#/ Dalam mbang tangi sua mesup ni ( 17/11) Thủ tướng rajaei hu javap jalei tangi sua di dom urang QH. Tapa nan, rilo urang Quốc hội caong lac: mbang javap jalei tangi sua di Thủ tướng meda brei mboh bruk khang hatai padang ngak rajaei siam mekre, patagok song kayua bhap bini. Ong Đinh Công Sỹ, urang QH tinh Sơn La ndom lac

Pagam tal bruk pato megru  bhum ceik, rajaei njauk sangka jang tal danak dak pakhang pasiam sang bac, tal bac. Kayua urak ni lac dom tỉnh bhum ceik dalam nan hu Sơn La daong hu biak ralo. Min urak ni, bruk sangka saong daong brei di rajaei oh ka pabak hu. 

#/ Cử tri Nguyễn Đình Tú,  daok di huyện Cái Bè, tỉnh Tiền Giang ndom lac: “Dahlak hu thau yaok thun hu yaok rituh ribau sinh viên bac tamat. Dalam nan dom sinh viên duah hu bruk ngak daok takik. Ralo sinh viên hadei di tuk bac tamat oh duah hu bruk ngak, nan ye kan kandah tal kinh tế di dom baoh sang. QH brei pasang iek veik bruk peih dom sang bac, đại học cao đẳng. meyah sang bac halei  pato dom ngành bo oh lagaih saong bruk patagok kinh tế XH ye tui dahlak brei patakik veik”.

Patui di ni dom khau tin karei karei :

# UB bhap bini tỉnh Lào Cai bahrau peih bruk pok meyaom labaih 400 gru pato naih gheih lambaok ka labaih 18 ribau urang jakar, gru pato di jiak 700 cơ sở pato pakai dalam tỉn. Dalam tuk pok meyaom, hu 2 kapul hu jao thưởng Huân chương lao động di akaok negar, 6 kapul nyaom song 5 gru pato hu thủ tướng rajaei brei harak pok meyaom, yaok rituh kapul song gru pato naih gheih hu UB bhap bini tinh Lào Cai brei harak meyaom.

#/ Tal urak ini, tỉnh Quảng Trị hu labaih 80 sruh jit ngan saong 400 urang njauk ruak pandiak tabiak drah, ralo jang jaik 3 mbang duk saong thun dahlau. Dom puk palei hu urang njauk ruak pandiak tabiak drah ralo lac huyện Vĩnh Linh, Triệu Phong. Piah pacang cakak, patakik jit ruak njom mbak, gah y tế tỉnh Quảng Trị hu patagok bruk tui iek, pruh jru xử lý môi trường di dom labik pandiak ka pandiak tabiak drah; taphia di nan jhul pakhang pathau khan, paglaong akaok saneng di bhap bini dalam bruk pacang cakak jit ruak.

#/ Bruk pato pakai ka urang ngak palei pala hu tỉnh Lai Châu sangka peih ngak, piah dong ka mik va hu bruk ngak song duah hu jien tani tanat. Meng akaok thun tal ni, dalam tỉnh pato pakai labaih 5000 urang ngak, samu 90% bruk ba tabiak. Dalam nan hu labaih 2000 urang hu bac bloh song 80% hu bruk ngak bahrau. Hu yau nan nyu dong patagok  urang ngak tapa pato pakai bruk ngak di tỉnh hu jiak 30%

#/ Pasak pato bruk ngak thường xuyên huyện Châu Thành, Sóc Trăng pambuak bruk saong mban Quảng Trị baha Kompongtróp (Bưng Tróp), xã An Hiệp peih tal pato alat ragam ngũ âm ka mikva saong ong bhik Khmer dalam huyện. Dalam 3 bilan, dom học viên hu dom nghệ nhân pato dom ilamu cơ bản, jeng yau jalan ngak di yaok alat ragam, yau: ginang, kuông thum, rua nét thung. Khóa bac nan lac piah khik kajap, patagok yaom glaong ilamu meng kan, daong ka rai rah ranaih tiếp cận, bac megru piah khik kajap janih âhm nạc hadah krah ini. 

#/ Urak ni, di bhum taneran krong CL hu pala labaih 12.000 ha phun thanh long, rilo meng lac  di tỉnh Long An, Tiền Giang, Trà Vinh, Bến Tre. Urak ni, hu 850 ha phun thanh long njauk ruak đốm nâu. Piah dong ka po bein khik caga phun thanh long, khik chất lượng ka boh thanh long, dom gah chuyên môn hu salih bahrau, tacei pato ilamu kỹ thuật piah urang nong pacang caga. 

Patui di ini dom khau tin dunya:

#/ Thái Lan brei thau hu 33 urang njom Zika barau dalam tuk urang jakar patagok bruk tui iek dom nhom  mbuan njom mbak vi rút ini. TL lac taneh ia akaok meti di Đông Nam Á hu uranaih kamar njauk dị tật kayua vi rút Zika meng bilan 9 meng bloh saong jeng lac taneh ia hu dom urang njom Zika glaong abih dalam khu vực.

#/ Dom kapan mesruh di Ôxtrâylia, Canađa  song Mỹ dok pamong tal ban sit Cai-cu-ra di  Niu Di-lân piah dong panduan ba dom tuai du lịch dok gar veik hadei di tuk rah tabiak mbang megei boh taneh jiak C-rai-chớt meng bloh, gam tui yaok ribau dư chấn, ngak ka 2 urang metai.

#/ Dom taneh ia saong bhum lãnh thổ hu ba tabiak bruk lac takik blei menuk ada di Đức hadei di tuk jit cúm menuk ada tamuh tabiak di taneh ia ini. Đức jeng brei thau,  dom drei ada saong menuk prang raong dalam trang trại njom ruak kum hu ba nao am cuh klak./.