1/ # Hu mbaok song brei panuac tacei pato Nyaom biai pataom iek veik bruk  parilo  song pasiam veik dom gheng jameng tapen negar Việt Nam-Lào beir harei 19/9 di Hà Nội, Thủ tướng Nguyễn Xuân Phúc ndom lac, bruk ngak salah rilo gheng jang song pasiam veik  dom geng jameng tapen negar Việt Nam-Lào lac sa bruk prong, brei mboh bruk njauk gauk, jia tame gauk di 2 Đảng, 2 karja  Việt Nam-Lào.

2/ Kuhria tal harei 18/9, ribuk ka 10 ngak brei 6 urang metai, 37 urang njauk rambuah, khat lahik tui kuhria lac 11.283 tỷ đồng. Ribuk ka 10 jeng ngak ka labaih 800 baoh sang jaleih, labaih 192 ribau sang par tabung, jaik 2.860 gheng điện jaleih. Daok gah ngak nông, ngak glai, ribuk jeng ngak brei jaik 14 ribau ha phun pala lavik thun jaoh jaleih, labaih 5.800 ha phun pala yaok thun, phun mbang baoh jaoh jaleih.     

 3/  Hu gilac 20 urang tong ikan tỉnh Quảng Ngãi bahrau hu brei mesraiy jien ngak bahrau kapan ikan tui  tui Nghị định 67 ka dom sarak patagok kaya ikan. Tui nan, dom kapul nyaom, menuac urang ginup điều kiện mesraiy ngak bahrau kapan ikan tui mbang 2 dalam thun ni jeng daok di xã Nghĩa An, ban sit  Quảng Ngãi. Jaik abih harak hồ sơ tut angan ngak bahrau mbang ni jeng lac kapan kanduh kayau , pren khang labaih 500 CV.

4/ Bruk “urang nông pakacah gauk ngak mbang, pablei salih naih joi, jum pataom  daong gauk ngak kaya meda saong patrun kan kathaot khang kajap” dalam dom thun tapa hu dom pakat kapul urang nông tỉnh Lai Châu peih ngak hu kien laba. Di huyện taphia negar Mường Tè, bruk ngak nan hu pambak praong, pachreih ralo urang nông hu mbaok tame, daong hội viên urang nông hu hatai jia jang, khang hatai dalam bruk patagok kinh tế.

5/ # Piah pasiam,, khik ramik song patagok pajaih menuk ada palei pala  chất lượng glong , thun 2017 Pasak pachreih nong tỉnh Hòa Bình hu peih bruk rong ada bầu Bến di xã Tử Nê, huyện Tân Lạc song  xã Yên Bồng, huyện Lạc Thủy, abih tih lac 3.300 drei song 20 boh sang rong. Dalam tuk vak peih ngak mô hình, urang jakar  kỹ thuật di pasak pachreih nông tỉnh Hòa Bình bhian tui iek, tacei pato dom boh sang rong tui njauk ilamu kỹ thuật.  

6/ Tui sở ngak nông saong patagok palei pala tỉnh Ninh Thuận, thun 2017, tỉnh Ninh Thuận pataom tame pala labaih 530 ha glai, ralo meng lac glai pacang caga di dự án JICA 2 ( dự án pasiam veik saong khik iek khang kajap glai pacang caga) ngan saong pajaih pala abih tih labaih 1 triệu 200 ribau phun pajaih. Chi cục Kiểm lâm tỉnh NT brei thau, langiu bruk pala glai, bruk jao khik glai jeng hu peih ngak siam.

 7/ # Hadei di mbang hajan khang beir harei kabroi 19/9, rilo jalan di dom quận yau Bình Thạnh, Thủ Đức…dauk dalam, ngak ka bruk nao mai gaok kan kandah. Jalan Nguyễn Hữu Cảnh, quận Bình thạnh yaom lac oh dauk dalam yau dom mbang dahlau, min ia bak abih, ngka kan kandah ka dom radeih nao tapa jalan ni. 

Patui di ini dom khau tin dunya:

Đại sứ quán Trung Quốc di Cuba brei thau, taneh ia ini tabiak bruk daong pahala 1 triệu đô la jien saong pandap chip ka Cuba, piah daong Cuba padang veik hadei di mbang njauk ribuk Ơ-ma.

9/ # Urang vak di rayo sap ndom Việt Nam dok di Thái Lan ba số liệu  di mintri pablei salih  Thái Lan brei thau, dom doanh nghiệp tut angan tame ngak mbang pablei salih dalam bilan 8 thun 2017 tagok 20% dut song tuk vak ni thun dahlau  . Ni lac tanut tagol glong di abih dalam 4 thun tapa, meda dong patagok  dalam thun 2017 hu 7%, glong jang tanut kuhria mboh dahlau nan lac 5%.

10/ Rajaei Niu Di-lân harei kabroi 19/9 brei klak 28 mbang par, dalam nan hu 6 mbang par dunya, kayua kurang menyek. Urang jakar ngak praong daok huac lac bruk ini meda dui atah dalam rilo harei tal./.