1 # Thủ tướng rajaei  negar Cộng hoà dân chủ bhap bini Lào Thong-lun Xỉ-xu-lit payua panuac tangi sua tal  Thủ tướng rajaei negar  Cộng hoà xã hội chủ nghĩa Việt Nam Nguyễn Xuân Phúc brei mboh hatai anit ranam song klah rabha song  Đảng, rajaei bhap bini Việt Nam adei saai karja puk palei song dom boh sang meng dom khat lihik prong ka menuac urang song drap ar di ribuk ka  10 (Doksuri).jia lac meng bruk pan akaok song sangka i Đảng, rajaei Việt Nam meng Trung ương tal puk palei, bhap bini Việt Nam hu yam tapa kan kandah song ba rai duik di urang di bhum gaok balal ni samar tani tanat.

2/ Piah daong bhap bini dom puk palei njauk gaok kan kandah trak kayua ribuk ia sua ka 10 yam tapa kan kandah, tani tanat rai diuk, Trung ương Hội  Chữ thập đỏ Việt Nam hu daong chip jien saong pandap yaom 1 tỷ 558 triệu đồng ka 6 tỉnh: Thanh Hoá, Nghệ An, Hà Tĩnh, Quảng Bình, Quảng Trị saongThừa Thiên Huế. 

3 # Hadei di tuk mô hình peih ngak ba tame pandar bruk khik ramik glai tapa điện thoại thông minh tapa định vị toàn cầu di gah  khik glai Ninh Thuận, bahrau ni Ninh Thuận hu sa mô hình sản xuất, ba  công nghệ glong tame pandar hu jak jeng song ba tame   pandar đại trà. Nan lac pandar điện thoại piah pruh ia patak patom pabak ka bruk ngak nong.  Mô hình mbang camereip peih ngak jak jeng di palei Chăm Tuấn Tú, xã An Hải, huyện Ninh Phước, tỉnh Ninh Thuận.

4/ Klup kapul urang vak daok di tỉnh Bà Rịa – Vũng Tàu pambuak saong kapul urang joh jo ban sit Vũng Tàu barau peih bruk alin hadiah radaih juak ka anek saih lac anek kamuan urang hội gaok kan kandah bac naih joi di Vũng Tàu. Yaok sruh radaih yaom 2 triệu đồng. Ini lac bruk pachreih ba ngan saong dom adei anek saih gaok kan kandah dalam rai diuk, daong dom adei hu nao tal sang bac, kham merat yam tapa kan kandah, yam tagok mek hu jak jeng glaong dalam bruk bac daa.

5# Bilan hè thu thun ni, huyện Cái Bè, tỉnh Tiền Giang tam drak labaih 18.000 ha padai. Tal tuk vak ni , urang palei pala yuak hu jiak abih taneh padai, oh khat lihik kayua ia sua .Ong Nguyễn Văn Nha, Phó Chủ tịch Uỷ ban bhap bini huyện Cái Bè lac: “Urak ni padai dok yuak oh njauk hagait. Jalan ngak samar di huyện dok ginum biai bruk pacang ia sua di huyện. Dok padai siam ye, oh hu hagait, hu tui iek tui eik min”.

6/ Piah pabak veik kaya ikan, sơ ngak nông saong patagok palei pala saong kapul kaya ikan Bến Tre pambuak saong Giáo Hội Phật giáo Việt Nam tỉnh Bến Tre barau peih danak dak “palao ka môi trường” Labaih 2,3 tấn ikan pajaih hu palao trun kraong Hàm Luông, di labik phường 7, ban sit bến Tre. Phun jien blei ikan palao trun kraong kayua Giáo Hội Phật giáo Việt Nam tỉnh Bến Tre jak ba dom phật tư rik daong.

7# Sang iek ruak Quân y 175, Mintri  Quốc phòng  bahrua peih bruk iek ruak tổng quát, chẩn đoán – iek ruak ung bướu brei saoh  ka labaih 100 urang lac  urang dalam sarak karja, urang hu buh pren yava song urang hu tut angan  dahlau tapa jalan iek glang tuai di sang iek ruak. Ong Nguyễn Văn Hùng, sa urang dok di quận Bình Thạnh, ban raya Hồ Chí Minh hu iek ruak song tư vấn iek ruak brei saoh  lac: “Mbang camereip khol hulin hu iek ruak  tầm soát ung thư brei saoh  di sang iek ruak Quân y 175. Ni lac danak dak biak siam ka urang khol hulin hu iek ruak song thau ruak avar jang”

Patui di ini dom khau tin dunya:

8/ Giám đốc điều hành danak dak lương thực dunya Đa-vít Be-sli barau hu mbang nao rivang dom labik gaok kan kandah kayua ribuk ia sua Ơ-ma di Cuba, taphia di nan khan brei thau paok jien daong yaok triệu đô la Mỹ piah daong taneh ia ini pasiam veik hadei ribuk.

9 # Nhà Trắng bahrau tah klak panuac di sa urang dang akaok Liên minh châu Âu lac, Mỹ pacadu bruk tabiak truh Thỏa thuận biến đổi khí hậu Paris. Tui Cao ủy châu Âu ka khí hậu song năng lượng Mi-gen A-ri-as Ca-tê-nê, Mỹ tabiak panuac lac  oh ginum biai  thỏa thuận khí hậu Paris. Min urang meda kham merat tui iek veik dom paka bo negar ni meda hu mbaok tame   

10/ Danak dak lương thực dunya daok peih ralo dự án bruk ngak di grap Xyri, taneh ia njauk bruk mesruh metak palai pajoa dalam luac labaih 6 thun tapa piah daong dom bhap bini mbuan tổn thương abih padang veik rai diuk./.