1/  # Di ban Đà Nẵng, Jabat lambaok Astra Zeneca Việt Nam pambuak bruk song dom jabat y tế Việt Nam hu ba tabiak danak dak "Kayua sa hala phổi khang kajap” piah Peih ngak “Danak dak pakat negar pacang caga ruak  suyển song ruak phổi tắc nghẽn mạn tính yam tal bruk patrun urang njauk ruak, metai di 2 ruak ni.

   2/ Di xã Lộc Hòa, huyện Phú Lộc, tỉnh Thừa Thiên-Huế barau rah tabiak 1 bruk mblung ia ngak ka sa anek saih metai. Nan lac adei Trần Minh Quang, umo 11 thun, anek saih tal 6 sang bac Tiểu học saong Trung học Lộc Hòa, huyện Phú Lộc. Ủy ban bhap bini xã Lộc Hòa saong dom ayut, dom gah di huyện Phú Lộc hu mai rivang, klah rabha pandik harao haong sang adei.

3/  # Kayua hu buh jien tabiak padang ngak dom danao ia song jalan pruh ia, nan ye tong abih mblang taneh pala yaok thun dalam bhum mik va bangsa Chăm Ninh Thuận Jeng hu tagok. Rilo ilamu kỹ thuật bahrau hu  jao brei di bhum mik va Chăm,  yau mô hình “1 njauk  5 trun”, “mblang hamu mẫu prong”, mô hình pala phun ratak naih angaok taneh padai, pala lange dalam bilan  hè thu... Dom mô hình ni ba mai kein liba kinh tế glong. boh sang kan kathaot  mik va  Chăm urak ni dok labaih  9% min, boh sang jiak kan hu jiak  15% dut song dom boh sang urang Chăm.

4/ hadei di ribuk ka 10, ralo bhap bini dapok di palei 19-5, xã Quảng Đông, huyện Quảng Trạch, tỉnh Quảng Bình hu mboh sa kho hóa chất caik dalam sang xưởng daok taphia khu dân cư. Di labik nan, ralo hóa chất sraiy tabiak gah lingiu, kandong veik jeng kluc ia. Ong Trần Phong, Giám đốc Sở Tài nguyên saong Môi trường tỉnh Quảng Bình brei thau,  hu brei urang jakar mai tal labik nan pasang iek dom háo chất nan nyu sraiy tabiak gah langiu halei oh saong hu jalan langyah khik caga pren yava bhap bini.  

5/ # Ủy ban bhap bini huyện Đăk Song, tỉnh Đăk Nông hu  tabiak harak taong phatcông ty trách nhiệm hữu hạn Trọng Nghĩa (di  xã Quế Châu, huyện Quế Sơn, tỉnh Quảng Nam) song brei am klak labaih 4 tấn khak drak tapa tuk vak pandar. Dahlau di nan, Kapul pasang iek di rilo gah di  huyện Đăk Song, tỉnh Đăk Nông hu peih bruk Pasang iek song duah mboh,  khik mek 203 bao khak  tauk angan “3 patuk ka 1, hiệp sỹ khik caga gha” tapa tuk vak pandar song abih tih labaih 4 tấn;  labaih 150 thung khak buh ka hala, jru khik caga phun pala dom janih oh hu harak gar tui adat hukum, dalam nan hu dom janih abih tuk vak pandar.

6/ Tỉnh Đak Lak urak ini hu 8 đơn vị ngak bruk dalam gah bưu chính. Gam saong 3 jabat báo chí di tỉnh, daok hu 6 jabat báo chí TƯ peih jabat lambaok saong 14 jabat báo chí hu urang vak thường trú.

7/  # Tui Sở Tài nguyên song  Môi trường tỉnh Khánh Hòa, tapa pasang iek, hu 3 doanh nghiệp hu brei adat  ngak khoáng sản oh ka peih bruk padang ngak cơ bản mỏ, oh ka ba  mỏ tame ngak, oh ka pasiam veik dom tavak tavaiy dalam bruk ngak khoáng sản; 4 đơn vị hu brei adat ngak khoáng sản oh ka peih bruk padang ngak cơ bản mỏ, oh ka ba  mỏ tame ngak,  min hu pasiam veik dom tavak tavaiy atau dok likau ramik veik harak adat ngak. Urak ni dom    đơn vị ni dok padeih ngak piah pasiam veik tui njauk adat hukun.

Patui di ini dom khau tin dunya:

8/ Javap Calei panuac tangi sua di hãng tin DW, Thủ tướng Đức Angela Merkel brei thau hatai sahneng karei jang Tổng thống Mỹ Donald Trump ka bruk TT saong ndom lac brei langyah bruk TT tui jalan sron mbon.

9/ # Di mbang ginum biai song  Thủ tướng Singapore Lý Hiển Long dok nao rivang Bắc Kinh, Thủ tướng Trung Quốc Lý Khắc Cường cong khin rajaei Singapore dong ka dom  doanh nghiệp Trung Quốc hu mbaok tame danka dak  jalan pasei cao tốc Singapore - Malaysia.

10/ Cố vấn karja Myanmar Aung San Suu Kyi ndom lac, Myanmar sanya pasiam veik sron mbon, tani tanat saong hukum di bang gah brak Rakhine, taphia di nan hu panuac ieu  dunya pambuak bruk piah langyah bruk daok tamuh tabiak di bang ini./.