1 # Ong Hoàng Ngọc Khanh, Chánh Văn phòng Ủy ban bhap bini tỉnh Thừa Thiên - Huế brei thau, hadei di tuk taduan hu dom panuac karei di gauk ka yaom harak hik radeih du lịch dalam tỉnh, Ủy ban bhap bini tỉnh Thừa Thiên - Huế brei trun yaom harak vé pataok radeih  di dom labik rivang main du lịch meng Quyết định 57/2017/QĐ - UBND. 

2/ UB bhap bini tỉnh Phú Yên barau tabiak jalan patagok bruk raong hadang ia taba, ia mbak ngan saong bruk ngak tal thun 2025 mek hu  100 triệu USD. Piah ngak hu bruk nan, tỉnh Phú Yên buh tame labaih 89 tỷ đồng, dalm nan 55 tỷ đồng meng dom kapul nyaom, menuac urang piah peih ngak dom nhóm dự án lac: quy hoạch cambaih laih bhum raong hadang, pasiam veik hạ tầng bhum raong; đầu tư sản xuất pajaih saong quan trắc môi trường; jit ruak; salih barau công nghệ, pablei salih saong xúc tiến đầu tư.

3/ # Thun bac 2017- 2018, huyện Kon Plông, tỉnh Kon Tum hu labaih 6.600 anek saih lac anek kamuan di bangsa  Sê-đăng. Tapa pasang iek di Phòng pato megru di labik ni brei thau,  langiu di 2.500 anek saih lac anek di boh sang kathaot hu karja dong jien bac daa blei tapuk siphau, dom anek saih dok veik meda kurang  giáo khoa song siphau. Anak bruk ni, karja song gah pato megru di labik ni hu patom tapuk klak, hu panuac ieu dom kapul nyaom, menuac urang rik pataom hu  29.000 tapuk siphau pabak ginup ka dom adei di thun bac bahrau 

4/  Hợp tác xã njam an toàn Trà Tân lac kapul nyaom akaok meti  pala njam an toàn di tỉnh Bình Thuận. meng jalan pala sit sot, bar thei thei ngak, urak ini urang nông xã Trà Tân ba gauk tame HTX piah pambuak brukt padang angan njam an toàn di xã. Ini lac jalan nao barau piah paglaong yaom pandap, patagok khang kajap bhum chuyên canh njam patam di huyện Đức Linh, tỉnh Bình Thuận.  

5/   # Di sang atah bangsa Chơ Ro, paeli Lý Lịch, xã Phú Lý (huyện Vĩnh Cửu), Ban Thường trực Ủy ban Mặt trận negar  tỉnh Đồng Nai pambuak bruk song pasak  Sinh thái - ilamu – lịch sử Chiến khu Đ peih bruk pato megru ilamu rong  pajaijh pabo Bách Thảo song jak ba urang dalam palei salih janih phun pala di dự án samar khik ramik  limen tỉnh Đồng Nai. Mik va bangsa Chơ Ro , Châu Mạ, S’Tiêng hu  pathau khan ka bruk khik ramik môi trường song tacei pato ilamu rong glang, ngak var ro song dom jalan pacang caga ruak dâlm bruk rong glang di mô hình ni

6/ UB bhap bini tỉnh An Giang peih bruk taom mbaok pahadar 72 thun harei taong abih bhap bini khik caga an ninh palei negar; pok meyaom 60 kapul nyaom, menuac urang hadah krah dalam bruk ngak taong abih bhap bini khik caga an ninh palei negar thun 2017. Tuk ini, UB bhap bini tỉnh An Giang alin harak meyaom brei 2 kapul nyaom,10 urang hadah krah dalam bruk ngak taong abih bhap bini khik caga an ninh palei negar thun 2017; công an tỉnh alin harak meyaom ka 14 kapul nyaom saong 34 urang naih gheih.

           7/   # Piah thau dhar phor tuai damuai song daong ka tuai damuai blei hu  harak kapan haoh yaom lap, Vietnam Airlines hu peih danak dak  khuyến mại prong di abih meng ni tal  puac thun hu angan ieu “Mùa Thu Vàng”. harak hu PAblei  meng harei 15/8 Tuk vak peih ngak ka dom danak dak dui atah meng harei  15/8/2017 tal abih harei 31/3/2018.

Patui di ini dom khau tin dunya:

8/ Bộ Dân chính Trung Quốc brei thau, mbang hajan ribuk dui atah meng harei 11/8 tal ini ngak khat lahik ka Khu tự trị Nội Mông Cổ. Hajan khang ba tui ngin patau ngak brei 7 urang metai, 48 ribau urang njauk gaok kan kandah, labaih 2 ribau urang njauk salih labik daok, jaik 300 baoh sang saong 26 ribau ha njam patam njauk palai pajoa, khat lahik jaik 97 triệu nhân dân tệ (labaih 300 tỉ đồng).

          9  # Khau tin Nga bahrau brei thau, dom urang dang akaok negar Mỹ dok tui iek bruk kreih pambah mbang sa Tổng lãnh sự di  Nga di Mỹ piah khik  bruk samu gauk gah jabat ngoại giao di 2 negar, kayua urak… Nga hu 4 Tổng Lãnh sự quán di Mỹ , dalam tuk nan gah Mỹ bahrau hu 3 Tổng lãnh sự quán di Nga.  

10/ Tui kuhria di mintri Quốc phòng An-giê-ri, hu labaih 170 urang metai kayua blung ia meng tuk padeih hè di taneh ia ini di bilan 7 meng bloh. Anak bruk nan, rajaei An-giê-ri hu brei labaih 60 ribau urang hu mbaok tame khik caga di dom labik padeih padei, piah patakik dom bala rah tabiak./.