1 # Hadei di sa thun ( 2016) peih ngak danak dak 2467 ka bruk pataom mek phao ndao, pandap patuh saong công cụ daong angaok tuyến tapen negar, Bộ Chỉ huy Biên phòng tỉnh Thanh hu pathau khan, jak ba bhap bani bangsa takik jao nộp, taduan mek gilac 2.203 mbaik phao saong nòng phao dom janih; 24 bộ phận cò; 40g đạn chì; 1.368 asal patuh... ini lac bruk ngak mek hu ralo baoh jeng siam mekre di lực lượng biên phòng Thanh Hóa, ngak brei grap tanat an ninh trật tự tuyến tapen negar, patrun bruk man tauk anek athur glai di bhap bani.

2# Bruk ngak hamu, pala drak di tỉnh Kiên Giang dak harei dak hu ngak rilo meng mac jamraih. Mac tam padai hu ba tame ngak hamu daong ka mikva ngak padai brei asar siam. Mac tam padai daong mikva kuhria iek padai anek mbuan, dalam tuk drak padai meng 10 tal 15 harei piah ba nao tam di hamu. Bruk njauk caik hatai nan lac asar pajiah padai sumu gauk, khang kadang, tamuh siam meda brei asar brah pablei tabiak negar langiu hu.  

3 # Hu mboh rah rah meng puac bilan 4, tal ini pak Hậu Giang ralo mblang taneh padai Hè Thu njauk ruak vàng lùn, lùn balik hala gilac mboh hadei di ralo thun oh mboh. Urak ini jit ruak ini daok pambak prong saong tamuh khang angaok mbang taneh padai Hè Thu daok sraoh saong tathak di Hậu Giang. Tal ini, dalam tỉnh hu labaih 500ha padai Hè Thu njauk ruak vàng lùn, lùn balik hala ngan haong tỷ lệ ngak khut khat meng 3 - 6%, hu mboh ralo di dom huyện Châu Thành A, huyện Long Mỹ saong huyện Vị Thủy. 

4#Urak ini, yaom rilo pabui diuk di tỉnh Bình Dương daok trun kayua pabui raong rilooh hu thei blei. Urang raong pabui oh pablei hu pabui rilo ba tal pabui daok  labaih 234.000 drei, caong hu jalan pablei piah daong  urang raong.

5 #  Mbang pakacah Trung học phổ thông Pakat negar thun 2017 di bal raya Hồ Chí Minh hu taong abih 114 labik pakacah ngan haong jaik 71.500 thí sinh mboh tangin tame pakacah. Yau nan, thí sinh bac di dom quận, huyện halei meda pakacah di dom quận, huyện nan piah patrun bruk nao mai abih ralo tukvak saong jien padai. Piah grap tanat bruk peih ngak dom mbang pakacah an toàn, nghiêm túc, Sở Pato megru bal raya Hồ Chí Minh jak ba labaih 9 ribau urang jakar iek  thi.  Dalam nan, hu jaik 3.900 giảng viên mai meng 9 sang bac đại học hu Mentri pato megru brei bruk iek pakacah.

6# Di tỉnh Đak Lak daok peih Mbang pakacah padhih the thao Bangsatakikmbang 14 thun 2017. Pakacah pachreih hu 17 kapul ngan saong 624 urang dalam tỉnh tame. H'Na Bkrông saih bac Sang bac Cao đẳng nghề dam dara bangsa Tây Nguyên hu mbaok tame pakacah mbang ini lac: “Dahlak sram cuh siuk mneg tal 9, dahlak mai ini piah ngak krein randap saong dom ayut  gam bac megru ka bruk cuh siuk. Cuh siuk daong brei khang hatai, hadah meta pabak prein yawa piah bac megru.”

7 # Sở ilamo padhih saong rivang ma-in tỉnh Quảng Ngãi pambuak haong Ủy ban bhap bani huyện Trà Bồng bahrau peih bruk taduan mek  Bằng inem mek ilamo pakat negar Lễ hội điện Trường Bà Trà Bồng.  Bruk peih ngak lễ hội piah pabak hatai caong khin gah tinh thần ka bhap bani bangsa Kinh saong Cor. Lễ hội pachreih labaih 4.000 tuai damuai dalam saong langiu tỉnh.

Patui di ini dom khau tin dunya:

8/ Tui pathau khan barau ba tabiak harei 11/5, tuổi thọ di dom urang njom HIV di dom taneh ia hu tagok jang 10 thun meng tuk dom janih jru pacang cakak HIV/AIDS tabiak rai meng dom thun 1990. Haei di tuk tổng hợp saong langyah số liệu di labaih  88.000 urang ruak HIV di Prang saong Mỹ, gah khoa học mboh dom urang ruak hu iek ruak saong dom janih jru đ8ạc dụng bhian diuk lavik jang saong samu tuổi thọ trung bình di menuac sia dunya.

9 #  Labaih 2 ribau tài xế taxi trun jalan biểu tình pak bal ine Bâu-gơ-ta, Cô-lôm-bi-a piah phản đối dịch vụ taxi U-bơ, kayua lac bruk pajeng ba ini meriak gauk oh khang kadang. Urang jakar Cô-lôm-bi-a brei thau, hu jaik 2 ribau 400 tài xế taxi pataok radaih di drei angaok ralo canah jalan pak bal ine Bâu-gơ-ta. Dom  tài xế ini trun jalan biểu tình phản đối dịch vụ taxi U-bơ – sa bruk pajeng ba daok brei pakauk di ralo negar angaok dunya, min tal harei ini jeng daok peih ngak pak di  Cô-lôm-bi-a.

10/ Takik di abih 23 urang metai saong 27 urang karei njauk rambuah kayua sa daning jaleih dalam tuk daok ngak lakhah di bang Rajasthan  harei 11/5. Cảnh sát brei thau tuk daok ngak likhah di huyện Bharatpur, hu ribuk khang gam saong hajan praong ngak ka ralo urang nduacmai daok di sa mái hiên. Tuk nan, daning hu mái hiên ini jaleih, ngak takik di abih 23 urang metai saong 27 urang karei njauk rambuah./.