1 # 48 uranaih jaoh jo, oh hu sang danaok, gaok kan kandah pak dom xã di huyện tapen negar Mường Tè, tỉnh Lai Châu hu dom doanh nghiệp dalam huyện taduan raong . Tui nan, yaok adei hu daong yaok bilan 300 ribau đồng meng harei yam tame pakat 1 tal abih 18 thun. Ini lac bruk ngak biak hu makna, brei mboh bruk daong ba gauk, klah rabha dom kan kandah ngan haong dom baoh sang bangsa takik labik ini. 

2/ Pasak pato bruk ngak, ba bruk ngak ka dam dara, urang kamei kan kathaot bangsa takik huyện A Lưới, tỉnh thừa Thiên Huế barau peih tal pato bruk ngak dalam tukvak 6 bilan ka 24 urang njauk jru mek klik kruoc đioxin saong urang joh jo, ngan saong dom bruk: menyim khan bai, thủ công mỹ nghệ saong jhik. Ini lac bruk ngak hu makna, daong ka urang joh jo, urang kamei, dam dara dom bangsa takik hu bruk ngak tani tanat, daong urang ba drei tame bhap bini.

3 # Meng akaok thun tal ini, Bal Cần Thơ hu ba bruk ngak ka 28.816 urang ngak; dom labik pato bruk ngak tuyển sinh 19.550 urang; peih pato 73 tal pato bruk ngak ka urang ngak palei pala ngan haong 2.544 học viên. Tui Gilang pariak sarak karja bal Cần Thơ, tal puac bilan 6/2016 taong abih phun jien brei mesre pak dhal ini, lac 1.614 tỉ đồng ngan haong 92.809 baoh sang mesre. Phun jien nan hu palaghaih ka 299.324 baoh sang kathaot saong dom urang daok dalam sarak karja hu mesre piah pasiam veik rai diuk, patagok jien mek tame.  

4/ 5 thun tapa, Bến Tre hu 43 công trình praong pabak ia pandar hacih (patagok baoh sang pandar ia hacih hu 84% baoh sang). Taphia di nan, piah langyah bruk ô nhiễm môi trường kayua nerak dalam sinh hoạt, Bến Tre hu pabak brei 276 thung nerak dom janih patom mek saong langyah nerak sinh hoạt, 261 lubang pataom ia nerak sinh hoạt, 310 nding caik ia, 30 lubang biogas, daong padang ngak cống tathuak ia pasar… ngan saong yaom jien labaih 5 tỉ đồng.

5 # Tui kuhria mboh di Sở Y tế Kon Tum, 6 bilan akaok thun 2016, kayua langik tasik oh lagaih, dom janih jit ruak njaom mbak meda mbuan tamuh jeng jit, manuac urang njauk ruak patagok dut haong tukvak ini thun dahlau. Dom janih jit ruak hu mboh ralo nan lac: Ruak tangin takai cambui  159 urang (rilo jang 109 urang); ruak tagok baoh aia 588 urang (rilo jang 62 urang); ruak pandiak tabiak darah 887 urang (rilo jang 876 urang) ...

6/ Tui ong Lý Sóc Kha, phaok mban bangsa tỉnh Sóc Trăng, meng akaok thun tal ini, Sóc Trăng daok ngak tui quyết định ka 33/2013/QĐ – TTg di Thủ tướng rajaei ka sarak daong panduan ba bhap bini piah định cư, định cư ka urang bangsa takik ngan saong yaom jien 13 tỉ đồng. Taphia di nan, peih ngak hu kein lagaih dom danak dak, dự án sarak đầu tư ka bhum urang bangsa , piah dak harei dak pasiam hạ tầng jalan mbak, thủy lợi duh ka bruk ngak nông saong raong pala kaya ikan.

7 # harei pataom bingu Tam giác mạch mbang ka II meda hu peih ngak dalam bilan 10/2016, pak bal sit Mèo Vạc, huyện Mèo Vạc, tỉnh Hà Giang. Dalam tukvak rah tabiak, meda hu danak dak nghệ thuật; dom bruk trải nghiệm pandap panda hu ngak meng bingu Tam giác mạch; lễ hội jalan phố trình diễn âm nhạc bhap bani saong sambo màu khan ao dom bangsa Hà Giang... Daok harei pataom ilamo bangsa Mông pakat negar mbang ka II tỉnh Hà Giang tui kuhria meda peih ngak dalam 2 harei kreh bilan puis 11/2016, hu mbaok di 14 tỉnh hu ralo bhap bani bangsa Mông. 

Patui di ini dom khau tin dunya:

8/ Urang vak di rayo sap ndom VN daok di NB brei thau, tui kuhria mboh barau abih di mintri nội vụ saong truyền thông NB: kuhria tal akaok thun 2016, dân số NB nyu patrun ngan saong tốc độ samar abih dalam sajarah dak rai, kuhria meng tuk dom mbang điều tra dân số di taneh ia ini hu peih tabiak meng thun 1968. Tui nan, dân số NB urak ini lac 125 triệu urang, patrun jaik 272.000 urang duk saong sa thun dahlau nan saong lac thun dân số patrun ka 7 gam gam. Ini jeng lac mbang akaok meti dalam 17 thun tapa, dân số NB patrun tanut ala 126 triệu menuac.

9 # Brei panuac haong urang vak báo pak bal ine Át-ta-na tuk daok rivang  Ca-dắc-xtan, Ngoại trưởng Xéc-gây La-vrốp ndom lac, Nga caong khin patui veik pambuak bruk haong NATO  tui dom kadha hu sanya blaoh dalam Hiệp ước cơ sở hu mboh tangin blaoh di Nga saong NATO thun 1997. Ngoại trưởng Nga ndom lac NATO njauk pandar dom jalan ngak pasiam veik talei rohim pambuak bruk haong Nga kayua Nga oh hu kế hoạch brei padeih dom kadha sanya blaoh ka bruk pambuak haong NATO dalam mbang mesruh pacang cakak kaol khủng bố. Panuac ndom nan di Ngoại trưởng Nga hu ba tabiak hadei di tuk Tổng thư ký NATO Gien Xtôn-xten-bớt brei thau, mbang nyaom Hội đồng Nga - NATO rah tabiak dalam chreih chrai, min dua gah jeng daok hu dom kadha oh ka njauk gauk ka bruk Ucraina.

10/ Tổng thống Prang Phrăng-xoa Ô-lăng barau ndom lac, Prang brei padeih bruk can thiệp quân sự di taneh ia ini di cộng hòa Trung Phi di bilan 10 tal. Tui bruk ba tabiak, akaok mentri QP Prang Giăng I-vê Lơ Đri hu mbang nao rivang cộng hòa Trung Phi di bilan 10 tal piah brei thau bruk padeih chiến dịch Xang-ga-rítx. Prang peih ngak bruk ini di cộng hòa Trung Phi meng bilan 12 thun 2013 piah padam bruk srau kadau saong mesruh gauk di taneh ia châu Phi ini./.