1 # Pak Hà Nội, Công đoàn Văn phòng Raja-ei bahrau pok jao paok jien daong 389 triệu đồng payua tal MBan Daong ba Trung ương piah daong ka bhap bani labik aia sua dom tỉnh Bắc Bộ saong Bắc Trung Bộ yam tapa kan kandah, samar grap tanat rai diuk.

2/ Tỉnh Quảng Ninh peih mbang daong ka bhap bini kan kathaot saong dom xã, palei biak kan kandah dalam tỉnh tuk pachreih tui bilan tabung glaong ka urang kan kathaot. Ban Thường trực Mặt trận negar tỉnh lac labik taduan mek jien daong di dom đơn vị, menuac urang tui dua jalan ngak: Tapa tài khoản di Kho bạc karja tỉnh atau taduan mek tapak di Ủy ban Mặt trận negar tỉnh.

3 # Biar harei 19/10, tỉnh Nghệ An pambuak haong Mban bangsa tỉnh, Bộ chỉ huy bộ đội Biên phòng tỉnh, pok meyaom 154 urang lambaok nan lac urang taha akaok palei, urang hu angan je dalam bhap bani, hu ralo bruk ngak siam mekre dalam khik caga an ninh bhum tapen negar. Di van pok meyaom, tỉnh Nghệ An hu jao brei Harak meyaom ka 19 urang lambaok naih gheih, jao brei harak meyaom ka 135 urang lambaok ka jaik 1.300 taha akaok palei, urang hu angan je dalam bhap bani dom bangsa bhum glaong.

4/ Biar harei kabroi 19/10, biak ralo urang Chăm di dom labik dalam tỉnh Bình Thuận hu mai labik inem krung bimon Pô Sah Inư, ban Phan Thiết peih bruk mbang Katê Bình Thuận thun 2017. Katê lac tuk piah bhap bini Chăm likau ka palei pala hu sron mbon, hajan siam ngin lagaih, pala drak njauk, baoh sang trei sil.

5 # Dalam dom harei tapa, Lâm Đồng hu bahrau 36 urang njaom mbak ruak tangin takai cambuai, tapa nani patagok urang njauk ruak ini di tỉnh tal labaih 660 mbang. Jabat chức năng puk palei daok samar peih ngak ralo jalan piah pacang caga ruak pambak prong. 

6/ Hội Liên hiệp urang kamei tỉnh Đồng Tháp barau peih nyaom meyai pok meyaom "Urang kamei naih gheih – padang mbang ngui – jak ba gheih" thun 2017. Ini lac mbang pok meyaom dom urang kamei dalam bruk ngak mbang, sáng tạo; taphia di nan pachreih bruk pakacah gauk sáng tạo di urang kamei Đồng Tháp.

7 # Pahadar 87 thun harei padang kapul urang kamei Việt Nam (20-10-1930 - 20-10-2017), page harei kabroi 19/10, Kapul urang kamei dom quận, huyện dalam bal raya Hồ Chí Minh peih ngak ralo bruk pataom mbaok, salam uan saong peih bruk pakacah gauk, pok meyaom dom urang jakar naih gheih   dalam kapul nyaom.

Patui di ini dom khau tin dunya:

8/ Harei kabroi 19/10, sa mbang megei baoh taneh khang  6,1 độ rích-ta  rah tabiak di gah meraong Nhật Bản. Tui jabat Pasang iek địa chất Mỹ, pasak mbang megei baoh taneh atah pulao Kiu-su 682 ki-lô-mét, dalam 10 ki-lô-mét. Urak ini oh ka thau bruk metai atau khat lahik.

9 # Facebook meda daong ka công cụ Canadian Election Integrity Initiative (Sáng kiến Trung thực bầu cử Canada) di Jabat An ninh mạng Canada hu nduac angaok nền tảng mạng xã hội dalam môi trường thông tin hacih sa-at, siam mekre piah pacang khik mbang bầu cử liên bang thun 2019. 

10/ UB châu âu sanya buh 118,5 triệu ơrô piah daong dom ban di châu âu cảnh giác anak dom mbang tấn công. UB châu âu meda ba tabiak dom jalan ngak yau habar piah dom taneh ia dalam khối hu patagok pasang iek bruk pablei salih dom pandap ngak jeng bom./.