1 # Bruk Ban Chấp hành Trung ương Đảng kỷ luật ông Đinh La Thăng tui jalan cảnh cáo saong brei padeih ngak Uỷ viên Bộ Chính trị khoá 12 hu bhap bani bal raya  Hồ Chí Minh biak njauk hatai. Amuk Phạm Thu Mai daok pak quận Gò Vấp, bal raya Hồ Chí Minh ndom lac:  “Bruk kỷ luật ong Đinh La Thăng, sa urang jakar pakat glaong dalam Bộ Chính trị, urang dang akaok sa bal prong yau bal raya  Hồ Chí Minh pak nyaom biai Trung ương mbang ini dahlak mboh lac sa bruk njauk haong hatai bhap bani. Yaom lac ong Đinh La Thăng hu ba ngak bruk karei, min dom bruk ngak suan dalam bruk ngak di ong dahlau diah nyu ngak khat lahik trak ka taneh aia, ngak lahik hatai jia dalam bhap bani, ngak bức xúc dalam dư luận”.

2/ Yaom ralo pabui tagok glaong dalam thun 2016 nyu pachreih bhap bini raong ralo  ba tal cung vượt cầu. Tukvak tapa, yaom ralo pabui trun biar ngak ka urang raong gaok kan kandah. Pabui tal tuk pablei min oh pablei hu, urang raong glang daok gaok kan kandah ka var ro,  bayar jien pah menuac ngak, mbuan hu jit ruak saong phun jien raong glang.

3 # Piah daong ba dom urang njauk bala angaok jalan mbak di Gia Lai, Trung ương Hội Chữ thập đỏ Việt Nam hu daong brei chip ka 45 urang njauk bala. Cambaih laih, yaok urang njauk bala metai hu daong 3 triệu đồng; urang njauk rambuis hu daong 1 triệu đồng. 

4/ Salam uan  Phật đản Phật lịch 2561 saong rik daong bruk an sinh xa hoi, Ban trị sự Phật giáo tỉnh Tiền Giang jak ba tăng, ni, phật tử saong dom urang ngak pahala dalam tỉnh rik daong hu labaih 1tỷ 300 triệu đồng piah peih bruk ngak pahala xa hoi. 

5 # Harei 7/5, ong Võ Công Trường, Akaok Uỷ ban bhap bani xã Đất Mũi huyện Ngọc Hiển, tỉnh Cà Mau brei thau, dalam xã mboh hu biak ralo nghêu pajaih nan ye bhap jak gauk nao cap mek. Ong Trường brei thau: Nghêu pajaih tok bahrau hu mboh di bãi bồi tapen tasik ấp Cồn Mũi di xã. Urak ini, yaok harei hu yaok rituh bhap bani tuh mai ini piah  mek nghêu pajaih. “Mek nghêu pajaih nan lac oh njauk. Yau nan min, manuac urang mai mek ralo meng lac dom urang kathaot ndam gam haong tasik di puk palei. Ini lac bruk ngak mbang yaok harei di mikva nan ye biak kan si pakauk.

6/ Di khu chế xuất saong công nghiệp Trà Nóc, quận Bình Thủy, ban Cần Thơ.  Liên đoàn Lao động ban pambuak saong Ủy ban Hội liên hiệp dam dara ban Cần Thơ peih “bilan công nhân thun 2017”. Dalam bilan công nhân thun ini hu peih ngak meng dom bruk ngak yau “Thau dhar phon” brei ka urang ngak; peih bilan hành động piah urang ngak hu “kein lagaih, phúc lợi siam jang” piah urang đoàn, urang ngak hu mbang dom harei “tết lao động” biak hu makna.

7 # Urak ini, urang raong ikan bè di tỉnh Tiền Giang saong Bến Tre biak kan kandah kayua yaom ikan bè laik trun biar; dalam tuk yaom pandap mbang kaya ikan dalam aia di tanut glaong saong rah tabiak bruk ikan metai ralo. Di tukvak ini, urang taong ikan pablei ikan điêu hồng yaom meng 27.000-28.000 đồng/kg. Tui yaom ini yaok  kg ikan raong khat takik abih 2 ribau đồng, sa bè khat lahik jaik 20 triệu đồng. Makna di nyu nan lac kayua darak pasar pablei tabiak suai; dom janih kaya nong yau menuk, ada, pabui trun yaom nan ye urang pandar payeng rup haong ikan bè.

Patui di ini dom khau tin dunya:

8/ Urang vak di rayo sap ndom VN daok di Séc brei thau: kapul dom nghệ sĩ chèo Hà Nội kayua ong Tô Văn Động, Giám đốc Sở ilamu-Thể thao ban Hà Nội ba akaok nao parang iek dui atah 10 harei di dom taneh ia châu Âu, dalam nan hu Cộng hòa Séc, Đức, Ba Lan, Áo saong Hungari.

9  # Urang vak di rayo sap ndom Việt Nam daok pak Campuchia brei thau: Campuchia bahrau padang ngak sang mac halang menyek akaok meti di tỉnh Xi-ha Nuc (Siha Nuok) angaok mblang taneh 50 hec-ta ngan haong phun jien buh tame ngak di 2 tukvak nan lac 1,6 tỷ đô la Mỹ. Tui kuhria hadei di tuk ngak blaoh saong ba tame pandar di thun 2022. 

10/ Urang ngak praong ban Môn-trê-an, di tỉnh Ki-bếch, Ca-na-đa harei kabroi 7/5 hu tabiak bruk khẩn cấp kayua hajan khang dui atah ngak brei ribuk ia sua praong abih dalam dom pluh thun tapa di ban ini./.