1/ Di pasak nyaom darak pasa parang iek Pleiku, tỉnh Gia Lai hu peih adit ilamu mbang huak song pakacah saih thun 2017. Ni lac mbang camereip rah tabiak bruk pakacah saih di tỉnh. Bruk pakacah saik mbang camereip hu peih tabiak di Gia Lai pachreih hu jiak 50 kỵ mã song tuấn mã di rilo kapul di 6 tỉnh ban nan lac: ban raya Hồ Chí Minh, Khánh Hòa, Bình Định, Phú Yên, Ninh Thuận song  Gia Lai tame pakacah. 

2/ UB bhap bini tỉnh Tây Ninh barau brei bruk ka Công ty trách nhiệm hữu hạn Huỳnh Vương peih bruk sron mek lục bình angaok kraong Vàm Cỏ Đông (di tỉnh Tây Ninh), saong yaom jien piah ngak abit tih 9,7 tỷ đồng dalam tukvak 5 thun (2017-2021). Cambaih laih yaok thun kadung jien tỉnh hu bayar ka doanh nghiệp Huỳnh Vương yaom jien 1,94 tỷ đồng, hadei di tuk hu gah chức năng lac sở jalan mbak pajeng ba Tây Ninh pasang iek,taong yaom bruk ngak salah saong khik kajap lòng sông (atah jaik 105km), labik nao tapa tỉnh Tây Ninh hu laneng lanoi, kapal gaiy gilai nao mai oh hu lục bình pacang cakak.

3/ Urak ni, urang nong xã Vĩnh Hải  huyện Ninh Hải, tỉnh Ninh Thuận   dok  tame bilan paik tỏi ngan song taneh pala 35 ha, năng suất tui kuhria hu meng 400- 500 kg sa sào. Urang blei tỏi di xã blei yaom 120- 150 ngàn đồng/kg, kaoh abih phun jien, urang nong pala tỏi hu liba 20- 30 triệu đồng/sào.

4/ Labaih meteh bilan ini mai, ralo janih njam, bingu đặc sản di ban Đà Lạt (Lâm Đồng) laik yaom khang, kayua darak pasar pablei suai dalam tuk njam patam, bingu paik mek ralo. Tui dom urang mai blei saong po vựa blei njam patam, tukvak ini bruk blei njam patam di dom tỉnh bhum kreih negar saong gah brak biak takik, dalam tuk nan kayua langik siam lagaih nan ye njam Đà Lạt pala njauk, sản lượng ralo, ngak ka yaom njam dom janih trun khang dalam tukvak tapa.

5/ Kapul ngak bruk di sang bac ĐH Đồng Nai hu nao rivang song mbaoh tangin tame rilo harak pambuak bruk dhaong 2 sang bac ĐH prong di HQ lac: sang bac đại học Silla song  sang bac đại học Changwon.Tui nan, sang bac hu mbaoh tangin pambuak bruk pato pakai hadei ĐH, roh duah ilamu, pato sap Hàn, donng pok jien bac, trao đổi SV song giảng viên di dom sang bac, Kapul jeng hu nao rivang iek, ngak bruk song dom Tập đoàn di HQ, dalam nan hu Tập đoàn điện tử LG  song Tập đoàn ô tô Huyndai piah ginum biai jalan pambuak bruk pato pakai song dong duah bruk ngak ka SV.

6/ Piah pamaong tal  bruk  pacang cakak, patrun bala, kayua sa XH siam mekre, barau ini, Hội chữ thập đỏ tỉnh Bình Phước hu tabiak mbaok pasak pasram megru ilamu sơ cấp cứu di tỉnh hội. Ini lac labik patao tacei sơ cấp cứu ka Hội chữ thập đỏ dom huyện, ban sit, phường, sang bac.

7/ Pasak pachreih nong tỉnh Long An brei thau, urak ni urang rong ikan kuak, ikan kan di tỉnh njauk khat lihik trak. Tui kuhria, yaok tấn ikan urang rong khat meng 3 tal 4 triệu đồng. Tui kuhria mboh di pasak pachreih nong Long An, dalam tỉnh hu labaih 60.000 m3 danao rong ikan kuak song sản lượng 5.000 tấn. Langiu di nan, rilo boh sang rong sit sot dalam danao nan ye sản lượng tagok glaong ngak ka yaom trun, urang rong khat trak

Patui di ini dom khau tin dunya:

8/ Rajaei Mỹ barau brei thau Tổng thống Mỹ Đô-nan Trăm hu mbaok tame nyaom meyai pakat glaong di abih di tổ chức Hiệp ước Bắc Đại Tây Dương (NATO) di ban ine Brúc-xen (Brussels, Bỉ) di harei 25/5 tal.

9/ Thun bloh, cảnh sát Trung Quốc hu cap kreik 168 urang medhil lac ngak song pablei jru phiel, saong langay 140 riau bruk pagam tal jru phiel. Ủy ban Kiểm soát jru phiel pakat negar Trung Quốc brei thau, cảnh sát negar ni cap hu labaih 82 tấn jru phiel dom jani, dalam nan hu hêrôin, dom janih jru kích thích song gây nghiện dalam thun bloh./.

10/ Đặc phái viên Liên hợp quốc ka Xyri Sta-phan Đờ Mi-xtu-ra  hu taom gaok trưởng Nga Séc-gây La-vrốp tại Mát-xcơ-va , piah ginum meyai bruk sron mbon di Xyri. Mbang taom gaok hu rah tabiak dahlau di mbang ginum meyai barau ka sron mbon Xyri di Giơ-ne-vơ, Thụy Sĩ, kayua Liên hợp quốc daong ba. Ngoại trưởng Nga Séc-gây La-vrốp brei thau gah Nga caong daong LHQ dàn xếp 4 bruk praong dalam jalan sron mbon Xyri. Tui kuhria, bruk ginum meyai Xyri di Giơ-ne-vơ hu peih tabiak meng harei 23/3 tal harei 1/4./.