#/ Bruk tangi sua javap jalei di mbang nyaom ka 2, Quốc hội mbang 14 rah tabiak dalam dom harei tapa pachreih hu bruk sangka di cử tri dalam negar. Rilo urang brei mboh hatai jia tame dom kham merat, khang hatai di thủ tướng jang yau dom urang dang akaok dom gah dalam bruk langyah dom tavak tavaiy, yếu kém dalam khik ramik, tacei ba jalan kinh tế xã hội. Dom urang jeng cong khin, hadei di mbang nyaom, dom urang dalam rajaei brei peih ngak siam dom panuac sinya hu ba tabiak.

#/ mesup harei 17/11, di ban ine La-ha-ba-na, Cu-ba, akaok negar Trần Đại Quang hu mbaok di diễn đàn doanh nghiệp VN – Cuba kayua Jabat pablei salih saong công nghiệp VN pambuak saong Đại sứ quán VN di Cuba saong Jabat pablei salih Cuba peih tabiak. Brei panuac anak dom doanh nghiệp dua taneh ia, akaok negar Trần Đại Quang brei thau hatai bui sambai mboh talei pambuak bruk jum pataom saong pambuak taong abih gah VN – Cuba tukvak tapa hu pakhang saong patagok.  Praong di abih lac talei pambuak bruk chính trị dak harei dak hu pakhang saong patagok, ba mai kein laba.

#/ Harei patom ilamu “ Sambo màu bhum glong di HN thun 2016” hu rah tabiak meng harei 21 tal 23/11 di pasak parang iek ilamu nghệ thuật VN labik ka 2 Hoa Lư, Hà Nội. Harei pataom ilamu piah pahadar harei inem krung ilamu VN ( 23/11) yaik khan pok meyaom dom inem krung di bhap bini dom bangsa bhum ceik glong gah barak. . Ong Vương Duy Biên, Thứ trưởng Mintri ilamu -Thể thao song  Du lịch brei thau:

Thun ni , khol hulin hu yaik khan ilamu bhap bini dom bangsa gah barak, meng dom pandap parang iek, khol hulin yaik khan dom lễ hội biak siam gheih. 

#/ Tapa danak dak “raong pabui haluk”, UBMT negar xã Quảng Hiệp, huyện Cư Mgar, tỉnh Đắc Lắc ieu pataom hu kadung jien “ka urang kan kathaot”yaom yaok rituh triệu đồng. Kadung jien ini hu daong padang ngak sang jum pataom ka ralo baoh sang kan kandah, daong ka urang tani tanat rai diuk.

#/ Urak ni, tỉnh Sóc Trăng, hu labaih 8.300 ha taneh phun hu pasiu, hu rilo di dom huyện yau Mỹ Tú, Châu Thành, Kế Sách, Long Phú. Mblang taneh ni urak ni jiak 60 ha njauk halak mbang boh, labaih 365ha ruak katam hala rak hajao. Ruak rilo meng di phun cam sành, cam xoàn.  Aumk Phạm Thúy Kiều, di palei Tân Thành, xã Long Hưng, huyện Mỹ Tú brei thau, thun ni kayua jit ruak ngak ka sản lượng boh kayau tru, dalam tuk nan po bein njauk buh tabiak rilo phun jien, khak drak, jru piah pacang caga yau nan ye pala oh hi liba

#/ Tỉnh Hậu Giang barau peih bruk pataom mbaok pahadar 34 thun harei gru VN(20/11/1982-20/11/2016) saong pok meyaom anai gru, cei gru, anek saih hadei krah thun bac 2015 – 2016. Tapa nan, sở pato megru tỉnh Hậu Giang hu peih bruk taom gaok ndom meyai nao mai saong anai gru cei gru, anek saih hadah krah, taphia di nan pok meyaom 57 anai gru, cei gru saong 53 anek saih naih gheih abih dalam dom mbang pataom pakacah, dom bruk pakcah kayua gah pato megru peih tabiak.          

#/ Huyện ủy, Uỷ ban bhap bini huyện Mỏ Cày Bắc song Ban Giám hiệu sang bac  Trung học phổ thông Lê Anh Xuân, xã Tân Thành Bình, huyện Mỏ Cày Bắc, tỉnh Bến Tre bahrau peih pakak rup patau nhà thơ, nhà giáo, tapon nyaom bol pan phao krong Lê Anh Xuân. Nhà thơ Lê Anh Xuân hu mbaok dalam mbang mesruh metak meng umo 12 thun, di um ni ong hu thơ đăng báo. Thơ Lê Anh Xuân biak gheih, mbuan pang, mbuan thau, bak hatai anit ranam taneh ia palei negar.

  Patui di ini dom khau tin dunya:

#/ Urang vak di rayo sap ndom VN daok di TL brei thau, mintri lao động TL daok padang dom quy chế piah patrun bruk uranaih di urang lao động nhập cư sung hukum di taneh ia ini di thun 2018 saong pamaong tal oh daok di thun 2020.

#/ Dom kapul cứu hộ khẩn cấp di Niu Di-lân kham merat peih veik dom jalan pagam tal dom labik oh nao mai hu hadei di mbang megei boh taneh khang 7,8 độ rich-te harei 14/11 meng bloh, gam song bruk paduan ba urang song tuai du lịch tabiak truh ban sit Cai-cô-ra, di bhum  đông bắc Đảo Nam –labik gaok kan kandah trak di abih.

#/ Tổng thống Vê-nê-xuê-la Ni-cô-lát Ma-đu-rô brei thau, kapul dom taneh ia ngak menyek OPEC daok caga mek hu sa thỏa thuận khang kajap ka bruk cakak trun sản lượng piah tani tanat yaom menyek ./.