1/ # Kapul urang pakat  glong Quốc hội negar drei kayua  Akaok  Quốc hội Nguyễn Thị Kim Ngân pan akaok hu rivang Ca-dắc-xtan tui panuac daa di akaok  Thượng viện Cộng hoà Ca-dắc-xtan Ca-sim Giô-mát Tô-ka-ép song akaok  Hạ viện Cộng hoà Ca-dắc-xtan Nu-rơ-lan Ních-ma-tu-lin. Ni lac mbang rivang camereip di akaok  Quốc hội Việt Nam njauk tame harei 2 negar pahadar 25 thun harei padang talei rohim.

2/ Biar harei kabroi 16/10, ong Nguyễn Xuân Huy, Phaok Tổng Giám đốc, akaok công đoàn rayo sap ndom VN jao yaom jien 502 triệu đồng kayua urang jakar, urang vak, công nhân viên di rayo daong ka bhap bini njauk khat lahik kayua hajan ia sua tapa UBTUMT negar VN payua tal bhap bini dom tỉnh njauk khat lahik kayua hajan ia sua.

 3/  # Mban tacei jalan pacang caga bala meng langik tasik song dong duah urang gaok bala tỉnh Nghệ An bahrau tabiak công điện oh brei tong abih dom janih kapan gaiy tabiak tasik piah nyaih bruk kram gaiy kapan kayua ribuk ka 11 rah tabiak jang yau tacei ba dom jabat chức năng pandar dom pandap panda pathau khan ka dom janih kapan gaiy thau ka  ribuk.

4/ Harei kabroi 16/10, mban jak ba kadung jien ka urang kan kathaot tỉnh Kon Tum peih bilan tabung glaong ka urang kan kathaot thun 2017. Di tuk peih bruk, mban jak ba kadung jien ka urang kan kathaot tỉnh Kon Tum taduan hu bruk tut angan daong di dom jabat, đơn vị, doanh nghiệp dalam saong langiu tỉnh ngan saong yaom jien labaih 7 tỷ đồng. Taphia di nan hu labaih 60 jabat, đơn vị, doanh nghiệp saong menuac urang mai hu mbaok, daong tapak 100 triệu đồng.

 5/ # Tui  Sở Kế hoạch song Đầu tư ban Cần Thơ, meng akaok thun tal ni ban hu labaih 1000 doanh nghiệp padang bahrau, patagok doanh nghiệp dalam tỉnh tal jiak 7.000 doanh nghiệp song tong abih phun jien tut angan tame labaih  55.500 tỉ đồng, dong ba bruk ngak ka labaih 100.000 urang .

6/ Gam gam dalam dom harei jaik di ini, di tỉnh TG hu hajan khang gam saong ia ndik ngak khat lahik ralo ka bruk ngak nông. Khang di abih lac taneh njam patam saong bingu tết barau trun pajaih njauk dauk ia ngak khat lahik ka urang nông.

7/ # Kayua mehit lac gah chức năng duah mboh rilo drei pabui hu klauk jru  an thần dahlau di tuk ba nao sik ngak, nan ye jiak di ni urang blei hu sangka tui iek dahlau di tuk mbang rilaow pabui ngak ka yaom pabui ralo di tỉnh Tiền Giang  song Bến Tre trun khang. Di tuk vak ni, pabui janih siam yaom 2,7 triệu đồng/tạ, pabui janih limek rilo, quá lứa yaom labaih  2,5 triệu đồng/tạ. Tui yaom ni, urang rong khat labaih 300 ribau đồng/tạ.

Patui di ini dom khau tin dunya:

8/ Ribuk hu angan dunya lac Kha-nun , daok Trung Quốc ieu lac ribuk ka 20 daok tuh tame dom bhum tapen tasik di tỉnh Hải Nam saong Quảng Đông di Trung Quốc di 3tuk30' mesup kabroi 16/10 tui mong puk palei. 

 9/ # Giám đốc Pasak kuhria mboh dahlau bruk kinh tế song pablei salih, Phòng pablei salih Thái Lan, ong Tha-na-oắt brei thau, danak dak thẻ phúc lợi xã hội di rajaei  dok jhul pakhang bruk jien ndo song patagok kinh tế meda tagok  4,4%  dalam quý 4. Tapa roh duah bahrau di abih di pasak brei thau, danak dak thẻ phúc lợi xã hội di rajaei  Thái Lan hu dong  ka dom boh sang duah hu jien takik tagok chi tiêu tal 4 tỷ bạt yaok bilan, jhul pakhang bruk jien ndo.

10/ Mesup kabroi 16/10, Campuchia hu peih pakak công trình pasiam veik Đài hữu nghị Việt Nam-Campuchia di tỉnh Cô Công (Koh Kong). Ini lac sa dalam dom bruk ngak salam uan 50 thun padang talei pambuak bruk ngoại giao dua taneh ia saong thun hữu nghị Việt Nam-Campuchia 2017./.