1# Ủy ban bhap bini tỉnh Lâm Đồng bahrau brei adat buh jien padang ngak bahrau 6 sang bac dalam tỉnh song yaom jien abih tih 53 tỷ đồng. Yaom jien ni hu kaoh tabiak meng kadung jien karja  tỉnh tuk vak2017 – 2020. 

2/ Tui bruk ba tabiak, dalam thun 2017, tỉnh Gia Lai salih jaik 1.800 ha taneh ngak padai oh hu kein laba tapa pala dom janih njam patam karei brei năng suất saong jien mek tame glaong jang. Min mbiah tal urak ini, barau hu labaih 700 ha taneh ngak padai oh hu kein laba hu salih tapa pala phun karei.

3# Huyện tapen negar Mường Lát, tỉnh Thanh Hóa urak ni daok jhul hu jit HIV tabiak truh bhap bini. Anak tal, Pasak  Y tế huyện Mường Lát daok patagok  pambuak bruk song dom gah pagam tal yau Công an, kapul urang kamei, Kapul dam dara, Phòng Lao động - Thương binh song Xã hội huyện pathau khan, pacang caga HIV.

4/ Di xã Bù Nho, huyện Phú Riềng, pasak pasang iek ruak kik tỉnh Bình Phước pambuak saong pasak y tế dự phòng huyện peih tal pasram megru ka dom urang ngak gah y tế puk, palei ka bruk pacang cakak ruak pandiak dom saong pandiak dom kháng jru. Tal pasram megru rah tabiak dalam dua harei  15 saong 16/9.

5# Urak ni bhum rong hadang di  xã Phước Thuận, huyện Xuyên Mộc – bhum rong hadang prong abih di tỉnh Bà Rịa - Vũng Tàu dok kurang ia mbak trak, ngak ka rilo urang rong hadang klak saoh danao. Độ mbak di labik rong hadang Phước Thuận tuk tame tal danao rong dok meng  2 - 3 phần nghìn; dalam tuk nan, độ mbak piah rong hu hadang rei hu 5 - 20 phần nghìn. 

6/ Kapul pachreih bac tỉnh Đồng Nai pambuak saong kapul urang praong thun, Tỉnh đoàn, kapul Liên hiệp urang kamei tỉnh barau mbaoh tangin tame danak dak pambuak bruk daong jien bac “pato bruk ngak ka anek saih gaok kan kandah di Đồng Nai” tukvak 2017-2020. Ini lac danak dak jine bac piah daong anek saih gaok kan kandah hu tui bac hệ bổ túc văn hóa saong bac sa bruk ngak lagaih.

7#  Ủy ban bhap bini tỉnh An Giang hu buh jien tabiak labaih 5,4 tỷ đồng ka danak dak patagok tapon limo tui jalan  công nghệ glong. Akaok meti hu dom bhum rong limo rilaow, limo me anek hu pandar công nghệ glong di dom huyện Tri Tôn song Châu Thành. Bruk rong glang ni hu kein liba takik di abih meng 15% tagok  dut song bruk rong glang klak. 

Patui di ini dom khau tin dunya:

8/ Mỹ saong dom đồng minh phương Tây barau ini hu gây sức ép tagok dom urang dang akaok di khu tự trị urang Cuốc di Irắc klak bruk trưng cầu ý dân ka nền độc lập, tui kuhria hu rah tabiak di harei 25/9 tal.

9# Urang jakar ngak praong di negar I-ta-li-a brei thau, cảnh sát negar ni chap mek hu  2  ribau 600 ki-lô-gam cần sa di palao Si-xin (Sicily). Ni lac sa dalam dom mbang chap mek prong abih meng dahlau mai di palao kaoh ni.

10/ Harei 15/9, bol bala Mỹ brei thau hu mboh TT cuh sa tên lửa đạn đạo tầm trung, min tên lửa ini oh đe dọa tal pulao Guam di taneh ia ini. Chánh Văn phòng Nhà Trắng John Kelly hu khan tagok Tổng thống Mỹ Donald Trump ka dom bruk barau abih pambuak tal bruk cuh tên lửa di Triều Tiên./.