1/ # Hadei di tuk sirah song pok gilau di nghĩa trang Hàng Dương, beir harei 13/7, phaok akaok negar Đặng Thị Ngọc Thịnh hu nao rivang , alin pandap ka dom boh sang sarak karja song anek saih kan kathaot yam tapa kan kandah di huyen Côn Đảo, tỉnh Bà Rịa – Vũng Tàu. Phaok akaok negar Đặng Thị Ngọc Thịnh hu jao 89 pok pandap ka dom boh sang sarak karja song brei  100 pok jien bac cho ka dom anek saih kathaotyam tapa kan kandah bac daa naih joi  di huyện Côn Đảo.

2/ Thủ tướng rajaei barau tabiak harak brei bằng “Tổ quốc ghi công” ka 498 liệt sĩ. Dom liệt sĩ hu brei Bằng "Tổ quốc ghi công" mbang ini di dom mintri: Công an, Lao động - Thương binh saong Xã hội, Quốc phòng saong 36 tỉnh, ban. 

3/ # Pamong tal bruk pahadar 70 thun harei  Thương binh Liệt sĩ (27/7), Kapul  urang dahlau deih ngak bol lin tỉnh Đăk Nông peih rilo bruk ngak hu makna. Meng akaok thun tal ni, kapul urang dahlau deih ngak bol lin tỉnh Đăk Nông hu ngak 3 boh sang “Nghĩa tình đồng đội” ka thương binh hu rai duik kan kandah, yaok boh sang hu yaom 60 triệu đồng.

4/ Meng thun 2010 tal ini, di tỉnh Ninh Thuận hu rah tabiak 5 mbang njauk jru mek pandap mbang meng bimao ngak ka 23 njauk jru mek, oh hu thei metai. Ong Thành Văn Nghĩa-phaok akaok Chi cục vệ sinh an toàn thực phẩm Ninh Thuận brei thau: biak ralo janih bimao oh mek saong athur raong, menuk ada min nyu mek saong menuac nan ye bhap bini bangsa takik daok di dom xã bhum ceik brei caik hatai sangka. 

5/ #   5 thun tapa, tong abih phun jien padang ngak palei pala bahrau di ban Cần Thơ labaih 5 ribau 700 tỷ đồng. Tui ong Phạm Văn Hiểu, Phó Bí thư thường trực Thành ủy Cần Thơ, tal thun 2020, ban kham merat ngak ka taong abih 36 xã mek hu tanut palei pala bahrau, jien mek tame di urang palei pala meng 50 triệu đồng/sa urang sa thun, baoh  sang kan di dom xã  ala 4%.

6/ Harei 13/7, Sở patao megru tỉnh cà Mau brei thau, mbang pakacah THPT negar thun 2017 dalam tỉnh anek saih tốt nghiệp THPT hệ chính quy hu labaih 98%. Hệ pato megru thường xuyên, dalam tỉnh hu 468 anek saih pakacah, tốt nghiệp hu jaik 67%.

7/   # Dom thun tapa, pasak ilamu tỉnh Sơn La hu ngak siam bruk khik ramik song patagok ilamu dom bangsa, tapa bruk jhul patagok bruk ngak ilamu , doh tako bhap bini, patabiak yaok ribau ấn phẩm nghiệp vụ, harak pathau khan. Pasak hu roh duah, pasiam hu  12 rija roya meng kan di dom bangsa daok di Sơn La; paneh bahrau yaok rituh kadha doh, lagu tamia, roh duah khik ramik song paytagok dom janih alat ragu bangsa, lagu daoh bhap bini dom bangsa Sơn La.

Patui di ini dom khau tin dunya:

8/ Dalam mbang nao rivang saong hu mbaok tame dom danak dak taom gaok ndom meyai nao mai saong urang dahlau daih lac lưu học sinh quân sự Lào hu bac daa di VN rah tabiak di ban ine Viêng-chăn (Lào) meng harei 13 tal 16/7/2017, biar 13/7, kapul urang lambaok bol bala bhap bini VN, kayua Thiếu tướng Lê Hiền Vân, Phó Chủ nhiệm Tổng cục Chính trị bol bala bhap bini Việt Nam ba akaok kapul urang taneh ia drei hu nao rivang miuyim Cay-sỏn Phôm-vi-hản, rivang  labik lưu niệm Chủ tịch Su-pha-nu-vông-  tuk pahadar 108 thun harei menek di ong (13/7/1909 13/7/2019), rivang miuyim bol bala bhap bini Cách mạng Lào.

 9/ # Tal tuk vak nihu takik di abih 40 urang metai song jiak  1,5 triệu karei njauk klak sang danaok kayua ia sua khang di  bang Át-xam (Assam), di gah đông bắc Ấn Độ.

10/ Tui kuhria mboh di gah Y tế dunya  urang njauk ruak pandiak dom di dunya trun 60% meng thun 2000. Min, ini jeng lac janih ruak hu urang metai ralo abih di dunya, labaih 400 ribau urang yaok thun, bo makna njom mbak ralo meng lac kayua jamuok./.