1 # Harei 6.4, Lễ Giỗ Tổ Hùng Vương hu peih ngak dalam prong prang angaok tabung ceik Nghĩa Lĩnh dalam labik inem mek dak rai sajarah negar Đền Hùng, tỉnh Phú Thọ. Pak ini, akaok negar Trần Đại Quang hu cuh gilau, pok bingu, paling pandap pahadar saong thau dhar phor dom Pô Hùng hu  padang taneh aia, likau ka palei negar hu sron mnbon, bhap bani khang tangin jap takai, taneh aia kaya meda khang kajap.

2/ meng harei 5 tal harei 7/4, di labik inem krung sajarah dak rai cố đô Hoa Lư, xã Trường Yên, huyện Hoa Lư, tỉnh Ninh Bình rah tabiak lễ hội Hoa Lư thun 2017. Lễ hội hu peih tabiak piah rik daong khik ramik saong patagok sajarah dak rai ilamu di bangsa, taphia di nan yaih khan pren khang du lịch tỉnh Ninh Bình.

3 # Pak Đền thờ Quốc tổ Hùng Vương, phường Bình Đa, bal Biên Hòa, tỉnh Đồng Nai hu peih ngak dalam prong prang adat cuh gilau pahadar dom Po Hùng. Giỗ tổ Hùng Vương daok lac tukvak piah ka dom rai urang Việt Nam iek prong bein ilamo bangsa, daong pato pakai ilamo ranam taneh aia, ilamu menyum aia hadal halau, pakajap bruk jum pataom abih bhap bani, daong khik ramik saong patagok ilamo bangsa, khik ramik dom drap ar di ong akaok ong akei caik veik.

4/ Pa-uan Tết Chôl Chnăm Thmây di bhap bini Khmer, Ban bangsa ban raya Hồ Chí Minh pambuak bruk saong Ủy ban bhap bini huyện Bình Chánh, ban raya Hồ Chí Minh hu padang kapul nao rivang, alin hadiah pandap ka dom baoh sang bhap bini bangsa Khmer gaok kan kandah di huyện ini. Lambaok mban bangsa ban raya hu pachreih ba, tadhau yuh tết bhap bini saong alin hadaih pandap ka 33 baoh sang, yaok paok pandap yaom 400 ribau đồng. 

5 # Ngan haong kadha “darah daong manuac daok pak dalam baoh hatai di yaok urang drei”, pak huyện Kon Rẫy, Ban tacei pato jak ba brei darah tỉnh Kon Tum hu peih bruk jak ba bhap bini halan hatian brei darah thun 2017. Hadei di nan, gam haong taduan mek harak urang tut angan brei darah, tư vấn tapak ka yaok rituh urang halar hatian mai brei darah, Ban peih bruk taduan mek hu pak di labik labaih 120 đơn vị darah meng 50 urang halan hatian.

6/ Mban tacei pato jak ba halan hatian brei darah tỉnh Sóc Trăng  barau peih mít tinh pachreih tui harei taong abih bhap bini halan hatian brei darah (7/4) thun 2017. Thun ini, mban tacei pato jak ba halan hatian brei darah tỉnh Sóc Trăng daok jhul khang dom bruk pathau khan, paglaong akaok saneng di bhap bini ka makna siam mekre di bruk brei darah, pamaong tal bruk mek hu 9.600 đơn vị darah dalam thun ini. Hadei di mít tinh, ralo urang jakar công chức, viên chức, urang đoàn dam dara, anek saih saong bhap bini dalam tỉnh hu mai brei darah di dua labik sang bac Trung học phổ thông Lê Văn Tám saong sang bac Trung học phổ thông Mai Thanh Thế, ban sit Ngã Năm.   

7 # Harei 6/4, pak pabah lamnge Gành Hào, huyện Đông Hải, tỉnh Bạc Liêu hu rah tabiak bruk taleik gilai ngak ka ralo urang njauk bala. Dalam nan hu 14 urang njauk rambuis njauk ba tame sang iek ruak cấp cứu, 2 urang metai. Sruh gilai ini, lac sa dalam labaih 200 sruh gilai hu mbaok dalam Lễ hội Nghinh Ông Nam Hải. Ttui ong Bùi Minh Túy,akaok  Ủy ban bhap bani huyện Đông Hải, huyện hu brei manuac nao rivang,  pachreih ba baoh sang hu urang njauk bala. Akaok mereip, tỉnh, huyện, gah chức năng hu daong ka baoh sang hu urang metai 16,5 triệu đồng, daong 8 triệu đồng ka urang njauk rambuis.

Patui di ini dom khau tin dunya:

8/Mesup harei 6/4, di ban ine Phnôm Pênh, Đại sứ quán Việt Nam di Campuchia peih Tọa đàm doanh nghiệp Việt Nam đầu tư saong pablei salih di CPC thun 2017 piah daongkhan brei thau dom sarak pambuak tal đầu tư saong ba tabiak dom kiến nghị piah jhul pakhang talei pambuak bruk kinh tế pablei salih di dua taneh ia.

9/ Patao Thái Lan Ma-hả Vạ-ji-ra-lon-korn (Maha Vajiralongkor Bodindradebayavarangkun) (atau patao Rama X) hu mboh tangin brei tapa Hukum negar bahrau di Thái Lan. Ini lac Hukum negar ka 20 di Thai Lan. Bruk  patao brei tapa Hukum negar bahrau hu peih tabiak jalan ka bruk bầu cử dân sự tui kuhria suai abih hu peih ngak di puac thun 2018.  

10/ Dalam mbang nao rivang Mỹ, Tổng thống Ai Cập An Si-ri hu rilo bruk ngak praong piah jhul pakhang talei pambuak bruk di dua taneh ia, abih di nyu nan lac dalam gah quân sự, kinh tế. Dalam nan, Mỹ sanya daong gah quân sự paok jien yaom 1 tỷ 300 triệu đôla ka Ai Cập saong yaok rituh triệu đôla daong gah kinh tế./.