1# Chủ tịch Ủy ban bhap bini tỉnh Quảng Ngãi bahrau tacei  Sở ngak nong song patagok palei pala pambuak bruk song karja dom puk palei peih dom jalan pacang caga, padam jit laka cambuai tapaok kakau angaok tapaon athur di  xã Tịnh Hiệp, huyện Sơn Tịnh, oh caik pambak khang. Ong Nguyễn Văn Thuận - Phó akaok Chi cục Thú y tỉnh Quảng Ngãi brei thau: Sở ngak nong song patagok palei pala hu jao 2.500 liều vắc xin laka cambuai tapaok kakau song 95 lít hóa chất piah klauk pacang caga song pruh pametai anek ruak di labik hu jit.

2/ Urak ini, tỉnh Khánh Hòa lac tỉnh hu urang ruak pandiak tabiak drah dang ka 2 di bhum kreih negar, hadei di ban Đà Nẵng hu jaik 1.800 urang njauk ruak. Gah y tế hu  peih dom jalan pacang cakak jit ruak yau pruh jru pametai jamuok, patagok bruk tui iek jit saong ieu bhap bini gam pametai lăng quăng, bọ gậy.

 3 # Meng akaok thun tal ni, tỉnh Ninh Thuận hu 308 mbang urang pandiak tabiak darah. Bruk njauk biai nan lac tuk vak jiak di ni, urang ruak pandiak tabiak darah tagok khang.  Gah Y tế tỉnh pambuak bru ksong dom xã, phường samar pruh hóa chất, pametai bọ gậy, lăng quăng piah padam dom sruh jit pandiak tabiak darah, min dok rilo urang ruak bahrau.Ong Nguyễn Nhị Linh, Phó Giám đốc Pasak tui iek ruak kik  Ninh Thuận brei thau:  Băng : “Hóa chất piah xử lý dom sruh jit sit ye hu caga ginup.  Ka dua bruk taduan urang ruak pandiak tabiak darah meng Bilai y tế xã tal sang iek ruak  tỉnh ye bruk dự phòng dom janih jru piah iek ruak ka urang ruak pandiak tabiak darah hu  giinup abih.

4/ Tui Chi cục Kiểm lâm tỉnh Đồng Nai, urak ini Chi cục hu ngak salah bloh đề án khik caga tapon voọc chà vá takai juk angaok ceik Chứa Chan di huyện Xuân Lộc, Đồng Nai. Anak tal, gah ngak nông hu pok danak dak khik ramik tagok Ủy ban bhap bini tỉnh Đồng Nai piah pasang iek, mbaoh tangin tame. Bruk ngak di đề án lac khik caga siam mekre ka voọc chà vá, daong palagaih ka voọc chà vá daok, duah mbang. Meng nan, patagok parilo tapon voọc chà vá.

5#  Phó Giám đốc Sở ngak nong song patagok palei pala tỉnh Bến Tre Nguyễn Văn Buội brei thau, tapa duah thau song dut iek  ye hu thau makna ba tal  nghêu metai di Hợp tác xã Thủy sản Đồng Tâm, xã Thừa Đức, huyện Bình Đại (Bến Tre) meng bloh. Tui nan, makna lac độ mbak trun samar di bilan 7/2017. Langiu di nan, ia oh trun abih di angaok mblang nghêu; ia sua meng krong tuh mai gam song ia ndik, yau nan ye ia di krong Cửu Long tagok samar song phù sa glong; nghêu yếu kayua menek, pren pacang ruak trun nan ye ba tal metai.

6/ Kapul urang kamei ban raya HCM peih nyaom meyai pataom iek veik 10 thun peih ngak Sarak 11 –NQ/TW harei 27/4/2007 di mintri Chính trị ka bruk ngak di urang kamei saman jhul pakhang CNH, HĐH taneh ia ( 2007-2017). Tapa nan, kapul liên hiệp urang kamei ban raya HCM hu pok meyaom 25 kapul nyaom saong 26 urangngak siam bruk di urang kamei samar jul pakhang CNH, HĐH taneh ia tukvak 2007 -2017.

7# Urak ni, kayua kein laba kinh tế glong, nan ye rilo bo bein di bhum tanerankrong CL dok peih prong taneh pala kruac BUNG klik hajao. Di  2… Tiền Giang, Bến Tre hu jiak 10.000 ha kruac klik hajao  thương phẩm. Jiak di ni , angaok phun kruac hu janih halak  mbang boh, ngak ka boh  oh siam, atau bruk khut biak kan pablei. Piah pacang jit ruak ni, Chi cục khik caga phun pala tỉnh Bến Tre hu rong janih anak hani mắt đỏ ký sinh halak mbang boh kruac. Urak ni, tỉnh tacei ba rilo po bein song taduan rong anek hani mắt đỏ piah pametai halak mbang boh kruac

Patui di ini dom khau tin dunya:

8/ Tổng cục Du lịch Thái Lan barau peih dom nyaom meyai ka triết lý kinh tế mbiah ginup di patao Rama IX dalam bruk patagok DL. Hu mbaok tame nyaom meyai hu lambaok dom công ty DL, bhap bini, dom viện ruah duah, sang bac Đại học saong jabat ngak bruk rajaei TL.

9# Nhiệt độ trung bình di Mỹ dok tagok samar song dom pluh thun jiak di ni lac tuk vak  ấm di abih dala 1.500 thun tapa. Ni lac asar kadha dalam  dự thảo pathau khan di rajaei  liên bang hu harak báo Niu Yoóc ba tabiaki dalam harei 8/8.

10/ Đặc khu hành chính Hồng Công (Trung Quốc) brei keik pabah mbang labaih pluh mblang tasik hadei di bruk sraiy menyek cọ ngak mbau bruk. Bruk sraiy menyek rah tabiak hadei di tuk kapal paoh gauk di pabah kraong Châu Giang, gah meraong TQ. Bruk sraiy menyek ngak ô nhiễm tuk tabung glaong di bilan hè, tuk dom mblang tasik saong dom pulao hu biak ralo tuai damuai, menuac nao cắm trại./.