1/ # Patui danak dak mbang nyaom ka 4, beir harei 26/10, Quốc hội phê chuẩn bruk  pok ngak Akaok mintri jalan mbak pajeng ba ka ong  Nguyễn Văn Thể song Tổng Thanh tra rajaei ka  ong Lê Minh Khá.

2/ Di HN, pasak quy hoạch saong pasang iek tài nguyên ia pakat negar pambuak saong Viện Khoa học địa chất saongTài nguyên thiên nhiên Cộng hòa Liên bang Đức peih pataom iek veik Dự án “Patagok bruk khik ramik ia ngầm di Việt Nam” tukvak 2015-2017.  Dự án hu peih ngak di 2 tỉnh Sóc Trăng  saong Cà Mau, ngan saong yaom jien abih tih  1 triệu 500 ribau ơ-rô.

3/ # Hạt Kiểm lâm huyện Bố Trạch, tỉnh Quảng Bình bahrau taduan sa drei  kara aku pabui quý hiếm kayua Bhap bini jao brei. Meng akaok thun tal ni, Kiểm lâm huyện Bố Trạch hu pathau khan, jak ba hu 3 boh sang jao brei anek athur glai, dalam nan  menuk lôi, kara meta meriak… lac dom janih athur quý brei samar khik ramik.

4/ Di tỉnh Quảng Trị, karja saong bhap bini daok kham merat salih janih ngak saong jalan ngak nông tui bruk pandar công nghệ glaong, ngak tabiak kaya nông hacih, an toàn. Tui amuk Lê Thị Thúy Kiều, Phaok akaok jabat ngak nông saong patagok palei pala huyện Vĩnh Linh brei thau: “Jalan ngak di huyện lac peih praong saong patagok dom bruk ngak công nghệ glaong piah mikva kuhria caga dalam bruk pala drak saong meda ngak sung bilan. Tuk bhap bini pala drak dalam mô hình nhà kính meda patakik pandar dom janih jru khik caga phun pala saong dom hóa chất oh cần thiết, ka sa pandap kaya nông hacih, an toàn ka urang blei pandar”.

5/ # Adit pakat glong APEC hu rah tabiak di ban Đà Nẵng. Urak ni, Pasak dut iek Y tế dunya Đà Nẵng patagok kapul tui iek duah thau rup pabhap song thể trạng tuai damuai, phi hành đoàn nhập cảnh, xuất cảnh, quá cảnh tal Đà Nẵng. Saong daok ngak pasiam balik cách ly di mblang kapan haoh dunya Đà Nẵng, pambah lamnge tasik piah pabak siam di abih meyah hu jit ruak njom mbak rah tabiak.

6/ Sa bruk njauk jru mek ikan nóc barau rah tabiak di ban sit La Gi, tỉnh Bình Thuận ngak 1 urang metai saong ralo urang karei nguy kịch. Jalan pandiak harei (26/10), sang iek ruak Đa khoa khu vực La Gi taduan 6 urang njauk jru mek kayua mbang ikan nóc. Tapa sơ cứu, sang iek ruak brei thau: sa urang metai, 4 urang njauk trak saong sa urang hanjul.

7  # Ong Võ Văn Út, Chủ tịch Ubbhap bini huyện Mỏ Cày Nam, tỉnh Bến Tre bahrau mbaoh tangin tame harak Quyết định tong phạt hành chính muk  Nguyễn Thị Hoàng, umo 53 thun, dok di palei  Vĩnh Khánh, xã An Thạnh, huyện Mỏ Cày Nam  yaom jien phạt lac 35 triệu đồng kayua ngak suan bruk iek ruak tui jalan mê tín dị đoan. Tapen di nan, gah chức năng huyện Mỏ Cày Nam hu panuac ieu amuk Hoàng sinya padeih chip bruk iek ruak suan adat hukum di drei.

Patui di ini dom khau tin dunya:

8/ Jabat phản ứng khẩn cấp ô nhiễm môi trường ban Bắc Kinh, TQ harei ini tabiak cảnh báo sambo kanyik ka sauk dalam ban, taphia di nan kuhria mboh dahlau lac, bruk ô nhiễm khang meda dui atah tal puac adit.

 9/ # Hãng tin Roi-tơ ba khau tin meng  Bộ tình trạng khẩn cấp Nga bahrau brei thau, sruh trực thăng pajeng 8 urang negar ni  lihik liên lạc di bhum tasik palao  Xvan-bát (Svalbard) di Na-uy di Bắc Cực. Urak ni bruk dong duah sruh kapan haoh nan dok hu peih ngak.

10/ Takik di abih 27 urang metai saong 35 urang karei njauk rambuah dalam mbang khuah praong rah tabiak harei 26/10, di sa sang mac ngak phao bingu daok jaik ban ine Gia-các-ta di Inđônêsia. Kapul daong padam khuah daok pacang labik khuah. Dalam tuk, urang ngak praong Inđônêsia daok duah thau makna bruk khuah nan./.