1/ # Dalam bilan 6, dalam negar hu labaih 13 ribau urang ngak nao ngak bruk di negar langiu. Dalam nan  Đài Loan (Trung Hoa) taduan rilo menauc di abih, labaih  5.600 urang. Patui di nan lac Japon, labaih 5 nribau 700 Urang ngak; Hàn Quốc labaih 800 urang ngak; Ả rập - Xê út labaih 500 urang ngak. Langiu di nan, urang ngak Việt Nam dok humbaok ngak bru kdi dom darak pasa karei karei yau  Malaysia, Algeria, Macao, Thổ Nhĩ Kỳ.

2/ meng akaok thun tal ini, tỉnh Phú yên hu jak ba rik daong tame kadung jien bayar dhar phon jaik 1,5 tỉ đồng. meng kadung jien ini, tỉnh hu daong padang ngak 35 baoh sang, pasiam veik sa baoh sang ka urang hu buh pren yava ka cách mạng gaok kan kandah ka sang daok.

3/ # Kapul urang nong tỉnh Khánh Hòa bahrau peih mbang darak pasa kaya nông Khánh Hòa thun2017, pachreih hu labaih 50 đơn vị ngan song 84 gian hàng, dom janih pandap kaya nông di dom puk palei tỉnh Khánh Hòa song dom tỉnh dok jiak tapen. Ngan saong kadha“kaya nong siam song hacih saat”, Nyaom darak pasa piah dong ka urang nong hu labik parang iek, yaih khan song pablei rilo janih pandap ngak nong yau padai brah Kruac bung klik hajao, durieng, paoak song dom janih njam saat.

4/ Ralo sang iek ruak tỉnh, ban dalam taneh ia daok dang anak bruk kurang drah dbrei ka bruk cấp cứu saong iek ruak ka urang ruak. Eng Viện Huyết học-Truyền máu Trung ương, kho khik mepiah tok daok jaik 7.000 đơn vị darah, tok pabak bruk iek ruak dalam 5 harei tra. 

5/ # Meng sa labik hu rilo menuac ndik tapui anek ka 3 tagok, hadei di 5 thun palei  Brah, xã Cư Dliê Mnông, huyện Cư Mgar, tỉnh Dak Lak hu ngak siam bruk  kế hoạch hoá gia đình.  Bruk ndih tapui rilo yaok thun di palei hu trun. Rik dong ka bruk nan njauk ndom tal bruk halan hatain, abih hatai di  Amí Nhương – urang pambuak  bruk dân số hu mik va jia hatai anit ranam.

6/ UBMT negar VN huyện Châu Thành, tỉnh Tây Ninh barau peih bruk alin hadaih limo ka baoh sang kan kathaot daok di xã Biên Giới saong Hòa Hội. Mbang ini, hu  24 drei limo menek hu alin ka 24 baoh sang daok di 2 puk palei, yaok drei limo hu yaom 25 triệu đồng.

7/ #  Ủy ban bangsa Bình Phước bahrau ba tabiak Thông tư 02/2017/TT-UBDT tacei jalan peih ngak Quyết định  2085/QĐ-TTg ngày 31-10-2016 di  Thủ tướng rajaei brei tabiak sarak dong patagok kinh tế - xã hội bhum bangsa takik song bhum ceik tuk vak 2017 - 2020. Tui thông tư ni , dom boh sang kan kathaot di bhum mik va bangsa takik hu dong taneh dok, taneh ngak mbang pala drak, ia pandar, brei mesraiy phun jien.

Patui di ini dom khau tin dunya:

8/ Chủ tịch danh dự Hiệp hội dom gah xuất khẩu brah Thái Lan, ong Chô-ki-át brei thau, bruk rajaei TL pandar hukum lao động nhập cư barau nyu ngak kan kandah tal bruk xuất khẩu 10 triệu tấn brah dalam thun ini di taneh ia ini. Meng tuk hukum lao động nhập cư barau hu ba tabiak ngak meng harei 23/6 tal urak ini, hu jaik 100 ribau urang ngak negar langiunao veik palei.

9/ # Kuhria tal urak ni, urang metai kayua jit tả di Yê-men dalam 2 bilan tapa labaih 1.500 urang, song urang njauk ruak tả meda tagok tal  250 ribau urang . Tui Gah Y tế dunya, bruk dong gah y tế di dunya hu dong ka rilo urang ruak hu iek ruak , min oh ginup pren cakak bruk  pambak  ruak tả di negar ni.

10/ Tui pathau khan di gilang pariak negar Hàn Quốc,  bruk patagok kinh tế di taneh ia ini meda  trun di tanut  0,4% di thun 2035 meyah bruk menuac sia taha samar oh hu langyah chip./.