1 # Raja-ei bahrau tabiak Nghị định 57/2017/NĐ-CP brei thau cambaih sarak brei ngak dahlau bruk tuyển sinh saong daong ba bac megru ngan haong uranaih mẫu giáo, anek saih, sinh viên bangsa takik. Dom menuac hu mbang tui nan lac uranaih mẫu giáo, anek saih, sinh viên dalam 16 bangsa hu bhap bani ala 10.000 urang. Uranaih mẫu giáo, anek saih, sinh viên bnagsa takik biak takik manuac hu ưu tiên tame bac di dom sang bac pato megru njauk haong hatai caong khin. Anek saih tốt nghiệp trung học cơ sở hu palih ruah tapak tame dom sang bac phổ thông bangsa gam bac gam daok, sangbac trung học phổ thông, labik pato megru bruk ngak trình độ sơ cấp saong trung cấp. Anek saih tốt nghiệp trung học phổ thông hu palih ruah tapak tame dom sang bac, khoa dự bị đại học, dom labik pato megru đại học, dom labik pato bruk ngak.

2/ Pahadar 76 thun harei padang Đội Thiếu niên tiền phong Hồ Chí Minh (15/5/1941 - 15/5/2017), Thành đoàn - Hội đồng Đội ban Hà Nội hu peih bruk pahadar piah hadar veik bruk ngak hadah krah di Đội Thiếu niên tiền phong Hồ Chí Minh. Meng 30 Hội đồng Đội quận, huyện, ban sit, 1.304 liên đội saong jaik 1 triệu đội viên nhi đồng dalam ban raya, Hà Nội lac labik hu tổ chức đội saong urang đội dang akaok dalam taneh ia. Tapa dom bruk ngak ngan saong jalan ngak “umo sit ngak bruk sit, iek tui pren di drei”, dom liên đội, chi đội di ban raya rik daong hu yaok pluh tỷ đồng ka dom bruk ngak pahala saong yaok rituh ribau công trình măng non hu kein lagaih ka bhap bini.

3 #  Kapul daong uranaih Dunya bahrau meyaih khan ka dự án “Sang bac siam mekre – pacang khik uranaih mbuan njauk bala” tukvak 2, pak Bal raya Hồ Chí Minh. Dự án ini dui atah tal abih thun 2019. Taong abih phun jien buh tame labaih 30 tỷ dalipal rituh triệu đồng. Tui kuhria meda hu 55 ribau uranaih, 48 ribau gru pato, ban giám hiệu, urang jakar ngak bruk iek glang uranaih, urang halar hatian saong amaik ame meda mbang tui dự án ini. Ong Phan Thành Lập, Phaok akaok phòng Giáo dục – Đào tạo quận Bình Tân brei thau:“Ngan haong jalan ngak ba tabiak saong danak dak bruk ngak anak tal, khaol drei saneng lac dự án meda pabak siam dom bruk daong ka dom gru pato dom sang bac jeng yau amaik ame anek saih dalam bruk pacang caga, iek glang uranaih. Khaol drei mboh dom danak dak bo dự án ba tabiak lac biak siam.”

4/ Jaik meteh bilan ini mai, dom xã di huyện huyện Si Ma Cai, tỉnh Lào Cai hu yaok pluh drei kabau metai hadei di tuk mbang njauk hareik nhiễm độc. Gah ngak nông huyện saong karja dom xã hu khoanh vùng hamu, bein hu pluh jru pametai hareik; khan ka bhap bini thau jui palao athur raong tame nan. Abih di nyu nan lac, kakei saong tui iek bhap bini pandar jru pametai hareik khik kajap nguyên tắc “pak njauk” lac njauk jru, njauk nồng độ - liều lượng, njauk tuk saong njauk jalan piah oh klah khat lahik ka bruk ngak nông saong môi trường. 

5 # Sang iek ruak Uranaih Lâm Đồng hu ba tame pandar, taduan saong  iek ruak urang ruak umo ala 15 thun hu saong oh hu bảo hiểm y tế. Urak ini, Sang iek ruak Uranaih Lâm Đồng hu 60 baoh meneng ndih ngan haong 4 khoa lâm sàng, nan lac: Khoa Khám - Cấp cứu hồi sức - Sơ sinh saong chống độc; Khoa Nội - Vật lý trị liệu - Nhiễm; Khoa Ngoại - Liên chuyên khoa saong Khoa Xét nghiệm - Dược - Chẩn đoán hình ảnh. Sang iek ruak Uranaih Lâm Đồng hu padang ngak ngan haong phun jien 245 tỷ đồng, urak ini hu 95 urang, dalam nan hu jaik 30 bác sỹ, urang jakar hu ilamu đại học saong angaok đại học.

6/ Tui Chi cục kiểm lâm tỉnh Đăk Nông, meng akaok thun tal ini, di tỉnh rah tabiak jaik 150 mbang vi phạm hukum khik caga saong patagok glai, ralo jang thun bloh 30 mbang. Dalam dom mbang ini, ralo lac jah tak glai (ngak khat lahik jaik 130ha), jaik 40 mbang pajeng ba kayau saong lâm sản sung hukum, daok veik lac lih mek taneh glai. Gah chức năng hu lập biên bản, langyah hành chính labaih 100 vụ, chuyển hồ sơ điều tra hình sự 4 vụ, pataom mek ralo phương tiện saong labaih 70 m3 kayau dom janih.

7 # Page harei 14/5, Tỉnh đoàn Kiên Giang pambuak haong báo Tuổi Trẻ peih bruk padang ngak công trình lắp đặt jalan mbrong ba aia saong daong brei pandap panda padang aia ka mikva labik pandiak mbak bhian kurang aia pandar dalam bilan thu di 2 huyện An Minh saong Kiên Lương. Hu 150 baoh sang hu daong padang ngak jalan mbrong ba aia hacih, pagam đồng hồ saong pambuak pagam 5 mét jalan mbrong aia tame tal sang. Danak dak daok alin brei 100 bồn padang aia ngan haong dung tích 500 lít/ bồn ka 100 baoh sang di huyện Kiên Lương.

Patui di ini dom khau tin dunya:

8/ Urang ngak praong ban ine Xa-na di Y-ê-men barau tabiak bruk khẩn cấp hadei di tuk tamuh tabiak jit aih caraoh ngak ka yaok pluh urang metai. Mintri y tế Y-ê-men ieu dom kapul ngak pahala saong dom urang daong ba tangin tame daong taneh ia ini pacang cacak saong jit ruak saong pacang cakak bala oh ka huini. Tui thống kê di gah y tế dunya, jit ruak hu ngak metai 51 urang meng harei 27/4 meng bloh saong hu tal 2 ribau 752 urang karei medil lac njom ruak.

9 # Mỹ saong Trung Quốc njauk gauk lac tal kreh bilan 7 tal meda patagok  bruk taom gaok darak pasar Trung Quốc ka dom công ty jien padai Mỹ jeng yau peih prong bruk pablei salih nao mai rilo limo saong rilo menuk di dua negar. Ini lac kadha bahrau abih dalam yaok kadha bo dua gah kham merat peih ngak piah cakak trun thâm hụt thương mại di Mỹ ngan haong Trung Quốc. Ini lac kadha ngak hu akaok mereip dalam luac 100 harei ginum biai thương mại di Mỹ saong Trung Quốc hu peih ngak meng bilan dahlau.

10/ Takik di abih 3 urang metai, labaih 220 urang njauk rambuah tuk sa mbang megei baoh taneh khang 5,7 độ rích-te ngak tatuan bhum ia san Iran. Dom kapul daong urang njuak bala hu mai tal labik ini, kham merat daong dom urang njauk rambuah, jeng yau duah dom urang daok gar ala đống đổ nát. Bala kayua mbang megei baoh taneh rah tabiak hu ngak cản trở tal bruk tiếp cận dom puk palei. Ralo bhap bini puk palei hu kakei ndih langiu piah đề phòng dom mbang dư chấn hadei mbang megei baoh taneh./.