ ban bhap bini, Ủy ban Mặt trận negar Việt Nam tỉnh An Giang barau peih bruk phong tặng, truy tặng angan “Amaik Việt Nam Anh hùng” ka 34 amaik hu gauk gar metai ka bruk peih paha bangsa saong khik caga taneh ia palei negar. Dalam tukvak tal dom ngành, dom puk palei tỉnh An Giang patui patagok ilamu cách mạng, kuhria siam jang rai diuk mbang ngui daok dang ka dom amaik Việt Nam Anh hùng, urang daok dalam sarak karja, thương bệnh binh saong dom baoh sang hu buh pren yava ka cách mạng di puk palei.

7 # Melam kabroi 11/5, pak Hội trường Uỷ ban bhap bani tỉnh Bến Tre, pasak xúc tiến Thương mại saong Đầu tư bal raya Hồ Chí Minh pambuak haong Sở Công Thương tỉnh Bến Tre, peih ngak “Adat meyaih khan pandap panda di doanh nghiệp bal raya  Hồ Chí Minh thun 2017” pak tỉnh Bến Tre meng harei 11/5 tal harei 15/5. Adit meyaih khan pandap panda di dom doanh nghiệp bal raya  Hồ Chí Minh, ngan haong bruk hu mbaok di labaih 100 doanh nghiệp ngan haong 150 gian hàng parang pandap panda kaya nong (khak drak, jru khik caga phun pala, pandap mbang raong glang, vật tư ngak nong…), pandap panda công nghệ sinh học, cơ khí - máy móc, điện - điện máy, pandap thời trang, pandap panda kaya mbang menyum, pandap panda kaya pandar dalam sang, tapuk siphau – văn phòng phẩm.

 Patui di ini dom khau tin dunya:

8/ Harei 11/5, dalam mbang nao ngak bruk di ban ine Tuy-nítx di Tuy-ni-di, Phaok akaok  ban thường trực Ban đối ngoại trung ương đảng Trần Đắc Lợi hu dom bruk taom gaok karei saong Quốc vụ khanh iek gah Ngoại giao Sáp-ri Bách Tốp-di saong akaok mintri Nội vụ Tuy-ni-di Hê-đi Me-đô. Di dom mbang taom gaok, dua gah hu khan ka gauk bruk yaok taneh ia, yaok khu vực, jeng yau trao đổi, duah jalan piah jhul pakhang talei pambuak bruk dua gah di Việt Nam saong Tuy-ni-di, abih di nyu nan lac gah pablei salih  saong pato megru.

9 # Cộng hòa Dân chủ bhap bani Triều Tiên bahrau ini tagok sap brei thau lac bruk peih ngak sa hệ thống tên lửa kayua Mỹ padang pak Hàn Quốc meda ngak ka pulao kaoh Triều Tiên jeng sa chiến trường hạt nhân. Phản ứng di Triều Tiên ba tabiak dalam tuk bruk di pulao kaoh Triều Tiên dak harei dak catang hadei di ralo mbang thử hạt nhân, tên lửa di Triều Tiên.

10/ Akaok mintri Ngoại thương saong Du lịch Ê-đu-a-đô Phơ-rây-rốt brei thau, Trung Quốc hu jeng labik pabak tuai du lịch ka  2 di châu Á tapa Pê-ru, hadei Nhật Bản. Saong daok kuhria mboh dahlau lac, anak tal tuai damuai châu Á mai tal Pê-ru hu patagok ralo jang gac./.