1/ # Tapa 2 thun, danak dak “Klah rabha song anai gru cei gru” kayua  Trung ương Hội Liên hiệp dam dara Việt Nam pambuak bruk song mintri pato megru, Bộ Tư lệnh Bộ đội Biên phòng peih bruk pok meyaom 106 gru cei, anai gru naih gheih dalam bruk pato pakai,  buh rilo pren yava ka bruk pato pakai rairah ranaih… dom cei gru anai gru dok ngak bruk di dom sang bac sit di 64 huyện kan kathaot song dom sang bac bhum palao tasik.

2/ Meng akaok bilan 6 tal ini, di tỉnh Đăk Lăk ruak laka cambuai tapaok kakau hu rah tabiak di 3 huyện Ea Súp, Buôn Đôn saong Krông Búk ngan saong abih tih kabau, limo, pabui njauk ruak jaik 300 drei. Dom drei kabau, limo, pabui njauk ruak jeng lac laka cambuai, sraiy ia pabah, laka viền takau, klak mbang…Makna athur njauk ruak lac kayua langik hajan ralo, var ro raong pasah; dom drei athur oh ka hu klauk pacang cakak vacxin.  

3/ # Piah patagok taneh riya, urang ngak, patrun kathaot palei pala, tỉnh Tiền Giang peih ngak taneh pala dứa nguyên liệu labaih 16.000 ha di huyện Tân Phước di bhum Đồng Tháp Mười  pabak ka bruk pandar song chế biến xuất khẩu; dalam nan hu labaih 14.000 ha dok paik boh, năng suất tui kuhria jiak 20 tấn/ha.

4/ Uỷ ban bhap bini tỉnh Bến Tre brei thau, tỉnh hu quy hoạch 11 labik patagok điện ngin di dom bhum bãi bồi tapen tasik di huyện Bình Đại saong Ba Tri. Abih tih công suất điện meng dom hệ thống ini jaik 1.250 MW. Tapa nan daong ka tỉnh pabak hu 1/3 điện pandar saong sản xuất.

5/  # Ong Võ Văn Phải di xã Hòa Mỹ, huyện Phụng Hiệp, tỉnh Hậu Giang brei thau: bhum taneh palei ong njom mbak trak, dahlau deih meda pala hu tabau song sa vụ padai, min brei kein liba oh glong. Sang ong hu sa ha taneh pala tabau, min tal tuk jiak tah  tabau ye ia sua tuh mai ngak trun năng suất, chất lượng, bloh urang blei kateik yaom yau nan ye thun halei jeng khat. Dom thun tapa, ong song dom urang nong di labik ni khang hatai salih tapa pala phun mãng cầu xiêm. Ngan song janih phun pala bahrau ni, ong song dom urang nong di labik ni yaok thun yaok thun duah hu yaok rituh triệu đồng sa ha, glong jang 10 mbang dut song pala tabau , pala padai dahlau deih.

6/ Tapa 5 thun peih ngak danak dak padang ngak palei pala barau, huyện Tân Hiệp, tỉnh Kiên Giang pachreih hu phun jien labaih 1.200 tỷ đồng; dalam nan, bhap bini rik daong jaik 700 tỷ đồng, brei jaik 48.000 m² taneh  ngak jalan mbak palei pala saong padang ngak sang bac. Bhap bini Tân Hiệp jeng yau giáo dân dak chreih chrai kayua huyện mek hu tanut chuẩn palei pala barau thun 2016. Tukvak anak tal, huyện Tân Hiệp pachreih hu jaik 360 tỷ đồng; dalam nan bhap bini rik daong 175 tỷ đồng piah ngak pakhang, pabak dom tanut daok takik ngak hu.

7/ # Meng ni tal bilan 9, Pasak dong anek saih, sinh viên ban raya  Hồ Chí Minh pambuak haong labaih 300 doanh nghiệp di ban raya piah tacei yaok ribau bruk ngak sinh viên tapa danak dak  “bruk ngak bilan HÈ 2017”. Dut song thun dahlau ye thun ni bruk ngak rilo jang.

Patui di ini dom khau tin dunya:

8/ Thái Lan saong Mianma njauk gauk brei padang sa Ủy ban hỗn hợp piah langyah bruk urang ngak Mianma di Thái Lan hadei di tuk karja Thái Lan ba tabiak quyết định piah langyah bruk urang ngak negar langiu daok sung hukum di taneh ia ini.

9/ # Hãng “Tin tức” ba khau tin meng mintri Ngoại giao Nga brei thau Nga meda peih ngak dom jalan ngak khang, piah cagar veik bruk Mỹ tịch thu tài sản ngoại giao di  Nga daok di Mỹ di bilan 12 thun dahlau. Tui nan, Nga meda trục xuất jiak 30 urang ngoại giao Mỹ song patom mek drap ar  di Mỹ daok di Nga.

10/ Harei 11/7, gah Y tế dunya brei thau, jit aih caraoh ngak ka 35 uranaih metai di châu Âu dalam sa thun tapa saong ndom lac, bruk metai kayua dom jit ruak meda pacang cakak hu meng vacxin lac bruk oh njauk rah tabiak./.