1/ # Uan thun bac bahrau, piah dong ka dom anek saih, abih di nyu nan lac di bhum atah baya, bhum mik va bangsa takik dalam tỉnh hu tapuk siphau nao bac kadung jien khik ramik song patagok glai tỉnh Kon Tum dok peih danak dak truyền thông Đồng hành song adei tal sang bac. Hu peih ngak di 106 sang bac di 76 xã dalam tỉnh, Danak dak  truyền thông Đồng hành song adei tal sang bac, kayua kadung jien khik ramik song patagok glai  tỉnh Kon Tum peih ngak ba mai ka dom anek rilo ilamu khik ramik, patagok glai. Angaok bìa yaok pluh ribau tapuk cih vak alin ka dom adei anek saih, kadung jien khik ramik patagok glai tỉnh Kon Tum dok in dom panuac ieu pagam tal bruk khik iek glai.

2/ Barau ini, di xã Lộc An, huyện Bảo Lâm, tỉnh Lâm Đồng hu ngin ribuk ba tui hajan patau dui atah labaih 20 minit nao tapa 5 palei ngak ka labaih 40 baoh sang di bhap bini par tabung. Ngin ribuk jeng ngak dua duk bac di sa sang bac mầm non njauk par tabung, sa geng điện jaleih ngak lahik điện dalam palei, yaok pluh ha taneh durieng, cà phê saong geng amraih kalu di bhap bini njauk jaleih, jruh asal saong dabram. 

3/ # Urak ni ban raya Hồ Chí Minh dok dang anak non trak bruk tagok dom ruak oh njom mbak hu gam tal  dinh dưỡng song jalan mbang ngui daok dang meng bruk đô thị hóa, tagok umo thun, bruk salih bahrau rai duik, bhain randap mbang menyum. Menuac tagok kilo limek di uranaih dalam yumo nao bac lac 41,4%, dalam nan hu 19% lac limek. Urang meeik saradang di urang prong meng 30 tal 69 thun lac 11,4% dut song dalam negar 5,7%. Dut song thun 2008, urang ruak meei saradang  tagok 162%.

4/ Kuhria tal urak ini, dalam taneh ia hu 80 ribau 555 urang njauk ruak pandiak tabiak drah, dalam nan hu 24 urang metai. Eng di ban raya HCM, kuhria tal abih adit tapa, abih tih urang tame sang iek ruak kayua pandiak tabiak drah lac labaih 12 ribau 200 urang, hu 4 urang metai. Tok dalam adit, hu 13 dalam 24 quận huyện hu urang ruak pandiak tabiak drah tame sang iek ruak. Dom quận, huyện hu dom urang ruak ralo tapa tanut báo động jit yau: Quận 6, Quận 12, Bình Tân, Tân Phú, huyện Bình Chánh, huyện Hóc Môn...

5/  # Urak ni, mblang bei java di urang nong Trà Vinh njauk khat lihik trak, kayua hajan ribuk. Rilo boh sang khat lihik abih, dalam tuk nan dom urang oh khat lihik jeng oh hu hadom, kayua yaom blei trun khang. Bilan  hè thu ni  dalam tỉnh Trà Vinh hu jiak 600 ha pala bei plom. Tui kuhria mboh oh ka ginup abih Trà Vinh hu labaih  300ha bei plom njau khat lihik  50-80%. Rilo meng lac yaok  héc ta paik hu  dom pluh tạ bei plom (60kg), dalam tuk yaom pablei meng  bán 180-220 ribau đồng/tạ yau nan ye urang ong khat meng 20-30 triệu đồng/ha, oh kuhria pren iek glang

6/ Meng panuac khan  brei thau, kapul Liên hiệp urang kamei ban Cần Thơ daok taom gaok duah thau saong daong ka sa urang iek ruak meng jalan taong menuac pametai kamot ngak brei jaoh talang talaih. Urang hu iek ruak tui jalan ini lac amuk angan L.T.D, umo 52 thun daok di phường Phú Thứ, quận Cái Răng, ban Cần Thơ hu baoh sang ba tal tỉnh Kiên Giang brei jru cúng iek ruak oh ndih hu meng jalan cap kamot. Tapa nan dalam jaik 10 harei, amuk njauk dua urang likei khik tangin takai brei jru taong meng tangin saong tut nhang rup pabhap.

7/  # Pagam tal bruk  rilo urang ngak di Công ty Wondo Vina di  xã Long Bình Điền, huyện Chợ Gạo, tỉnh Tiền Giang njauk jru mek ba tame sang iek ruak cấp cứu harei 26-27/7; tapa mek mẫu duh iek , Chi cục pandap mbang hacih saat Sở Y tế Tiền Giang, brei thau: bruk nan kayua pandap mbang njom anek ruak E.Coli tapa tanut brei adat rilo mbang.   Đơn vị ni hu daa  doanh nghiệp, po ging mbang mai ngak bruk song langyah tong phạt tui hukum.

Patui di ini dom khau tin dunya:

8/ Tapa duah thau menuac urang di sang bac Đại học Ra-ja-bát Suẩn Đu-sịt, taong abih bhap bini TL pachreih tui hội đồng khik kajap trật tự taneh iabrei dui atah veik lệnh oh brei ngak bruk chính trị, kayua caong hu khik kajap an ninh trật tự taneh ia. Bruk pasang iek duah thau hu peih ngak meng harei 9 tal harei 12/8, tapa labaih 1 ribau 1 rituh bhap bini, hu umo meng 18 thun tagok, dalam dom bruk ngak karei di gauk dalam taneh ia.

9/ # Truyền thông Iran  brei thau, labaih 470 urang kan suak yava  hadei di mbang rò rỉ khí clo (chlorinedi labik gah merong  negar ni.Tong abih 475 urang njom độc khí clo hu samar ba tal sang iek ruak jiak di abih. Urak ni hu  45 urang hu khik veik  di sang iek ruak piah tui iek, dalam tuk nan dom urang dok veik hu brei mai sang.

10/ Sa mbang jaleih haluk rah tabiak di bang Hi-ma-chai Pra-đét, Ấn Độ, lum 2 sruh radaih pajeng tuai  ngak takik di abih 47 urang metai. Hadei di tuk rah tabiak mbang jaleih haluk, gah cứu hộ hu mai tal labik nan. Kuhria tal melam kabroi, 47 mejit hu duah mboh. Bruk duah menuac lihik jeng daok hu peih tabiak di mesup harei ini 14/8./.