1 # Melam kabroi (15/10), Ủy ban Trung ương Mặt trận Negar Việt Nam peih  danak dak “Jak gauk brei ka urang kathaot” mbang ka 17 gam sa tuk pak Hà Nội saong bal raya Hồ Chí Minh ngan haong “Grauk labik dalam negar jak gauk brei ka urang kathaot – oh caik ka theik klaak veik gah likuk”. Mai pataom mboh saong brei panuac di danak dak pak Hà Nội, Thủ tướng Nguyễn Xuân Phúc khang panuac lac, saneng tal bhap bani ngan haong dom kan kandah, glaih glar dalam rai diuk, nyu pachreih khaol drei abih drei piah kham merat ba taneh aia tabiak truh bruk jien mek tame takik, bhap bani hu trei sil, haniem phol. Tapa kadung jien “Brei ka urang kathaot” 4 pakat, hadei di 17 thun jak ba hu labaih 13 ribau 400 tỷ đồng saong daong brei tapak tapa danak dak  an sinh xã hội di puk palei hu labaih 36.200 tỷ đồng.

          2/ Jeng dalam harei 15/10, di ban raya Hồ Chí Minh, Hiệp hội patagok ilamu doanh nghiệp Việt Nam pambuak bruk saong kapul urang kamei doanh nhân ban raya HCM peih diễn đàn “Ilamu DN – jalan piah patagok khang kajap. Phaok Thủ tướng thường trực rajaei Trương Hòa Bình mai pataom mbaok. Ngan saong kadha “Ilamu doanh nghiệp - jalan piah patagok khang kajap”, diễn đàn pachreih hu labaih 500 DN, diễn giả dalam taneh ia saong dunya mai taom gaok ndom meyai nao mai, klah rabha dom ilamu dalam tukvak dak padang ilamu DN.

          3 # Gah langiu Đại hội đồng Liên minh Nghị viện dunya mbang ka 137 (IPU-137), harei kabroi (15/10), pak bal Saint Petersburg, Liên bang Nga, Akaok Quốc hội Nguyễn Thị Kim Ngân hu taduan raok phaok Chủ tịch Nhân đại Trung Quốc Trường Bình. Piah jhul pakhang jang talei pambuak bruk nao mai di dua negar jeng yau patagok bruk ngak di dua Quốc hội dalam tukvak anak tal, akaok Quốc hội Nguyễn Thị Kim Ngân hu ba tabiak jalan ngak, dua gah patui veik pambuak bruk kuhria caga siam dom bruk nao rivang saong taom gaok pakat glaong  meng ini tal puac thun.Amuk  Kim Ngân hu panuac daa urang pal akaok Nhân đại Trung Quốc hu mbaok tame diễn đàn Nghị viện Châu Á-Thái Bình Dương mbang ka 26 (APPF-26) tui kuhria hu peih ngak pak Hà Nội meng harei 18-21/1/2018.

          4/ 58 tỉnh, ban dalam taneh ia, tukvak 2012-2017, dom jabat karja hu mbaoh tangin tbrei adat salih bruk pandar glai 38.276 ha/1.892 dự án; dalam nan: glai tự nhiên 18.931 ha, glai pala 15.821 ha, taneh oh ka hu glai quy hoạch ka lâm nghiệp 3.524 ha. Tui mintri ngak nông saong patagok palei pala, dom puk palei caong salih bruk pandar glai meng ini tal thun 2020 ngan saong taneh 60.129 hadalam nan glai tự nhiên labaih 16.800 ha lac biak praong, brei hu pasang iek cambaih, khik iek njauk hukum.

          5 # Jabat chức năng tỉnh Bình Thuận gam haong bhap bani puk palei daok daong duah sa urang dam tui ame nao taong ikan oh patuah njauk bala angaok kraong Cà Ty, bal Phan Thiết. Urang njauk bala nan lac adei Lê Văn Pháp, umo 15 thun, daok di khu phố 8, phường Đức Nghĩa, bal Phan Thiết. Thau hu bruk nan, gah Cảnh sát pacang caga khuah saong daong duah urang njauk bala - Công an tỉnh Bình Thuận pambuak haong yaok pluh bhap bani di puk palei nao duah urang njauk bala. Bruk roh duah daok gaok ralo kan kandah  kayua  aia angaok halau tuh trun kraong Cà Ty, Phan Thiết dak tuk dak khang.

          6/ Meng harei 15 tal 19/10, di ban sit Plei Kần, huyện taphia negar Ngọc Hồi, tỉnh Kon Tum peih parang iek parang iek bản đồ saong parang iek tư liệu “Hoàng Sa- Trường Sa diViệt Nam- dom bằng chứng sajarah dak rai saong adat hukum”. Di parang iek, tuai damuai jeng hu thau jang ka bruk dak padang, khik caga chủ quyền tasik, pulao di pakat ủy, karja, bol bala saong bhap bini dalam tỉnh tapa bruk parang iek tư liệu rup binguk ngan saong kadha “Kon Tum sa hatung hatian dak padang saong khik caga tasik pulao”.

7 # Lễ hội ilamu meng kan Anh hùng bangsa Nguyễn Trung Trực thun 2017 daok rah tabiak pak bal  Rạch Giá, tỉnh Kiên Giang. Ndom ka binah ngak adat hu peih ngak njauk tui adat meng kan yau: adat tol hala dok prong, adat cuh gilau, tế đàn cả..., adat cih gilau di mblang bein rup binguk Nguyễn Trung Trực. Binah nyaom hu ralo bruk ngak yau: danak dak ilamo daoh tamia peih pakak lễ hội; adat cuh gilau; me-in đờn ca tài tử Nam Bộ; mblang ma-in ka dam dara; nyaom pataom Lân - Sư - Rồng tỉnh Kiên Giang thun 2017...bruk ngak ini dui atah tal abih harei 17/10.   

          Patui di ini dom khau tin dunya:

        8/ Harei 15/10, Đại sứ Việt Nam di Hà Lan Ngô Thị Hòa hu peih tal pato sap Việt ka anek kamuan urang Việt Nam daok di Hà Lan kayua Đại sứ quán pambuak saong kapul urang Việt Nam di Hà Lan peih tabiak. Dalam thun bac 2017-2018, tal bac hu 10 anek saih lac dom adei umo meng 6 tal 19 thun. Bruk di tal bac lac piah pasram ka dom adei thau puac saong thau vak sap Việt, meda ndom meyai nao mai saong thau sap Việt, tapa nan mboh anit ranam jang ka baoh sang, palei negar, pamaong tal halau gha.

       9 # Truyền thông Hàn Quốc brei thau, meda mboh lac Triều Tiên daok kuhria caga ka sa mbang phóng tên lửa đạn đạo dahlau di mbang pathram trận hải quân di Mỹ saong Hàn Quốc tui kuhria meda rah tabiak dalam adit hadei. Truyền thông Hàn Quốc ba panuac meng Raja-ei Hàn Quốc brei thau, dom thaik binguk  vệ tinh brei mboh, ralo bệ phóng saong tên lửa đạn đạo daok hu pajeng ba tabiak truh kho caik di tỉnh Bắc Phi-ông-gan (Phyongan) jaik bal ine Bình Nhưỡng.

10/ Bahrau ini, mintri Thông tin Campuchia, jabat thường trú rayo sap ndom VN di Campuchia saong Ban pambuak bruk dunya di rayo sap ndom VN pambuak bruk caong khin rajaei CPC alin Huy chương Hữu nghị ka dom chuyên gia di rayo sap ndom VN buh ralo pren yava dalam bruk dak padang rayo papar sap negar CPC hadei tuk peih paha hu chế độ Pôn Pốt. Caong khin ini hu rajaei Campuchia njauk hatai meng Quyết định 1039 kayua rajaei Campuchia ong Hun Sen mbaoh tangin. Ong Khiêu Kanh-nha Rít, akaok mintri thông tin Campuchia brei thau, urak ini, akaok mintri daok rami ramik tukvak kreih bilan 11 tal akaok mintri hu mai HN piah alin dom Huy chương ini ka dom chuyên gia di rayo sap ndom VN./.