#/ Beir harei 15/2, di Jabat rajaei, Thủ tướng Nguyễn Xuân Phúc taduan raok amuk Tôn Á Phương, Akaok kapul Tập đoàn Huawei, Trung Quốc. Di var taom gaok  Thủ tướng Nguyễn Xuân Phúc tong yaom glaong song tadhau yhut dom bruk ngak hu di Tập đoàn Huawei di angaok dunya jang yau di bhum Châu Á song di  Việt Nam.Thủ tướng brei thau, urak ni kim ngạch pablei salih di 2 negar hu yam tapa 100 tỷ USD, ni lac jalan siam lagaih piah peih praong rilo jang dom bruk pambuak gauk di DN 2 negar.

#/ Meng thun 2013 tal thun 2016, tỉnh Hậu Giang taduan hu labaih 250 tỷ đồng di dom kapul nyaom, đơn vị, urang ngak pahala dalam saong langiu tỉnh rik pataom, daong ka bruk xã hội hóa pato megru. Meng bruk daong ini, tỉnh patagok bruk pato megru di puk palei, daong ka gru pato, anek saih gaok kan kandah piah pachreih ba, daong pren ka dom gru pato, anek saih sanang hatai pato pakai, bac daa.  

#/ Hadei di dom mbang khat lihik trak di bilan 6 thun bloh, urang rong hadang hùm di xã Xuân Phương, ban sit Sông Cầu, tỉnh Phú Yên hu pasiam veik lồng bè rong. Min, meng Tết anek sak menuk tal ni, ruak sữa di angaok hadang hùm hu mboh veik, ngka ka urang rong hadang biak duh hatai.

#/ Kruoc bung klik hajao Bến Tre barau hu đơn đặt hàng barau meng 2 drak pasar Prang saong Nhật Bản. Yau nan kruoc bung klik hajao Bến Tre daok hu kein lagaih kayua hu peih praong drak pasar nao dom taneh ia dunya yau: Đức, Hà Lan, Canada, Hà Lan, Nga saong Trung Quốc.

#/ Dom harei tapa, ia di dom krong ribong dalam tỉnh Tiền Giang tagok glong. Di dom labik tapen krong Tiề, ribaong Chợ Gạo, krong Ba Rài ia dauh di dom labik. Lingiu di bruk samar padang ngak dom ar pacang, khik ramik mblang taneh pala njam patam, bein phun mbang boh, dom sang bein dalam tỉnh dok kuhria peih ar, khik ia piah pruh ka bein phun kayau, khik caga pandiak mbak dalam bilan thu.

#/ Kayua thau kuhria salih bruk sản xuất meng pala bimao langiu sang tapa pala dalam sang, urang pala bimao di huyện Lai Vung, tỉnh Đồng Tháp hu laba glaong. Min, bruk duh hatai abih urak ini di mikva lac langiu bruk pambak pagam tame yaom kaom darak pasar, urang pala bimao jeng daok having akaok duah pajaih siam piah sanang hatai pala.   

#/ Sở Y tế ban raya HCM brei thau, hu 1 uranaih metai medhi njauk ruak viêm màng não kayua vi rút não mô cầu. Uranai ruak  bahrau ndih tapui hu 30 bilan dok di quận 8 hu amaik ame ba tame sang iek ruak  Nhi đồng 1 di harei 10/2 song dom triệu chứng pandiak glong, pandik akaok, tagok boh ia. Tapa dut iek, dom BS mboh lac uranaih njom vi rút não mô cầu. Hadei di 6 tuk kham merat iek ruak min kayua ruak trak, uranaih nan metai nao.

Patui di ini dom khau tin dunya:

#/ Harei kabroi, labaih 1 ribau bhap bini di Crít-chớt – ban praong ka 3 di Niu Di-lân njauk panduan nao kayua khuah glai. Urak ini dom urang daong padam khuah daok kham merat padam pui khuah glai. Urang caong, dalam dom harei anak, hu salih jalan ngin saong nhiệt độ trun piah ngak brei pui khuah pambak suai.

#/ Tổng thống Iran Hát-san Ru-ha- ni ( Hassan Rouhani melam 15/2 hu nao tal Cô-ét  piah jhul pakhang talei rohim 2 negar saong talei pambuak bruk haong vùng Vịnh. Dom urang ilamu mboh lac, mbang nao rivang lac jalan peih tabiak ka sa mbang ginum biai vùng Vịnh - Iran. 

#/ TQ harei kabroi brei thau lac, taneh ia ini hu 79 urang metai kayua cúm menuk ada H7N9 dalam bilan 1. Bruk ini ngak duh hatai ka bilan cúm menuk ada mbang ini meda jhak jang abih meng dahlau tal ini di taneh ia ini./.