1 # Pathau khan ka bruk kinh tế - xã hội hu batabiak di Mbang  nyaom  ka 4, Quốc hội mbang XIV, mesup harei ni 24/10 brei thau urang oh hu bruk ngak song kurang bruk ngak trun tui quý. Min tui panuac khan di cử tri, urak ni dam dara hu bruk ngak njauk ngành nghề chuyên môn atau yaom jien bilan pabak siam rai duik, oh glon. Piah ka bruk ngak jang yau bruk menuac ngak hu siam, gah pato megru brei hu rilo salih bahrau dalam tuk vak anak tal.

2/ Kapul ngak bruk di Chi cục raong glang saong Thú y tỉnh Quảng Ngãi hu nao tal labik pasang iek, mek mẫu ikan payua nao duk iek piah thau makna ngak ka ikan metai. Chi cục raong glang saong Thú y tỉnh hu tacei pato dom baoh sang raong ikan pandar dom janih jru kháng sinh lai hong pandap mbang asal proi ka ikan mbang piah patakik bruk njom mbak jit ruak.

 3# Ubbhap bini tỉnh Đăk Nông hu peih  họp báo ka Bruk pahadar song caik patau pahadar vak angan  dom urang jakar, urang lin var klak rup drei tuk dak padang song khik caga jalan hành lang chiến lược  Bắc – Nam, labik nao tapa Đăk Nông. Muk Tôn Thị Ngọc Hạnh, Phó Chủ tịch Ubbhap bini  tỉnh Đăk Nông brei thau“Yaom glaong Sajarah dak rai atah di ni  57 thun, urak ni lac jalan  Hồ Chí Minh nao tap rilo  tỉnh song dalam nan   tỉnh Đăk Nông lac labik luac di abih piah pambuak song Đông Nam Bộ. Urak ni dom kuhria caga piah peih bruk  pahadar di harei  30/10 anak hu ngak salah bloh ”

4/ Jabat mban tacei pato pacang cakak bala saong daong duah urang njauk bala tỉnh Bình Thuận barau hu panuac cảnh báo ia sua angaok kraong Cà Ty, taphia di nan hu tacei pato huyện Hàm Thuận Nam saong ban Phan Thiết caga dom pandap panda, menuac urang piah pacang cakak, panduan ba bhap bini; caga pacang cakak ia sua di labik mbuan rah tabiak khang.

5# Bahrau ni  Ubbhap bini xã Thái Bình, huyện Châu Thành, tỉnh Tây Ninh bahrau jao brei sang paprong jum pataom ka ong Lý Thành Ân dok di palei Suối Dộp, xã Thái Bình, lac sang kan kathaot, kan kandah ka sang dok, Hu thau, meng akaok thun 2017 mbiah tal ni, xã Thái Bình jak ba padang ngak song jao brei 17 boh sang paprong jum pataom dalam nan hu 5 boh sang kayua urang ngak pahla dong brei, 12 boh sang kayua kadung jien ka urang kan kathaot di, huyện Châu Thành dong brei.

6/ Meng harei 24 tal harei 26-10, kapul cứu trợ di Hội Chữ thập đỏ tỉnh Đồng Nai pambuak saong Bộ Chỉ huy quân sự tỉnh hu nao rivang, alin pandap ka 1 ribau 200 baoh sang di 3 tỉnh: Quảng Trị, Quảng Bình saong Hà Tĩnh. Yaok paok pandap hu yaom 400 ribau đồng. Abih tih yaom jien daong lac 480 triệu đồng kayua Hội Chữ thập đỏ tỉnh, dom đơn vị ngak pahala daong.

7 # Chi cục khik caga darak pasa tỉnh Tiền Giang brei thau , tapa pasang iek dom labik ngak mbang pablei salih radeih juak song radeih juak điện dalam tỉnh hu mboh 44 sruh radeih juak song radeih juak điện ngak ja angan. Dalam nan hu 39 sruh radeih juak điện ja angan Asama song  5 sruh radeih juak  ja angan Martin@.  Chi cục khik caga darak pasa  Tiền Giang ngak harak biên bản tong phạt hành chính song cap mek  44 sruh radeih nan.

Patui di ini dom khau tin dunya:

8/ Ngoại trưởng I-rắc daok rivang Nga meng harei 23-25/10. Langiu bruk urang  Cuốc, dua ngoại trưởng jeng hu ginum meyai ka dom dự án dầu khí di Nga daok di I-rắc. 

9 # Di sa nyaom biai dunya rah tabiak di ban  Giơ-ne-vơ, Thụy Sĩ, dom gah tài trợ di dunya hu panuac sinya jiak 345 triệu đôla dong ngak  pahla ka labaih 900 ribau urang  Islam Rô-hin-gi-a di Băng-la-đét. Bruk ni kayua dom jabat Liên hợp quốc, Liên minh châu Âu song  Cô-oét pambuak bruk peih ngak .

10/ Jabat pambuak dom bruk ngak pahala LHQ hu panuac brei thau lac, labaih 11 triệu uranaih Y-ê-men caong hu daong pahala hadei di labaih 2 thun njauk mesruh metak palai pajoa. Dom uranaih ini jeng lac nạn nhân di dom bruk khủng hoảng pandap mbang jhak di abih dunya, sa jit aih caraoh oh ka bhian mboh, oh hu dom dịch vụ y tế saong dinh dưỡng./.