#/ Piah dong ka dom boh sang njauk ngin ribuk harei 14/3 samar tani tanat veik raidiuk, Ub bhap bini huyện Đăk Glei, tỉnh Kon Tum hu ieu pataom dân quân puk palei song dom mban, ngành kapul nyaom dong ka dom boh sang puh ramik  song pasiam veik sang danaoh. Dhar điện lực Đắk Glei samar salih dom geing đện jaleih, pasiam veik jalan điệ. Ngan song dom boh sang par tabung karja huyện dong 2 triệu đồng song boh sang jaleih hu 5 triệu đồng.

#/ Tui brukr kein lagaih di mbaok ia bhum lồng hồ kraong Đà, bhap bini daok di xã Chiềng Bằng, huyện Quỳnh Nhai, tỉnh Sơn La patagok bruk raong ikan lồng, ba mai kein laba glaong.

#/ Kapul khik ramik darak pasa ka 3, Chi cục Khik ramik darka pasa tỉnh An Giang pambuak bruk song bilac rong glang song thú y ban Long Xuyên peih bruk am cuh klak labaih 800kg drah limo oh hu harak kiểm dịch, oh hu harak gar. Tui panuac khan tuk camereip, drak limo nan, hu sa urang oh thau angan, daok di tỉnh Long An pah tài xế  Ngô Hồng Ngọc pajeng  nao huyện Châu Thành, tỉnh An Giang piah blei. Tuk tapa phà An Hòa ye gah chức năng mboh, bloh chap mek.

#/ Dalam thun 2016, Trà Vinh hu 1.255 mô hình “Jak ba gheih” tut angan peih ngak di dom gah hu rik daong langyah kan kandah, pabak hatai caong saong quyền, kein lagaih di bhap bini.

#/ Piah pasiam balik iek ruak BS gia đình di VN tui tanut châu Âu, di ban raya Hồ Chí Minh,  sang bac Đại học Y khoa Phạm Ngọc Thạch hu mbaoh tangin pambuak bruk pato pakai, pasram megru chuyên môn ka dom giảng viên, bác sỹ, điều dưỡng di Bộ môn Y học gia đình song sang bac ĐH Liège, Negar Bỉ. Gam saong nan, dom chuyên gia mai meng Bỉ hu klah rabha ilamu dalam bruk  ngak di balik iek ruak BS gia đình piah mek hu siam lagaih di abih.

#/ Blai y tế Quân dân y Đồn Biên phòng Vĩnh Hải, Bộ đội biên phòng Sóc Trăng pambuak bruk saong kapul ngak pahala xã Lạc Hòa, sang iek ruak Đa khoa Trung ương Cần Thơ, sang bac Đại học Y dược Cần Thơ peih bruk iek ruak, brei jru saoh saong alin pandap ka 300 mbang urang kan kathaot di xã Vĩnh Hải. Ini lac sa dalam dom bruk ngak gam gam di BĐBP Sóc Trăng ngan saong mikva kan kathaot dalam xã.

#/ Urak ni, hu biak rilo janih boh kayau dok trun yaom yau quýt đường, darang, dâu xanh...abih di nyu nan lac patei. Daok kruac bung klik hijao yaom jeng dok di tanut glong meng 40.000 đồng tal 60.000 đồng/kg.Meng nan, rilo urang di huyện Hoà Thành, tỉnh Tây Ninh ba gauk tak klak darang piah pala kruac bung klik hijao. Ong Huỳnh Ngọc Mỹ- Phó Jabat ngak nong huyện Hoà Thành brei thau, ni lac janih phun kan pala, njauk buh jien rilo, ilamu glong, jpruh ia taba song brei hu khak hữu cơ. Kayua yau nan ye, urang nong brei palih ruah janih taneh lagaih piah pala, brei duah thau cambaih darak pasar, oh nduac tui phong trào, klah bruk cung tapa cầu hadei ni

Patui di ini dom khau tin dunya:

#/ Akaok mintri jien padai Ca-na-đa Bin Moc-nô brei thau, Hiệp định pablei salih tự do Bắc Mỹ ( ieu lac NAFTA) meda hu ramik pasiam veik, tui jalan hu kein ka bhap bini dua taneh ia.

#/ Di tỉnh Com Pong Spu-ê urak ni dok rah tabiak nyaom darak pasa pablei salih mbang ka 5, hu mbaok di dom DN mai meng VN, TL song dom tỉnh dalam negar CPC. Pandap di nyaom darak pasa mbang ni, hu rilo janih di dom gah yau kim khí điện máy,  pandap pandar dalam sang, pandap mbang chế biến, hóa mỹ phẩm,  dom pandap kaya nong. Dom pandap parang iek brei mboh bruk patagok di gah KT 3 negar VN, TL, CPC  

#/ Tui ruah duah di dom urang ilamu di Đại học Bách khoa Ren-sơ-la-ê (Renselaer) di Mỹ brei mboh, jalan dut iek drah meda thau hu cambaih hội chứng tự kỷ di uranaih./.