1./Biar harei 30/8, brei panuac tamat mbang nyaom Rajaei bilan 8, Thủ tướng Nguyễn Xuân Phúc ndom lac, thun in lac thun trun chi phí ka doanh nghiệp nan ye anak meta oh ka ndom tal bruk tagok dom janih thuế, phí, lệ phí, ngak kan kandah tal doanh nghiệp, bruk đầu tư, ngak mbang.  Thủ tướng pok meyaom bruk kham merat di dom kapul nyaom, menuac urang, doanh nghiệp dalam bruk peih ngak sarak di Quốc hội, Rajaei, daong 13 chỉ tiêu kinh tế xã hội thun 2017 meda ngak hu saong ngak rilo jang bruk ba tabiak.

2/ Hadei di tuk tamat nyaom meyai mbang ka 3 dom urang ngak praong pakat APEC (SOM 3) di ban Hồ Chí Minh, di mbang họp báo biar harei 30/8 Thứ trưởng mintri Ngoại giao Bùi Thanh Sơn hu khan brei thau dom bruk ngak hu di nyaom meyai. Tui nan, SOM 3 patui khẳng định quyết tâm di dom thành viên jhul pakhang tự do hóa pablei salih saong đầu tư di khu vực tapa jhil pakhang ba dom APEC jeng sa khu vực tự do hóa pablei salih saong đầu tư dang akaok dunya di thun 2020.    

3# Thanh tra Mintri Pato megru bahrau hu harak payua dom Sở pato megru ka bruk thanh tra thun bac 2017-2018. Tui nan, pataom tame dom asal kadha yau pato thêm bac thêm, dom jien phí akaok thun bac, bruk neh tabiak, pagam tame dom sang bac, tal bac, labik bac, peih ngak sarak ngan saong gru pato, urang khik iek bruk pato megru, ngak siam bruk dân chủ dalam sang bac.

4/ Di ban sit  Nha Trang, tỉnh Khánh Hòa barau rah tabiak Đối thoại sarak Quốc phòng Việt Nam - Nhật Bản mbang ka 5. Di mbang đối thoại, dua gah njauk gauk patui jhul pakhang pambuak bruk dalam dom gah: pato megru, bac megru ilamu ka bruk khik ramik sron mbon LHQ; pasiam hậu quả mesruh metak yau xử lý bom mìn saong rao hacih chất độc hóa học dioxin, an ninh mạng, an ninh angaok tasik.

5# Labaih 300 urang  hu mbaok tame pasram pacang caga khủng bố, khik caga siam mekre pabah lamnge di Tiên Sa, ban sit Đà Nẵng. Ini lac bruk pamaong tal khik caga an ninh adat pakat glaong APEC 2017 rah tabiak di Đà Nẵng puac bilan 11 tal. Bruk pasram nan hu 2 binah lac: gah brei thau, pathau khan saong pasram langayh  bruk khủng bố, caik mìn, pacang cakak kapal tasik chap mek con tin.

6/ Dalam 2 harei 30 saong 31/8, di pasak ilamu ban Cần Thơ rah tabiak harei Hoa phượng đỏ mbang ka 26  ngan saong di 270 anek saih dom pakat bac meng Mầm non, Tiểu học  saong Trung học cơ sở di 9 quận, huyện di ban Cần Thơ. Dom adei hu mbaok tame pakacah: Văn nghệ Tổng hợp saong dom kadha, daoh tamia, , pakacah dak dalikan... Bruk ngak nan lac piah daong dom adei thiếu niên nhi đồng Cần Thơ taom gaok ndom meyai nao mai ilamu daoh tamia, thể thao…rik daong bồi dưỡng ka dom adei patagok taong abih.

7# Công an tỉnh Tiền Giang daok cap khik KHAMMLUE – MR.SAENG,  Quốc tịch Thái Lan piah ngak brei cambaih laih bruk khik piah labaih 4.000 asar ma túy tổng hợp , jru lắc di 1 khách sạn daok di phường 4, ban sit Mỹ Tho. Di labik nan, công an daok hu khik 2 phone tangin saong 600 triệu đồng. Urak ini công an tỉnh Tiền Giang daok cap khik urang ini saong ngak hồ sơ 2 urang pambuak tal bruk nan piah duah thau, langyah tui adat hukum.

Patui di ini dom khau tin dunya:

8/ Văn phòng phủ Tổng thống Ai Cập brei thau, Tổng thống Ai Cập Áp-đin Pha-ta En Si-si hu rivang Việt Nam di bilan 9 tal. Ini lac mbang rivang akaok meti di urang dang akaok karja Ai Cập tal Việt Nam meng tuk dua taneh ia padang talei pambuak bruk ngoại giao thun 1963.

9# Tổng cục Du lịch - Bộ Văn hóa, Thể thao saong Du lịch Việt Nam hu peih danak dak darak pasar  du lịch Việt Nam tại Campuchia. Danak dak ini piah patagok bruk ba tuai du lịch nao mai, jhul patagok talei pambuak bruk nao tal dom labik du lịch di dua taneh ia dalam tuk pahadar 50 thun padang ngoại giao Việt Nam-Campuchia.

10/ Tui harak pathau khan kayua jabat pacang cakak doping dunya brei thau, takik abih 30% dom vận động viên hu mbaok tame Giải Vô địch điền kinh dunya 2011 saong 45% dom vận động viên hu mbaok tame nyaom roya thể thao khối dom taneh ia Arab 2011 (Pan-Arab Games 2011) hu ndom lac hu pandar janih oh brei pandar tuk hu mbaok tame pakacah./.