#/ Harei kabroi 16/2, di dom quận, huyện dok di ban raya HCM peih bruk jao, taduan lin thun 201. Thun ni, quận 9 hu palih ruah ngak quận jao lin điểm di ban raya HCM. Ong Đinh La Thăng - Uỷ viên mintri  Chính trị, Bí thư Thành ủy ban raya mai hu mbaok song chreih hatai dom urang lin bahrau dahlau di tuk tagok jalan mai bac daa, pasram megru di dom đơn vị .

#/ Meng bilan 2/2017, sở pato megru Khánh Hòa peih ngak iek đề án ba gru pato negar langiu tame pato sap Anh di dom sang bac tiểu học piah ngak pachreih dalam bruk  pasram pang, ndom, puac, vak sap Anh ka anek saih, rik daong paglaong chất lượng pato saong bac sap Anh tui đề án Ngoại ngữ negar tal thun 2020.

Tui panuac khan di sang iek ruak TƯ ( mintri y tế ) tuk vak jiak di ni, yaok harei sang iek ruak taduan iek ruak labaih . 150-200 urang mai iek ruak meta bhong. Ni lac sa ruak oh tagok dut song tuk vak ni di dom thun dahlau, urang ruak rilo meng lac di HN song dom tỉnh dok jiak tapen. Pian pacang caga ruak meta bhong,  Cục Y tế dự phòng (mintri  Y tế) hu panuac kakei, urang bhain rao tangin meng sabon, pandar ia saat, jhui ba tangin tagok uak tame meta dhun, cambuai, jhui pandar pandap cá nhân song gauk yau : jru tajaoh meta, khan uah mbaok, camin, khẩu trang.

#/ Urak ini, dom palei ngak saong palei hu bruk ngak di bhap bini Chăm daok di Nam Bộ nan lac dom tỉnh: Ninh Thuận, Bình Thuận saong An Giang lac 9, dalam nan hu 4 palei ngak meng kan hu công nhận ngan saong 2.600 baoh sang hu mbaok tame ngak, ba bruk ngak ka 13.000 urang ngak. Bruk njauk meyai lac dom palei ngak nan ngak bruk cầm chừng, mbuan lahik nao kayua kan pablei hu pandap. Nghệ nhân ranaih Vạn Quan Phú Đoan, Giám đốc Công ty Trách nhiệm hữu hạn lan am Chăm Pa, ban sit Phước Dân, huyện Ninh Phước, tỉnh Ninh Thuận brei thau:

Sap Chăm

#/ Dalam dom harei tapa, ia ndik tagok glong gam tui riyah khang, hangin prong ngak jaleih rilo ar ribong di tapen tasik di 2 tỉnh Bạc Liêu song Sóc Trăng. Trak di abih lac tỉnh Bạc Liêu, riyah tasik Gành Hào, huyện Đông Hải song Nhà Mát,ban sit  Bạc Liêu.Urak ni, karja dok kuhria peih ngak rilo jalan ngak anak meta jang yau suai lavik piah pasiam veik khik caga dom ar pacang jang yau tani tanat rai duik ka urang

6/ Daok di Bến Tre, ia ndik pambuak saong ngin khang mbang dalam taneh jaik 10m, tah labaih 2km ngak ka 25 baoh sang bhap bini daok di xã Bảo Thuận, huyện Ba Tri khut khat sang danaok, taneh pala drak. Dalam nan, hu 2 baoh sang di bhap bini saong 5 ha njam patam njauk khat lahik taong abih. Labik ini urak ini daok peih ngak dự án padang ngak ar pacang ia ndik min dom harei tapa công trình hu padeih ngak kayua riyak tasik.

#/ Hadei di sa tuk vak laik yaom khang, jiak di ni, boh panat di tỉnh Tiền Giang hu tagok gilac veik. Di tuk vak ni, yaom panat janih sa yaom 27.000 đồng/kg; janih 2 ala 20.000 đồng/kg, tagok jang 3 mbang dut song tuk vak ni thun dahlau, ni lac yaom tagok kỷ lục meng dahlau mbaih tal ni. Yaom panat tagok glong kayua darak pasa negar langiu hút hàn, thương lái duah mai tal bein di urang nong piah blei.

Patui di ini dom khau tin dunya:

8/ Rajaei Thái Lan brei jhul pakhang danak dak trang trại praong ngak padai dalam thun 2017. Danak dak ini hu cakak trun phun jien ngak, paglaong kein laba saong salih barau bruk merak gauk di janih brah Thái Lan di darak pasar dunya.

#/ Hadei labaih 10 thun roh duah dom mẫu AND meng yaok rituh urang, dự án bản đồ gen pakat negar (NGGP) brei thau sa bruk biak kinh ngạc lac rilo urang Ai Cập oh lac asar Á rập min tong abih urang bhian sahaneng lac. Roh duah ni ba tabiak dom biểu đồ brei thau cambaih laih cấu trúc gen dunya ka dom negar, ngak brei cambaih laih  asar di dom bangsa.

10/ Dom urang khoa học barau brei thau,  patakik ô nhiễm không khí meda daong pacang cakak 2,7 triệu urang ndih tapui oh ka tal bilan dalam sa thun. Ini hu iek lac sa dalam dom makna ngak brei uranaih mbuan metai, ngak patagok bruk mbuan njauk dom janih ruak gah rup pabhap saong akaok sahneng./.