1 # Page ini mbang nyaom Raja-ei bilan 7 daok rah tabiak ala bruk tacei ba di Thủ tướng Nguyễn Xuân Phúc. Anak bruk hajan ribuk daok rah tabiak, Thủ tướng pandar Mentri ngak nong saong patagok palei pala ba tabiak jalan ngak ka bruk khik iek dom binek kavei, ar pacang, rút kinh nghiệm meng bruk talah binek thủy điện di Lào. Ndom ka bruk Raja-ei kham merat ngak hu bruk lạm phát thun ini oh tapa 4%, Thủ tướng pandar ba tabiak jalan ngak piah patui  ngak bruk grap tanat kinh tế vĩ mô.

Daok ndom ka bruk duh hatai di menuac sia ka bruk bleik saleik, tiêu cực dalam mbang pakacah trung học phổ thông negar meng blaoh, Thủ tướng pandar Mentri Pato megru ba tabiak jalan ngak anak meta saong jalan ngak ka harei hadei; tacei pato dom bộ, ngành xử lý catang dom bruj ngak suan di dom tỉnh, bal. raja-ei meda pasang iek catang bruk pakacah trung học phổ thông negar saong đại học saong brei thau cambaih laih ka dom kadha daok ba tabiak piah ka bhap bani bui hatai.

2# Thủ tướng rajaei barau tacei pato mintri jien padai brei oh mek jien 50.790 tấn brah meng kadung caik piah negar ka tỉnh Thanh Hóa piah peih ngak Đề án daong brah ka bhapbini bangsa takik, sang kathaot halan hatian taduan mek pala, pasang iek, khik caga glai di tukvak oh ka caga hu padai brah tukvak 2018 – 2024 dalam 4 huyện: Quan Sơn, Quan Hóa, Lang Chánh, Như Xuân. UB bhapbini tỉnh Thanh Hóa pandar dom kadung brah hu brei angaok nan daong drah samal, njauk menuac urang, oh kateik gauk saong dom sarak daong padai brah karei dalam puk palei.

3 # Hadei di rilo thun oh hu điện, urak ni jiak  800 boh sang di  3 palei  6,7,8 di xã biak kan kandah  Đăk Rmăng, huyện Đăk Glong, tỉnh Đăk Nông bui sambai tuk hu điện negar hu padang ngak song ba tame pandar  .  Palei kan kathaot  harei ni hu điện truac hadah, cong khin hu  điện salih ka gom menyak di mik va urak ni hu jeng biak, peih tabiak rilo salih bahrau siam mekre dalam rai duik  song bruk ngak mbang pala drak. Saai  giàng A Phừ, thôn 5, xã Đăk Rmăng bui sambai lac

 “ Dahlau deih oh hu điện pandar gom menyek, hadei di nan pandar meng năng lượng ia harei, minpiah truac hadah min, oh pandar hu ka bruk ngak mbang, ngak huak. Dok urak ni hu  điện ye hu pandar truac abih, ngak mbang huak, pandar yaok harei, iek tivi, thau bruk lingik tasik, bruk dalam taneh ia song lingiu dunya  ” .

4# Urak ini bruk glut jaleih haluk di dom puk plaei di tỉnh Hòa Bình hu dut iek abih. Di libik phường Đồng Tiến, ban sit Hòa Bình dom sang bhapbini daok tapeng kraong Đà ndih dalam khut hu daong ba nao daok libik karei saong ba drap ar nao. Daok di libik palei Máy Dấy, xã Dân Hạ, huyện Kỳ Sơn, libik rah tabiak glut jaleih, glut baok 100m jalan roya 445, dom phương tiện giao thông jeng meda ba tui, 4 sang bhapbini hu ba nao plaih. Ông Nguyễn Văn Quang, akaok uy mban bhapbini tỉnh Hòa Bình brei thau:

Hu ba nao 4 sang tal libik siam saong daok pasang iek haong ba klau sang nao tal libik siam gam gam ba kappul menuac urang nao trực, ba kapul khik caga urang tame tabiak libik ini. Tal urak ini tính mạng khik caga, drap ar hu ba tabiak truh libik. Ủy ban tỉnh hu tacei pato uy mban bhapbini ban sit Hòa Bình, UB huyện Kỳ Sơn peih ngak tani tanat raidiuk ka dom sang bhapbini nao plaih.

5 # Gah chức năng ban  Biên Hòa, tỉnh Đồng Nai bahrau chap hu sa quán mbang khik piah pablei salih athur glai  quý hiếm, dalam nan hu sa  drei tê tê Java di nyaom 1B oh brei cap mek piah pablei salih. Jala pandiak 31/7, Công an ban  Biên Hòa pambuak bruk song  Hạt Kiểm lâm Biên Hòa pasang iek  quán ăn boh sang Trúc Tiên dok di jalan  Cách Mạng Tháng Tám, ban . Biên Hòa. Tapa pasang iek di labik gieng ngak pandap mbang, gah  chức năng mboh hu 14 drei athur glai  quý hiếm yau cheo cheo, cầy vòi hương, dúi mốc nhỏ… Abih di nyu nan lac, hu sa drei tê tê Java cái di nyaom  1B trak labaih  5kg dok metain, tê tê ni ndik tapui  sa  tê tê anek di tuk pasang iek. Langiu di nan sa  ala  quý hiếm dok hu ngak jeng pandap mbang.

Khaw tin dunya

6#Dalam nyaom biai akaok mintri ngoại giao ASEAN mbang yaka 51 (AMM 51) saong dom nyaom biai pambuak tal daok rah tabiak di Singapore, harei ini 1/8),  dom urang jakar pakat glaong di ASEAN saong 3 taneh ia đối tác lac Trung Quốc, Hàn Quốc saong Nhật Bản (ieu katut lac ASEAN + 3) meda gaok gauk piah ginum biai dom dandakak nghị sự ba tagok nyaom biai akaok mintri ASEAN + 3di dom harei tal. Dalam nan hu bruk ngak ka tukvak 2018-2022 saong dom văn kiện hợp tác, dom khan brei thau di chủ tịch di nyaom biai.

7 # Hàn Quốc, Singapore song  Malaysia daok Lac  3 darak pasa hu  Việt Nam blei xăng menyek rilo di abih dalam 6 bilan akaok thun  2018. Dalam  quý 2/2018 mboh lac  , Hàn Quốc meblah tal  50,94%  xăng menyek blei tame di VN. Bruk blei xăng, menyek RILO meng  Hàn Quốc lac jalan nao njauk di dom doanh nghiệp Việt Nam tuk yaom kak je  nhập khẩu xăng meng negar ni lac  0% (dalam tuk blei meng dom negar  Asean lac  20%). Singapore song  Malaysia jeng lac 2 darak pasa hu Việt Nam blei xăng menyek dalam rilo thun tapa, meblah  17,62% song  17,33% ngan saong yaom jien blei atih tih lac labaih 822.917 ribau  USD.

8 #Menuac sia Trung Quốc daok ndom biai saong gauk anak bruk ông Tống Lập Chí, akaok viện miễn dịch di pasak pacang jit tỉnh Sơn Đông, pametai rup eng meng bruk klauk jru Insulin liều glaong. Ông Tống Lập Chí lac sa dalam 5 urang dalam hội đồng kiểm định hu phê chuẩn brei blei tame 252.600 liều vaccine DPT (bạch hầu, ho gà, uốn ván) takik chất lượng di công ty sản xuất vaccine Trường Sinh hu jabat ngak bruk di tỉnh Cát Lâm, Trung Quốc. Panuac ndom lac ông Tống Lập Chí pametai rup eng kayua huac di trách nhiệm lac hu cơ sở tuk karja tỉnh Sơn Đông daok brei peih bruk dut iek abih quy trình brei phép blei tame lô vaccine takik chất lượng angaok bruk pandar di Quốc vụ viện Trung Quốc. Tui khan brei thau meng gah pasak pacang caga jit Sơn Đông, urak ini ông Tống Lập Chí daok hu cấp cứu di sang iek ruak saong oh ka thau cambaih nan lac bruk pametai rup eng hey oh.