1 # Pahadar 69 thun Harei Thương binh - Liệt sỹ (27/7/1947 - 27/7/2016), Kapul urang ngak bruk di Menrtri Nội vụ hu nao rivang, alin brei pandap ka ralo baoh sang sarak karja di huyện Vị Xuyên, tỉnh Hà Giang. Kapul hu pok brei 20 pok pandap, yaok pok hu yaom 1 triệu đồng, alin brei ka 20 baoh sang sarak karja di huyện Vị Xuyên. Kapul urang ngak bruk jeng hu mai sirah kabo liệt sỹ Vị Xuyên, labik hu labaih 1.750 liệt sỹ - dom urang anek di bangsa van klaak rup drei brei ka taneh aia dalam mbang mesruh metak pacang khik tapen negar gah Barak.

2/ Sở ngak nông saong patagok palei pala tỉnh Thừa Thiên-Huế brei thau, hu thau makna ikan raong lồng di yaok pluh baoh sang  di xã Hải Dương, ban sit Hương Trà metai ralo dalam dua harei tapa. Tui ong Lê Trần Nguyên Hùng, Phaok Giám đốc Sở ngak nông saong patagok palei pala tỉnh Thừa Thiên - Huế: ikan raong labik jaik pabah tasik di xã Hải Dương, ban sit Hương Trà metai ralo nan lac kayua ôxy hòa tan dalam ia labik raong kurang biak ralo. Gah ngak nông jak ba mikva giãn lồng raong piah laneng lanoi halau ia, pandar sụt khí ngak jeng khí oxy ka lồng ikan. 

3 # Tỉnh Quảng Ngãi daok rah tabiak jit cúm menuk ada H5N6. Karja saong gah chức năng tỉnh Quảng Ngãi bhian pathau khan paglaong akaok saneng di bhap bani ngak siam adat hukum gah Pháp lệnh thú y dalam raong glang. Yau nan min, ralo urang jeng daok takik sangka tal jit ruak. Pak xã Bình Chương, huyện Bình Sơn, tỉnh Quảng Ngãi, bhap bani parah yaok rituh drei menuk ada njauk ruak trun ribaong Thạch Nham, ngak nerak tachauk môi trường saong mbuan ba tal njaom mbak ruak.

4/ Chi cục An toàn VSTP tỉnh Khánh Hòa barau brei thau, tapa dut iek brei mboh makna ngak ka 119 urang njauk jru mek hadei di tuk mbang melam di sa nhà hàng di jalan Trần Phú, ban Nha Trang lac kayua hadang hấp la-u njauk njom vi khuẩn Clostridium perfringens glaong jang 550 mbang brei adat. Bác sĩ Lê Đình Đờn, akaok Chi cục ATVSTP tỉnh Khánh Hòa brei thau: “Ngak brei njuak jru mek  ye njauk langyah tui hukum. Dahlak hu panuac kakei lac, urak ini Khánh Hòa daok tame bilan DL, taong abih jeng pataom mai Khánh Hòa. Taong abih diịch ụ mbang menyum jeng ngak tui quy định khik iek gah ATTP”.

5 # Hadei di 3 harei rah tabiak ralo bruk, ndung bak ilamo bangsa, melam kabroi (17/7), Harei pataom Ilamo, Padhih saong rivang ma-in  bhap bani Cam mbang ka 4 di tỉnh An Giang hu tamat bloh. Tui hội đồng giám khảo, dalam mbang pataom ini, dom kapul nghệ thuật, nghệ nhân hu iek prong tal gah asal kadha jeng yau jalan peih ngak. Tapa nan, chất lượng danak dak hu patagok, pagap yau: Kadha tamia Hương sắc Chăm di Kapul nghệ thuật bhap bani bal raya Hồ Chí Minh; palei Cam dhal phol Wa, hòa tấu alat ragam Chăm di Kapul nghệ thuật bhap bani Chăm Bình Thuận, Adat haiy lakhah di urang Cam An Giang di Kapul nghệ thuật bhap bani Cam An Giang... Ban tổ chức hu pok brei 34 giải A, 19 giải B và 17 giải C ka dom danak dak, tiết mục xuất sắc gam haong dua 2 giải phụ ka nghệ nhân prong thun abih saong nghệ nhân sit thun abih. 

6/ Barau ini, kapul ngak bruk di cục y tế dự phòng pasang iek bruk pacang cakak jit ruak bạch hầu di huyện Đồng Phú, tỉnh Bình Phước – labik hu urang ruak metai kayua ruak bạch hầu. Labik ini, taong abih dom urang mboh yau ruak bạch hầu hu cách ly, iek ruak. Taphia di nan, gah y tế Bình Phước hu brei jru pacang ruak ka dom urang urang taom gaok saong urang ruak saong dom urang nao tame labik jit.

7 # Thành Đoàn saong Kapul Liên hiệp Dam dara Việt Nam bal raya Hồ Chí Minh peih harei tabung glaong “Chiến sĩ halar hatian daong pren padang ilamo nao mai angaok jalan” ngan haong dom bruk ngak biak siam hu mboh di meta pak yaok huyện. Di yaok quận, huyện dalam bal raya Hồ Chí Minh jeng hu rah tabiak dom bruk ngak piah paglaong akaok saneng saong ngak brei salih hành vi tuk nao mai angaok jalan di dom ayut ranaih, tui jalan siam jang, văn minh jang. Yaom pluh ribau đoàn viên, thanh niên hu gah cảnh sát giao thông pato pathram ilamu điều khiển, tacei jalan điều khiển giao thông piah daong khik caga trật tự an toàn giao thông dalam tuk tabung glaong.

Patui di ini dom khau tin dunya:

8/ Jaik 100 ribau urang Vê-nê-xuê-la hu nao tapa negar Cô-lôm-bia dalam 2 harei puac adit tapa piah blei pandap mbang saong jru. Ini lac adit ka 2 rajaei Vê-nê-xuê-la peih pabah mbang negar saong Cô-lôm-bia piah daong palagaih ka bhap bini blei dom nhu yếu phẩm lương thực, thực phẩm saong jru.

9 # Urang vak di rayo sap ndom Việt Nam daok pak Trung Quốc brei thau: Takik abih 9 urang du mục njuak alam kateik dalam mbang jaleih ceik tuyết rah tabiak di tukvak 11 tuk jalan pandiak harei 17/7 (tui tukvak puk palei) pak huyện Ru-tốc (Rutog), dalam Khu tự trị Tây Tạng, Trung Quốc. Hadei di tuk rah tabiak bruk nan, KARJAS palei hu ba 40 urang haong 20 máy móc saong dom thiết bị y tế mai tal labik nan piah daong duah urang njauk bala.