1  #10 negar ASEAN, harei 8/8, di  Hà Nội, Việt Nam hu peih bruk tuan hala dok ASEAN, piah pok meyaom, patagok labik dang saong thaot binguk di ASEAN dalam rai duik bhap bini.Ni lac sa bruk prong brei mboh hatai khang di dom taneh ia ASEAN tuk halei jeng khik kajap dom dom jalan ngak,, jum pataom,  sa hatung hatai, samar drah, hadah krah dalam bruk langyah dom bruk mblo tabiak angaok jalan patagok bahrau, abih di nyu nan lac bruk hòa bình, tani tanat song patagok di khu vực.

 2/ Pahadar 56 thun bala jru mek klik kruac di VN (10/8), 11 thun padang kapul urang njauk jru mek klik kruoc dioxin, kapul urang njauk jru mek klik kruoc dioxin huyện Định Quán, tỉnh Đống Nai pambuak saong Công ty TNHH pablei salih dịch vụ tranh thêu Cỏ May (ban raya Hồ Chí Minh) hu nao rivang saong alin hadaih 50 paok pandap (yaok paok yaom 500 ribau đồng) ka dom urang njauk jru mek, baoh sang urangnjauk jru mek klik kroc di dom xã La Ngà, Phú Túc, Phú Cường, Suối Nho saong Túc Trưng.

 3/ # Di sang bac Trung học Cơ sở Phù Đổng, huyện Duy Xuyên, tỉnh Quảng Nam, Phó akaok negar Đặng Thị Ngọc Thịnh hu mbaok  song jao tượng trưng 46.500 cavan ia tasau, samu 300 triệu đồng ka 600 anek saih tỉnh Quảng Nam meng danak dak “Ia tasau sang bac”.Thun ni danak dak, palih tỉnh Quảng Nam ngak labik khởi đầu. Song cong khin dong patagok bruk bruk dinh dưỡng lka uranaih, danak dak hu ba mai yaok ribau cavan ia tasau grauk labik di dom puk palei. 10 thun tapa, danak dak hu jao ia tasau ka jiak 400 ribau uranaih kan kandah di VN, tui yaom jien abih tih jiak 130 tỷ đồng.

4/ Dom mbang hajan khang dui atah dom harei tapa ngak dauk ralo taneh padai di huyện Tánh Linh, tỉnh Bình Thuận. Tui duk ngak nông huyện Tánh Linh, kan kandah di ribuk ka 3, ka 4 saong ngin bilan Tây Nam cường độ khang, hajan dui atah, ngak duak dom taneh ngak nông di huyện, abih di nyu nan lac taneh dom labik biar. Tui thống kê sơ bộ, hu jaik 300 ha padai hè thu njauk dauk, dalam nan jaik 132 ha padai daok dalam tukvak sraoh saong 110 ha padai daok tasak jaik yuak.

5/  Kapul urang nong xã Cầu Khởi, huyện Dương Minh Châu, tỉnh Tây Ninh bahrau tabiak mbaok Tổ hội nghề nghiệp sak lam palei  Khởi Hà, piah dong ka dom boh sang sak lam sit sot di puk palei meda dong ka gauk meng ilamu kỹ thuật, kinh nghiệm piah tagok kinh tế. Ura kni  xã Cầu Khởi hu  40 boh sang urang nông ngak nghề sak lam bingu kiểng. Song bruk tabiak rai di Tổ hội nghề nghiệp sak lam, cong khin dong palagaih ka dom  urang  hộ, urang nong tani tanat rai duik.

6/ Tỉnh Kiên Giang daok peih ngak taong abih dom jalan kuhria pacang cakak ia sua daok mai tal piah khik caga siam mekre sản xuất saong rai diuk bhap bini. Phaok akaok UB bhap bini tỉnh Kiên Giang, ong Mai Anh Nhịn brei thau, gah chức năng daok pambuak saong puk palei peih bruk pacang cakak ia sua, khik caga an toàn vụ padai hè thu saong thu đông, abih di nyu nan lac dom puk palei đầu nguồn ia sua bhum 4 kien Long Xuyên lac Kiên Lương, Giang Thành, Hòn Đất saong ban sit Hà Tiên.  

 7/ # Cà Mau lac labik hu taneh riya mbuan lagaih ka bruk patagok rong hadang. Dalam tỉnh hu jiak  300 ribau ha taneh rong hadang; sản lượng hu jiak 150 ribau tấn, yaok thun mek hu  kim ngạch xuất khẩu jiak  1 tỷ đô la. Ong Châu Công Bằng, Phó Giám đốc Sở ngak nong song patagok palei pala brei thau, piah gah rong hadang tagok khang kajap, dom gah chức năng tỉnh batabiak rilo jalan ngak yau: sản xuất tui chuỗi, gam urang rong song doanh nghiệp chế biến xuất khẩu ka drak pasa pandar; peih ngak siam bruk khik ramik, quy hoạch, anek pajaih, môi trường, padang ngak salah cơ sở hạ tầng pabak ka bruk rong.

Patui di ini dom khau tin dunya:

8/ Piah pachreih tui adit dunya raong anek meng ia tasau amaik, puac adit bloh, jaik 2 ribau amaik Philippin hu pataom di ban ine Manila gam brei anek mum. Bruk ini oh lac piah taih klak dom paga pacang di XH, daong urang kamei mboh thoải mái tuk brei anek mum di labik công cộng bo daok brei mboh tầm quan trọng di ia tasau amaik ngan saong anek kamar. 

9/ Urak ni, bruk ngak veik, pandar veik hareik thải dok jeng sa jalan ngak di dunya, kayua ni lac sa dalam dom jalan ngak prong piah patak pataom tài nguyên thiên nhiên, khik ramik môi trường. Thau hu yaom glaong di bruk ini, ban Niu Yooc (New York), Mỹ bahrau ba tabiak ngak iek dự án ngak hareik thải hữu cơ jeng năng lượng siam pabak ka dom boh sang.

10/ QH Irắc harei 7/8 hu buh phiếu brei tapa  bruk peih bầu cử puk palei gam tukvak saong bầu cử QH di bilan 4/2018. Hãng thông tấn A-na-đô-lu di Thổ Nhỹ Kỳ ba panuac sa nghị sỹ brei thau, ralo dom nghị sỹ njauk hatai peih bruk gam tuk bầu cử puk palei saong bầu cử QH di bilan 4 thun hadei./.