#/ Meng akaok thun tal n, dalam dom sang iek ruak di HN hu rilo urang ruak thủy đậu, meng urang prong tal uranaih bahrau ndik tapui, dom urang ruak biến chứng trak kayua tagok boh ia. Bruk ni ngak ka urang dut hatai ka jit ruak thủy đậu meda tamuh tabiak dalam bilan đông xuân thun ni.

#/ Mô hình mblang hamu công nghệ sinh thái padai – hadang hu peih ngak iek mbang akaok meti di palei Long Hậu, ban sit Phước Long, tỉnh Bạc Liêu, mô hình ini ngak salih barau tập quán di urang nông dalam bruk khik iek halak halin meng jru hóa học tapa sinh học; khik ramik thiên địch, ngak brei siam hamu, rik daong khik caga môi trường, khik caga pren yava bhap bini.

#/ Tỉnh đoàn Sóc Trăng pambuak bruk song jabat tacei ba padang ngak palei pala bahrau, bahrau peih pakak saong ba tame pandar danak dak dam dara “pahadah jalan palei” di palei Nhơn Hòa, xã Gia Hòa 2, huyện Mỹ Xuyên. Danak dak hu padang ngak 83 geing bê tông piah dui talei điện, caik gom di angaok jalan  atah jiak 2.600m song yaom jien abih tih jiak 170 triệu đồng, kayua urang đoàn, urang ngak dhar Điện lực Mỹ Xuyên padang ngak. Danak dak hu ba tame pandar meda dong ka labaih 100 sang gam saong 500 urang di jalan ini hu mbuan lagaih nao mai siam merke tuk melam, dong patrun tệ nạn xã hội  dalam palei nan.

#/ thun 2017, tỉnh Trà Vinh kham merat mek hu abih tih sản lượng kaya ikan lac jaik 170.000 tấn; dalam nan, sản lượng raong pala labaih 100.000 tấn, sản lượng taong cap labaih 68.400 tấn. Tui nan, gah ngak nông tỉnh kakei urang raong patagok kaya ikan tui jalan parilo janih, patagok dom jalan raong khang kajap, jhul pakhang bruk raong kaya ikan pataom tui jalan thâm canh, an toàn jit ruak, khang kajap saong môi trường; pambuak taong cap kaya ikan saong khik caga kaya ikan.

#/ Urak ni, dalam xã Phước Long, huyện Giồng Trôm, tỉnh Bến Tre hu labaih 600 boh sang hu mbaok tame bruk pak yot meng hala liu, tapa nan hu rilo boh sang patruh kathaot meng bruk ngak ni. Tui tong yaom, bruk pak yot meng hala liu ini biak siam ka môi trường, gam ba jien tame ka urang nong, gam daong patagok du lịch ka huyện Giồng Trôm kayua dom tuai negar langiu biak takre mong iek tapak urang nong VN ngak pandap thủ công mỹ nghệ meng pandap hu dalam palei.

#/ Dom gah chức năng, dom po glai tỉnh Đắc Nông kham merat peih dom jalan ngak pacang cakak khuah glai dalam bilan pandiak 2016 – 2017, khik kajap an toàn ka jaik 250 ribau ha glai saong 2 labik khik ramik thiên nhiên lac Tà Đùng, huyện Đắc G’Long saong Nam Nung, huyện Đắc Song. Ong Lê Trọng Yên, Giám đốc Sở ngak nông-patagok palei pala tỉnh Đăc Nông, brei thau: “Dom jalan pacang cakak khuah glai dalam bilan pandiak hu UB bhap bini tỉnh mbaoh tangin tame saong gah ngak nông hu tacei pato chi cục kiểm lâm saong dom po glai pataom tame dom jalan pacang cakak khuah glai ba tabiak dom jalan ngak biak cambaih laih. Tal urak ini dalam tỉnh oh ka hu khuah glai. Dom po glai patagok bruk khik iek glai hu siam mekre”.

#/ Hội Liên hiệp urang kamei ban sit  Dương Minh Châu, tỉnh Tây Ninh hu dong sa drei limo ka boh sang saai Lâm Thị Tiếng, daok di tổ 3, khu phố 4, ban sit Dương Minh Châu. Hadei di tuk taduan limo mai rong, dalam tuk vak 24 bilan, urang rong limo  bayar phun jien veik ka Hội Liên hiệp urang kamei ban sit Dương Minh Châu bo oh bayar jien liba. Ni lac bruk ngak di mô hình dong anek pajaih kayua Hội  Liên hiệp urang kamei ban sit Dương Minh Châu peih ngak meng bruk jak ba dom urang kaya meda rik jien tame dong ka urang kan hu jalan ngak mbang kinh tế.

Patui di ini dom khau tin dunya:

#/ Dom akaok mintri QP Tổ chức Hiệp ước Bắc Đại Tây Dương (NATO) hu njauk gauk brei tapa bruk padang sa pasak pacang khủng bố di Italy saong pasak ini hu pataom tame dom bruk đe dọa di dom jalan taphia negar gah meraong di liên minh ini.

#/ 6,6 tỷ đô la Mỹ  lac pok jien bo dom công ty Mexico song negar langiu meda buh tabiak dalam 2 thun tal piah btagok dom nguồn năng lượng tái tạo dalam negar. Akaok mintri Năng lượng Mexico Pedro Joaquin Coldwell brei thau, Mexico  hu jalan padang ngak 52 sang mac điện pandar "năng lượng xanh", tapa nan dong patagok sản lượng điện tái tạo tagok jiak  5.000 MW, tagok 170% dalam  18 thun tapa. 

# / Sa chiến dịch pambuak bruk di cảnh sát taneh ia Brazil saong cảnh sát châu Âu hu ngak tayah sa mạng lưới pablei menuac pakat dunya di Fortaleza, pasak di mbang Ceara. Cảnh sát Brazil brei thau chiến dịch Marguerita ngak tayah sa jalan talei pablei kamei Brazil nao tal Slovenia saong Italy./.