1/ Mbang  nyaom  ka 4, Quốc hội mbang XIV hu peih tabiak di harei 23/10 song tui kuhria hu tamat di harei 24/11/2017. Di mbang ni, Quốc hội pasang iek, brei tapa 6 dự án hukum song brei panuac ka 9 dự án hukum karei, dalam nan njau ksangka lac, dự án Hukum tố cáo (pasiam veik),Hukum pacang caga tham nhũng (pasiam veik);Hukum quy hoạch; Hukum đơn vị hành chính kinh tế đặc biệt…

2/ Di ban Hội An, tỉnh Quảng Nam, barau rah tabiak nyaom meyai akaok mintri jien padai APEC 2017. Dom akaok mintri jien padai hu ginum meyai ka bruk kinh tế saong jien padai dunya saong khu vực, pasang iek kết quả pambuak bruk jien padai ka 4 kadha njauk ngak dahlau dalam thun, cập nhật bruk peih ngak kế hoạch Hành động Cebu saong ginum meyai dom bruk sangka karei.

3  # Phó Thủ tướng Vương Đình Huệ  bahrau mbaoh tangin brei buh tabiak 72 tấn brah meng gilang khik piah  pakat negae ka tỉnh Sơn La piah dong pacang eik lipa ka bhap bini gaok hajan ia sua thun 2017. Phó Thủ tướng jao ka Ủy ban bhap bini tỉnh Sơn La taduan song parabha brah nan njauk tuk, njauk urang tui bruk ba tabiak .

4/ Hội đồng bangsa di Quốc hội brei panuac piah pasiam harak pathau khan  tui iek bruk peih ngak sarak hukum ka jao taneh, jao glai ka bhap bini puk palei, baoh sang bhum bangsa takik bhum ceik tukvak 2006 – 2016. Di mbang biar harei kabroi, ralo urang njauk hatai saong harak pathau khan tui iek bruk peih ngak sarak hukum jao taneh jao glai ka bhap bini puk palei, baoh sang bhum bangsa takik bhum ceik tukvak 2006 – 2016.

5/ #  Ủy ban bhap bini tỉnh Đak Lak peih dịch vụ hành chính công trực tuyến pataom tame sa pabah mbang điện tử liên thông dalam bruk taduan song langyah thủ tục hành chính công tapak tanut  3 song  4 piah dong peih ngak hu kein lagaih bruk salih bahrau hành chính di tỉnh. Hadei di tuk peih bruk ni, bhap bini atau urang lambaok kapul nyaom, doanh nghiệp tame Internet di labik motcua.daklak.gov.vn piah duah thau, tut angan dom dịch vụ hành chính công tapak.

6/ Di mblang kapal haok dunya Nội Bài, VN hu peih bruk taduan mek pandap daong di NB ka dom tỉnh njauk khat lahik kayua bala meng langik tasik. Pandap daong lac pandap panda bahrau, hu payua tapak meng NB nan lac 40 bộ bạt pacang hajan, 47 bình lọc ia saong 5.025 blah phui.

7/ # Meng harei 21/10 tal harei  27/10, harei pataom pakacah “Tài năng ranaih anek saih, sinh viên dom  labik pato megru ilamu nghệ thuật negar” thun 2017  hu rah tabiak di Khánh Hòa. Harei patom pakacah  kayua mintri ilamu, Thể thao song Du lịch peih ngak, Pachreih hu 35 đơn vị di negar mai hu mbaok. Dalam pakacah, dom kapul hu parang eik me-in 400 kadha nghệ thuật sân khấu yau Tuồng, Chèo, Cải lương, Dân ca, Nhã nhạc, Kịch nói, Xiếc, Ca, Múa, Nhạc...

Patui di ini dom khau tin dunya:

8/ Dom đặc phái viên hạt nhân dang akaok di Hàn Quốc saong Mỹ barau nyaom pataom di Xơ-un (Seoul), ginum meyai dom bruk pambuak tal danak dak  tên lửa saong hạt nhân di Cộng hòa Dân chủ bhap bini Triều Tiên (DPRK). Di mbang nyaom dua gah ini, dom urang ngoại giao dua taneh ia hu ginum meyai ka dom jalan ngak khích lệ cộng hòa dân chủ bhap bini TT chấp nhận dom mbang ginum meyai ka bruk phi hạt nhân hóa.

9/ # Ngoại trưởng Nga Xéc-gây La-vrốp (Sergei Lavrov) bahrau hu panuac ieu  dom negar dunya pachreih dong jalan ngak kayua  Nga-Trung Quốc ba tabiak piah langyah bruk khủng hoảng ka danak dak hạt nhân song tên lửa di Cộng hòa Dân chủ bhap bini Triều Tiên. Urak ni, jalan ngak prong lac piah pacang cakak sa bruk xung đột vũ trang, meda ba tal ngak kanyah jhak prong ka môi trường, kinh tế song nhân đạo.

10/  Rajaei  Ma-lay-xi-a  hu mbaoh tangin tame sa thỏa thuận hong công ty thăm dò mbat tasik Âu-xần In-phai-ni-ti hu jabat di Mỹ, piah pambuak veik bruk ruah duah sruh kapal haok MH370 di kapal haok Ma-lay-xi-a (Malaysia Airlines) njauk lahik di thun 2014. Min, rajaei taneh ia tok chấp thuận panuac đề nghị di gah công ty Âu-xần In-phai-ni-ti, ngan saong bruk sanya “oh duah mboh” oh mek jien./.