#/ Patui danak dak mbang nyaom ka 2, harei ni (21/11) QH ginum biai di hội trường ka dom kadha daok hu panuac karei di gauk dalam dự án Luật quy hoạch. Dahlau nan, harei 6/11, QH ginum biai di tổ ka dự án Luật quy hoạch, rilo urang ndom lac brei hu quy hoạch  praong pakat negar piah khik bruk yau gauk song samu gauk di bruk quy hoạch dalam negar, pasiam veik bruk khik ramik cục bộ, kurang pambuak gauk di dom quy hoạch, jang yau patagok. Quy hoạch brei hu rilo jalan ngak lagaih song bhum palei piah pasiam bruk quy hoạch, meyah khang ye tuan, bo oh tuan ye ngak trayah quy hoạch

#/ Hadei di tuk Thủ tướng rajaei njauk hatai peih brei oh mek veik labaih 1.000 tấn brah daong pacang eik lipa chip ka bhap bini bhum njauk pandiak bhang,  gaok kan kandah kayua hajan ia sua meng bloh, UB bhap bini tỉnh Bình Định samar peih brei brah daong ka bhap bini. Ong Nguyễn Tuấn Thanh, phaok akaok UB bhap bini tỉnh Bình Định brei thau: “Kol dahlak hu tacei pato brei peih ngak samar abih, daong chip ka bhap bini di tỉnh Bình Định abih di nyu nan lac di dom bhum njauk khat lahik kayua dom mbang hajan ia sua meng bloh. Tal urak ini kol dahlak hu peih ngak saong tui nan UB bhap bini dom huyện, ban sit ban praong hu bruk ba brah nan tal tangin bhap bini piah daong pacang eik lipa anak meta”. 

#/ Akaok UB bhap bini tỉnh Quảng trị bahrau mbaoh tangin tame harak QĐ 2935 ka bruk tạm cấp phun jien ka dom puk palei dong rong pala kaya ikan njauk khat lihik kayua bruk nerak tasik. Tui nan, meng phun jien TƯ dong hu jalan ngak, UB bhap bini tỉnh Quảng Trị buh 909 triệu đồng brei ka 2 huyện Vĩnh Linh 414 triệu đồng song  huyện Hải Lăng 495 triệu đồng, piah peih bruk rong pala kaya ikan. Hu thau hadei di bruk nerak tasik, di QT hu jiak 830 ha rong pala kaya ikan khat lihik, jiak 1600 urang ngak lihik bruk ngak 

#/ Di ban sit Buôn Ma Thuột, tỉnh Đắc Lắc, báo Tiền Phong barau peih bruk brei jien bac “Jul patei meda” ka jaik 100 adei anek saih gaok biak kan kandah, kham merat bac daa di 2 tỉnh Đắc Lắc saong Đắc Nông. Thun ini hu 97 paok jien bac hu alin ka dom adei anek saih di 14 huyện, ban sit di 2 tỉnh Đắc Lắc saong Đắc Nông, dalam nan hu 95 paok jien bac yaom 2 triệu đồng sa paok saong 2 paok jien bac yaom 5 triệu đồng sa paok. Langiu jien bac, dom adei daok hu taduan harak chứng nhận saong bộ tapuk pachreih bac hu 5 baoh.

#/ Dok labaih 2 bilan tra bingu cúc tết meng tame tuk thu hoạch, min yaok pluh boh sang pala bingu cúc mâm xôi song cúc Hà Lan di xã Long Thới, huyện Chợ Lách, tỉnh Bến Tre jiak lihik abih kayua phun oh tamuh, khuah caduk, bruk gha. Tal tuk vak ni, xã Long Thới hu labaih 17.200 yot bingu cúc njauk khat lihik. Meyah tui kuhria tabiak jien tuk salah bloh sản phẩm tong abih tih khat labaih 1 tỷ 72 triệu đồng.

#/ Sở ngak nông saong patagok palei pala tỉnh Tiền Giang daok peih ngak đề án salih mùa vụ saong janih phun pala dom huyện gah timir tal thun 2025”. Đề án hu daong urang nông bhum ia taba, bhum tapen tasik di tỉnh pasiam taneh, patrun khat lahik kayua pandiak bhang mbak saong lagaih hong biến đổi khí hậu.

#/ Ban raya HCM jhu 11 urang njom vi rút Zika bahrau, tagok urang ruak di ban raya jeng 57 mbang. Ni lac panuac khan meng Pasak Y tế dự phòng ban raya HCM brei thau dalam harei 20/11. Dalam 11urang bahrau njom ruak nan, hu 2 ruak di 2quận, huyện bahrau lac Gò Vấp song Phú Nhuận.Yau nan tal tuk vak ni hu 15/24 quận , huyện  di ban raya HCM hu ruak kayua vi rút Zika

Patui di ini dom khau tin dunya:

#/ Campuchia barau hu sa urang njom Zika akaok meti di tỉnh Cam pong Chàm. Urang ruak lac sa urang likei umo 44 thun daok di huyện Cam Pong Xiêm, tỉnh Campong Chàm. Di harei 14/11 meng bloh, urang ruak hu tame sang iek ruak puk palei tuk mboh dalam rup pandiak saong patuk. Dalam tukvak iek ruak, sang iek ruak hu duk iek drah saong mboh lac,  urang ruak lac dương tính saong vi rút Zika.

#/ Hãng thông tấn Đức DPA brei thau, 8800 drei da ngan di 2 nông trại di bang Sơ-lét-uynh Hô-xtên, gah barak negar Đức njauk am klak kayua jit cúm menuk daa. Urak ni oh ka thau cambaih kayua menek daa di labik ni njom cúm H5 N8 hu duah mboh di chim glai di 10 bang di Đức meng harei 8/11 halei oh. Adit dahlau, 30 ribau drei menuk ba nao am cuh di Sơ-lét-uynh Hô-xtên, hadei di tuk jit cúm H5N8 duah mboh di labik ni.

#/ A-rập Xê-út brei thau, dom urang njom hội chứng hô hấp cấp bhum trung đông (MERS) meda tagok samar dalam dom bilan li-ar jaik tal./.