1/ # Mesup harei kabroi 18/10, di Phủ Chủ tịch, akaok negar Trần Đại Quang hu var ngak bruk song mintri Công an, mintri Quốc phòng song dom jabat pagam tal ka bruk khik caga an ninh, siam mekre  adit pakat glong APEC 2017. Di var ngak bruk,  akaok negar Trần Đại Quang hu panuac tacei mintri  Công an, mintri Quốc phòng song  Tiểu ban An ninh-Y tế pambuak bruk song  mintri  Y tế, ban  Đà Nẵng song dom jabat pagam tal tagok bruk duah thau,samar mboh dom tavak tavaiy ka  an ninh môi trường, hacih saat pandap mbang menyum.

2/ Di huyện Củ Chi, Thành ủy – Hội đồng bhap bini – Ủy ban bhap bini - Ủy ban Mặt trận negar Việt Nam ban raya Hồ Chí Minh barau peih alin saong truy tặng Anagn  “Amaik Việt Nam Anh hùng” mbang 34 ka 30 amaik di 15 quận, huyện di ban raya. Dom thun tapa, gam saong taneh ia, ban raya HCM hu peih ngak siam bruk raong, duh dom amaik VNAH.

3/ # Beir harei kabroi 18/10, Hội đồng adat cambat palei  Chăm Hữu Đức di  xã Phước Hữu, huyện  Ninh Phước, tỉnh Ninh Thuận peih bruk uan raok Katê 2017. Ong Phạm Văn Hậu, Phó Chủ tịch Uỷ ban bhap bini tỉnh hu mai tadhau yhut dom chức sắc song mik va Chăm bui sambai rok  Katê haniem phol bui sambai. 

 4/ Dom harei tapa, áp thấp nhiệt đới ngak kan kandah tapak tal dom tỉnh gah brak, abih di nyu nan lac hajan ia sua, jaleih haluk ngak khat lahik trak ka tính mạng saong drap ar bhap bini. Anak bruk hala siam pacang hala tahak, tỉnh Cà Mau njauk gauk daong camereip ka 5 tỉnh gah brak 3 tỷ đồng.

5/ # Jiak di ni, kayua hajan khang gam song ia ndik ngak ka labaih 300 ha menaih (dứa) di bhum  Đồng Tháp Mười, labik di huyện Tân Phước, tỉnh Tiền Giang mbuan si khat lihik trak kayua dauk dalam ia. Anak bruk ni, karja song bhap bini huyện Tân Phước dok brei bilai jnuk điện peih harei melam, ngak pasiam veik dom ar pacang,  jalan krong ribong piah tathuak ia.

6/ Dalam tukvak tapa, bruk bala angaok jalan mbak di ban Cần Thơ  rah tabiak di dom quận, huyện. Bruk peih radaih sung hukum jalan mbak daok rah tabiak dak harei dakrilo ngan saong ralo menuac, abih di nyu nan lac urang daok ranaih.

 7 # Ia mesin Phú Quốc lac pandap camereip  di Việt Nam hu Liên minh Châu Âu pok brei tanut  chỉ dẫn địa lý dalam thun 2013. Min,  hadei di labaih 4 thun hu brei angan, ngan song sa pandap nao dahlau dalam bruk padang ngak song khik caga chỉ dẫn địa lý dalam tuk vak ba drei tame dunya, ia mesin Phú Quốc dok dang anak dom kan kandah, brei patagok bruk khik ramik song patagok chỉ dẫn địa lý.

Patui di ini dom khau tin dunya:

8/ Bruk peih jalan par tapak di VN saong CH Séc, pacadu bruk brei thị thực, lac dom kadha bo dom urang hu mbaok tame sa nyaom meyai rah tabiak di ban ine Pra-ha harei 17/10 ba tabiak piah jhl pakhang talei pambuak bruk DL di dua taneh ia.  

9/ # Akaok mintri  Du lịch song Thể thao Thái Lan, ong Cô-ban (Kobkarn Wattanavrangkul) brei thau, gah du lịch negar ni mek hu siam mekre meng jien ndua song tuai damuai. Meng harei  1/1 tal harei 11/10/2017 hu jiak  triệu tuai tame Thái Lan, jien mek hu  1,37 ribau  tỷ bạt. Dut song tuk vak ni thun dahlau,  tuai tagok 5,6% song jien mek tame tagok 7,6%.

10/ Melam kabroi 18/10, tui mong puk palei, takik abih 8 urang metai saong labaih 10 urang karei njauk rambuah tuk mbang patuh khang rah tabiak saong ngak brei khuah gah dalam sa sang mac ngak pháo bingu di  tỉnh Ô-đi-sa (Odisha), gah timur Ấn Độ./.