1#/ Beir harei 8/5, akaok negar Trần Đại Quang taduan akaok mintri Phủ Tổng thống Madagasca Ra-ko-tô-va-ô Ri-vô dok mai rivang song ngak bruk di VN. Di var taduan raok, akaok negar Trần Đại Quang ndom lac, Vn halan hatain pambuak bruk song Madagascar di dom bruk bo Vn hu pren khang song  Madagascar cong khin, abih di nyu nan lac bruk ngak nong, pablei salih song đầu tư.

2/ Yaok thun, di Việt Nam, dom ruak oh njom mbak min nyu ngak ka jaik 400.000 urang metai, ralo jang 1.300 mbang dom urang metai kayua dom ruak njom mbak. Dom chuyên gia ndom lac: makna di ruak oh njom mbak lac pambuak tal dom bruk njuk pakao, menyum alak, mbia, mbang ralo janih limek saong takik njam patam baoh karaoh, lah vận động.

3/ # Tỉnh Nghệ An hu peih rilo jalan ngak siam lagaih pandar taneh ngak nong, mong ini lac bruk ngak prong piah pandar hu kein laba taneh rija, ba bruk ngak, patagok jien ka urang ngak. Tui nan, tỉnh buh jien ndua pren yava piah pambqk prong dom bruk patagok sx di danak dak pakat negar padang ngak palei pala bahrau hu tong yaom ba mai kein laba di dom puk palei dalam tỉnh, khik pakhang dom dự án hu mek veik taneh pala padai, taneh glai pacang cag, taneh glai   đặc dụng, taneh ngak nong.

4/ Thun 2016, tỉnh Khánh Hòa peih jaik 100 tal pato dom bruk ngak ka labaih 3.100 urang ngak palei pala. Meng nan, yaok ribau urang ngak palei pala duah hu bruk ngak lagaih, paglaong jien mek tame.

5/ # Salam uan  Phật đản Phật lịch 2561, harei kabroi  8/5, urang dang akaok tỉnh Đắc Lắc hu mai rivang dom cơ sở Phật giáo dalam  tỉnh. Di dom labik mai rivang , urang dang akaok tỉnh Đắc Lắc tong yaom glong dom rik dong di Giáo hội Phật giáo ka bruk patagok di tỉnh. Abih di nyu nan lac bruk ngak di dom cơ sở Phật giáo dalam dom bruk ngak pahla.

6/ Tỉnh Hậu Giang barau peih nyaom darak pasar pablei salih Doanh nghiệp sit saong mbiah Hậu Giang 2017 ngan saong kadha: “pambuak bruk, đầu tư patagok doanh nghiệp sit saong mbiah bhum taneran kraong Cửu Long”. Dom pandap parang iek nan lac: jamriah, dây chuyền sản xuất, chế biến công nghiệp, pajaih phun pala saong dom baoh kayau, athur raong ba mai kein laba kinh tế, dom pandap khởi nghiệp di dam dara, anek saih labik bhum taneran kraong Cửu Long.

7/ # Hadei di tuk hu sa sruh jit ruak H5N1 song jiak 4 ribau drei da njom ruak, gah chức năng tỉnh Đắc Nông samar pacang pandam jit song cakak bruk njom mbak. Ong Ngô Quốc Hưng, akaok Chi cục rong glang Thú y tỉnh Đắc Nông brei thau:  “Urak ni jit hu pacang cakak, oh hu njom mbak tra, tong abih menuk da di labik taom dar boh sang hu am cuh klak hu danao vôi hóa chất xử lý khik ramik, khol hulin hu panuac ieu dom boh sang sinya peih bruk oh pajeng ba, oh sik ngak song pablei salih, meyah lac hu jit ruak brei khan chip ka jabat thú y”.

Patui di ini dom khau tin dunya:

8/ Ngoại trưởng Nga Xéc-gây La-vơ-rốp harei ini 9/5 hu nao rivang  Mỹ dalam 3 harei meng harei 9 tal harei 11/5. Panuac meng mintri Ngoại giao Nga brei thau: dalam mbang nao rivang ini, ong La-vơ-rốp hu mbang taom gaok Ngoại trưởng Mỹ Rếch Tin-lơ-sơn di ban ine Oa-xinh-tơn dalam harei 10/5. Tui kuhria, dua gah hu ginum meyai ka dom bruk dunya saong dom bruk pambuak gauk di dua gah.

9# Hàn Quốc hu tỉ lệ urang umo glong ngak bruk glong di abih dalam dom negar  patagok kayua bruk già hóa dân số tagok samar. Tapa pasang iek, tỉ lệ urang Hàn Quốc di umo 75 thun song glong jang nao ngak bruk lac jiak 18% dalam thun 2015, dang ka sa dalam 25 gah kinh tế thành viên di kapul Hợp tác song Phát triển Kinh tế (OECD).

10/ Thủ tướng Đức An-giê-la Méc-ken tadhau yuh Tổng thống barau di Prang Em-ma-nuy-en Ma-crông kayua jayah di ong ini dalam bruk bầu cử meng bloh, taphia di nan sanya hu daong taneh ia Prang langyah bruk oh hu bruk ngak jeng yau pambuak bruk hong ong Ma-crông piah jhul pakhang bruk tani tanat di châu Âu./.