1# Harei kabroi (12/7), di tỉnh Đồng Nai, Phaok akaok negar Đặng Thị Ngọc Thịnh hu var taom gaok, song brei pandap ka boh sang gauk gar 64 liệt sĩ var klak rup drei dalam mbang tong di mblang kapan haoh  Biên Hòa, Tết Mậu Thân 1968.  Phó akaok negar payua panuac klah rabha anak dom pandik harao di dom boh sang, gauk gar liệt sĩ hu urang dalam sang ndih trun dalam mbang tong atah di ni jiak 50 thun.

2/ Pambuak tal bruk mehit lac daok sa kabo hu rilo bộ đội metai meng thun 1968 di gah pai di mblang kapal haok Tân Sơn Nhất, ban raya Hồ Chí Minh, biar harei 12/7, akaok mintri lao Lao động - Thương binh saong Xã hội, Đào Ngọc Dung, Trung tướng Đỗ Căn, Phó Chủ nhiệm Tổng Cục Chính trị, bol bala bhap bini Việt Nam gam saong urang dang akaok dom mintri, ngành, UB bhap bini ban raya HCM hu nao pasang iek tapak,  rivang sua dom urang jakar urang lin daok ngak bruk di labik ini.

3 # Piah oh padeih tagok talei jum patom kak kajap meng kan di rajaei song bhap bini song gah khik ramik jalan tapen negar Việt Nam – Lào, dong padang ngak jalan tapen negar siam mekre, pambuak song patagok, hu bruk njauk hatai di Quân ủy Trung ương, mintri Quốc phòng, Bộ  Tư Lệnh Bộ đội Biên phòng dang tabiak peih ngak danak dak taom gaok hữu nghị biên giới tapen negar Việt Nam – Lào, mbang ka sa meng harei  22 tal   24/7/2017 di tỉnh Sơn La.

4/ Di tỉnh Bình Dương, kapul ngak bruk di mintri Công an kayua Trung tướng Nguyễn Văn Sơn, Thứ trưởng mintri Công an pan akaok kapul hu nao pasang iek bruk ngak  dalam 5 thun ngak tui Chỉ thị 09 ka “patagok bruk pan akaok di Đảng ngan saong bruk  taong abih bhap bini khik caga an ninh palei negar dalam samar barau”. Brei panuac di var ngak bruk, Trung tướng Nguyễn Văn Sơn taong yaom glaong bruk ngak hu tui Chỉ thị 09 di tỉnh Bình Dương, abih di nyu nan lac bruk patagok, pambak praong dom mô hình; taphia di nan, caong khin tỉnh patui salih barau asal, jalan padang ngak bruk  “taong abih bhap bini khik caga an ninh palei negar” lagaih saong bruk khik caga an ninh trật tự dalam samar barau, lagaih saong yaok puk palei, yaok gah, pabak bruk patagok KT – XH.

5/ # Ban Dân vận Trung ương bahrau hu var ngak bruk song  Tổng Liên đoàn lao động Việt Nam ka danak dak "Salih bahrau bruk  ngak Công đoàn Việt Nam dalam tuk vak bahrau". Akaok Ban Dân vận trung ương Trương Thị Mai ndom lac, công đoàn Việt Nam oh lac kapul lambaok  ka  quyền song kein laba di urang ngak, bo dok hu labik dang prong  dalam bruk padang  hatai jia ka bhap bini song urang ngak  di negar tui tacei ba di Đảng.

6/ Tal tukvak ini, ralo tinh ban dalam taneh ia, hu ngak salah bloh saong brei thau bruk tốt nghiệp THPT, ralo tỉnh, ban hu anek saih tốt nghiệp THPT biak glaong, tagok meng 0.5% tal 5%  duk saong thun bloh yau Phú Thọ, Điện Biên, Bến Tre.... Njauk caik hatai nan lac thun ini hu ralo sang bac THPT hu taong abih anek saih tốt nghiệp yau tỉnh Thanh Hóa hu tal 18 sang bac. Di ban HN, dalam 241 labik patao megru hu anek saih pakacah THPT pakat negar thun 2017 ye hu 78 labik pato megru hu taong abih anek saih tốt nghiệp THPT

7/ # Urang ruak pandiak tabiak darah di ban raya Hồ Chí Minh daok tagok samar dalam dom adit jiak di ni. Taeng adit bloh urang ruak tagok 32% dut song 4 adit dahlau di nan.  Urak ni, Pasak  Y tế Dự phòng ban raya Hồ Chí Minh hu peih  3 kapul tui iek, duah thau song dong ka dom quận, huyện dalam bruk pacang caga ruak pandiak tabiak darah. Dom puk palei jeng hu taong phat 50  boh sang, labik pablei salih, dom labik padang ngak oh hu mbaok tame bruk pametai jamuk,  lăng quăng piah pacang cag ruak pandiak tabiak darah song  Zika.

Patui di ini dom khau tin dunya:

8/ Urak ini, dom janih pandap kaya nông di Campuchia daok trun yaom khang. Yau ralo pabui yaom jaik 7.500 ria/kg (jaik 40 ribau đồng), min yaom darak pasar tok trun tagok jaik 6 ribau ria/kg. Makna dom janih kaya nông ini trun yaom lac kayua pablei ralo jang urang blei. Yau amriah kalu thun ini tui kuhria CPC hu labaih 20 ribau tấn, tagok jang dua mbang duk saong thun dahlau.

9/ # Bruk khủng hoảng urang ngak nhập cư urak ni di Thái Lan meda ngak ka bruk pablei tabiak negar langiu 10 triệu tấn brah di negar ni gaok rilo kan kandah. Anak bruk ni, Hiệp hội dom urang pablei brah tabiak langiu  Thái Lan hu panuac ieu rajaei daong palagaih tuk vak tut angan tame harak di urang  ngak nhập cư, trun jien ndua song langyah dom kan kandah tal bruk meriak gauk   pablei tabiak negar langiu di Thái Lan. Urak ni, yaom jien đăng ký ngan song urang ngak nhập cư lac 30.000 - 40.000 Bạt/ urang (880-1172 đôla).

10/ Mintri an ninh Nội địa Mỹ harei 12/7 brei thau ka bruk yah klak lệnh oh brei ba máy tính pan tangin saong dom thiết bị điện tử karei praong jang phin pan tangin tagok cabin kapal haok di hãng kapal haok negar Ai Cập tal Mỹ. Yau nan, urak ini tok daok dua hãng kapal haok Trung Đông jeng daok njauk dom hạn chế kayua Mỹ ba tabiak meng bilan 3 meng bloh./.