1 # Dalam mbang nao ngak bruk di bhum Tây Nguyên, biar harei kabroi 13/4, ong Đỗ Bá Tỵ, Phaok akaok Quốc hội hu van ngak bruk haong Ủy ban bhap bani tỉnh Đắk Lắk ka bruk taduan raok bhap bani, langyah đơn thư saong khiếu nại, tố cáo di bhap bani. Thun 2016, dom gah, dom pakat di tỉnh hu taduan raok jaik 6.600 mbang bhap bani mai khiếu nại, tố cáo, kiến nghị, khan brei thau saong labaih 5.300 đơn thư khiếu nại, tố cáo, patagok ralo jang dut haong thun dahlau. Brei panuac di van ngak bruk, ong Đỗ Bá Tỵ, Phaok chủ tịch Quốc hội tacei lac, dalam tukvak anak tal, tỉnh Đak Lak njauk pambuak bruk catang haong dom bộ, ngành Trung ương pasang iek, langyah ka nyu salah blaoh dom bruk khiếu nại tố cáo phức tạp, daok dui atah meng livik mai. 

2/Mintri ngak nông saong patagok palei pala barau mbaoh tangin brei ngak “Kế hoạch pakat negar pasang iek jit ruak di hadang saong ikan pra duh ka bruk xuất khẩu, tukvak 2017 – 2020”. Abih tih phun jien peih ngak labaih 106 tỷ đồng, dalam nan, kadung jien TƯ labaih 77 tỷ đồng, daok veik lac kadung jien puk palei gam saong doanh nghiệp. Bruk ngak hong gauk di kế hoạch nan lac piah paglaong chất lượng bruk pacang cakak saong cảnh báo jit ruak, rik daong patagok bruk raong hadang, ikan pra khang kajap saong jhul pakhang xuất khẩu.

3 # Piah Pabak bruk pandar aia hacih di bhap bani huyện kathaot Đam Rông, Ủy ban bhap bani tỉnh Lâm Đồng bahrau njauk hatai ka jalan buh jine tame ngak dự án Sang mac aia pandar Đạ R’Sal (xã Đạ R’Sal, Đam Rông) ngan haong phun jien labaih 28 tỷ đồng. Dự án kayua Doanh nghiệp tư nhân xăng menyek Văn Thân (huyện Đam Rông) ngak po buh jien tame ngak piah pabak ia pandar ka bhap bani xã Đạ R’Sal. Sang mac hu padang ngak bahrau abih mbon angaok mblang taneh labaih 11 ribau mét vuông, dalam nan kavei padang aia hacih 500m2, mblang taneh caik thiết bị halang hoá chất 400m2, mblang taneh padang sang khik iek 400m2.

4/ Dalam var họp báo ka bruk kinh tế - XH dalam 3 bilan akaok thun di puk palei hu peih tabiak biar harei kabroi 13/4, urang dang akaok tỉnh Ninh Thuận brei thau: dalam tukvak tal, tỉnh NT hu pataom salih janih phun pala, kham merat dalam vụ hè thu salih labaih 1.000 ha, caga peih ngak iek di huyện Ninh Phước, patagok bruk pacang cakak jit ruak di tapon athur raong, menuk ada. Tỉnh Ninh Thuận jeng hu daong palagaih, pachreih đầu tư di gah du lịch năng lượng tái tạo (điện ngin saong điện ia harei), patagok kein lagaih urak ini daok hu di tỉnh.

5 # Mentri Giao thông – Vận tải bahrau hu quyết định jak ba buh jien tame ngak Dự án pasiam Quốc lộ 53 tapa tỉnh Trà Vinh (canah Trà Vinh - Long Toàn) tui jalan pambuak bruk BOT. Ngan haong taong abih phun jien buh tame labaih 630 tỷ đồng, Dự án hu peih akaok di xã Phước Hảo, huyện Châu Thành saong labik puac di bal sit Duyên Hải, huyện Duyên Hải. Dự án atah abih atih jaik 38 km; quy mô jalan pakat III đồng bằng, tốc độ thiết kế 80 km/h. Tui kuhria tiến độ, tukvak peih ngak Dự án ini lac meng ini tal abih thun 2018. Công trình meda ba tame pandar dalam thun 2018. 

6/ Harei 13/4, di sang iek ruak Phụ sản - Nhi Đà Nẵng, Vụ Sức khỏe Bà mẹ - Trẻ em (mintri Y tế) pambuak saong dom đơn vị peih nyaom meyai klah rabha kết quả tuk camereip saong padang gilang ia tasau amaik akaok meti di VN. Tui sang iek ruak Phụ sản - Nhi Đà Nẵng, hadei 2 bilan peih ngak di sang iek ruak, gilang pariak ia tasau amaik akaok meti di VN hu 46 amaik brei ia tasau, mek hu labaih 140 lít ia tasau, dalam nan hu 60 lít ia tasau hu pandar piah iek glang saong điều trị ka 136 uranaih mbuan suy dinh dưỡng atau nhiễm trùng.

7 # Pachreih tui harei tapuk Việt Nam 21/4, bal raya Hồ Chí Minh peih ngak ralo danak dak, bruk ngak ilamo puac tapuk brei ka taong abih độc giả di ralo labik yau: Jalan tapuk bal raya Hồ Chí Minh, Thư viên Khoa học Tổng hợp, dom sang tapuk dalam bal raya… Tui nan, meng akaok bilan 4 tal jaik kreh bilan 5, tame yaok harei Car saong harei dit yaok adit, Ban Điều hành Jalan tapuk bal raya Hồ Chí Minh peih ngak danak dak "Khoa học Vui" brei ka dom adei ranaih. Ini lac không gian piah ka dom adei sit peih ngak iek khoa học bo drei hu thau tapa sách, báo, piah pachreih bruk đam mê, bac megru roh duah di dom adei sit. 

Patui di ini dom khau tin dunya:

8/ Thủ tướng Nhật Bản Xin-dô A-bê harei kabroi 13/4, cáo buộc Triều Tiên meda cuh iek tên lửa gam tui khí độc sa-rin gây hại ka thần kinh. Ong A-bê ndom lac, TT brei thau lac, TT oh hu tương lai meyah căng thẳng angaok bán đảo TT daok patagok.

9 # Gah khik caga takai tasik Libya Ayoub Qassem brei thau jaik 100 urang di cư lahik hadei di sruh gilai pajeng dom urang ini karam di langiu tasik Libya. Tui urang jakar ini, sruh gilai ini nyu karam di Gargaresh, langiu tasik labik ngoại ô gah Pur bal ine Tripoli. Tok hu 23 urang hu daong veih, dalam tuk nan jaik 97 urang jeng daok lahik, dalam nan hu 15 urang kamei saong uranaih. Tui panuac khan di dom urang daok diuk, gilai ini pajeng 120 urang. Ong Qassem brei thau, đáy gilai pacah nan lac makna ngak ka sruh gilai karam. 

10/ Tổng Cục Hải quan Trung Quốc harei 13/4 ndom lac Bắc Kinh hu ngak tui dom lệnh lệnh trừng phạt di Liên hợp quốc (LHQ) tuk oh brei adat dom kapal pajeng than đá di TT tame cảng taneh ia ini. Kapul kapal pajeng than đá di TT daok talap veik cảng Nampo – atah ban ine Bình Nhưỡng jaik 50 km mai gah salatan, hadei di tuk urang ngak praong Trung Quốc tabiak lệnh brei dom công ty pablei salih bayar veik than đá mai meng TT./.