1/ #Thủ tướng rajaei bahrau brei adat peih ngak Đề án “Jhul khang bruk pathau khan, pato pakai adat hukum song pathua khan, jak ba mik va bhum bangsa takik song bhum ceik  tuk vak 2017 – 2021”.  Đề án peih ngak meng thun 2017 tal abih thun 2021 dalam 52/63 tỉnh, ban di  Trung ương hu rilo urang bangsa takik duik rai. Jalan ngak di Đề án piah salih bahrau hatai sahaneng song  eng drei ngak njauk tui dom adat hukum di Đảng saong karja.

2/ Mintri pato megru brei thau, thun bac 2016 -2017, dom  tỉnh ban kham merat ieu pataom dom pren khang saong pataom tame tacei pato jhul pakhang bruk padang sang bac chuẩn pakat negar, pambuak saong padang sang bac siam mekre, anek saih naih gheih. Dalam   thun bac 2016 -2017, dalam taneh ia hu 13.466 sang bac phổ thông mek hu chuẩn negar.

3/ # Ủy ban bhap bini ban Buôn Ma Thuột, tỉnh Đak Lak  dok peih tal bac  tong chiêng song doh ragu daoh bhap bini bangsa Mường di xã Hòa Thắng. Tal bac hu 26 urang umo meng 14 tal 23, lac anek kamuac bangsa  Mường dok dalam xã. Tapa tal bac nan, urang dok hu pato jalan pang, thau ka dom ragu ragam cồng, chiêng song dom janih alat ragam kak kajap haong ragu daoh bhap bini Mường.

4/ Dalam tỉnh Hậu Giang hu abih tih 340 sang bac dom pakat bac phổ thông, dalam nan hu 85 sang bac mầm non, 170 sang bac tiểu học, 62 sang bac trung học cơ sở, 23 sang bac trung học phổ thông. Urak ini hu 175/340 sang bac mek hu chuẩn pakat negar. Meng ini tal puac thun 2017, Hậu Giang kham merat hu gilac 20 sang bac chuẩn negar, tui kuhria abih tih yaom jien buh tame ngak labaih 33 tỷ 100 triệu đồng.

5/ # Piah khik iek bruk mek jien je pandar taneh tui njauk hukum, Ủy ban bhap bini ban sit Kon Tum, tỉnh Kon Tum  hu tacei dom gah pambuak gauk ngak salah  bruk padang sổ bộ thuế pandar taneh ngak nong song phi ngak nông thun 2017. Tui kuhria puac bilan 6/2017, ban meda ngak salah bruk ni. Min urka ni bruk peih ngak dok gaok rilo tavak tavaiy, ngak oh njauk hatai bhap bini 

6/ Kuhria meng harei 1 tal harei 10/8, dom janih halak daok tamuh khang ngak palai pajoa padai hè thu di tỉnh Quảng Ngãi labaih 7.900 ha. Vụ padai Hè Thu thun 2017, tỉnh Quảng Ngãi drak jaik 35.600ha; dalam nan hu 24.286 ha daok dalam tuk pacah mbu.

7/ # Meng akaok thun tal ni, dalam tỉnh Cà Mau hu labaih 1.230 urang ruak pandiak tabiak darah, rilo jang 74% dut saong tuk vak ni thun 2016. Anak bruk ruak pandiak tabiak darah tagok samar,  Ủy ban bhap bini tỉnh Cà Mau hu tacei gah y tế tui iek catang jit rua, pacang caga sia, oh caih tagok jeng jit.  Dom labik iek ruak caga  pandap panda, brei menuac hu mbaok caga iek ruak tuk hu jit rah tabiak.

Patui di ini dom khau tin dunya:

8/ Dom urang ilamu tabiak panuac brei thau, jamuok lac sa janih biak nguy hiểm kayua nyu hu mầm bệnh saong mbuan  pambak dom janih ruak hu menuac metai ralo. Jamuok caik anek saong tagok khang di bilan hajan. Bhum châu á saong châu phi lac labik hu bhap bini njauk ruak kayua jamuok kaik rilo di abih.

9/ # Di Nam Xu-đăng, labaih 5,5 triệu  urang (samu meteh dom menuac sia di negar ni) dok dang anak bruk iek lipa trak. Dalam tuk nan, Liên hợp quốc  jeng hu panuac ieu dom taneh ia di dunya daong chip ka yaok pluh ribau urang daok gaok kan kandah trak kayua mesruh metak palai pajoa song pandiak bhang khang.

10/ Yaok pluh ban sit, praong saong dom mban dalam taneh ia Mỹ daok pathau dom hãng jru praong di taneh ia ini ngak brei nyil ma túy jhak abih dalam taneh ia Mỹ saong ba tal jhak pren yava bhap bini./.