1/Beir harei  25/9, di Hà Nội, Thủ tướng Nguyễn Xuân Phúc hu taduan raok ong Phil Falcone, Akaok Quỹ đầu tư Harbinger Capital Partners, Hoa Kỳ. Thủ tướng Ngkyễn Xuân Phúc ndom lac rajaei Việt Nam tuk halei hu jeng palagaih ka dom urang ngak mbang negar langiu, dalam nan hu urang ngak mbang Hoa Kỳ.  Thủ tướng brei thau Việt Nam meda daok padang bruk ngak mbang pablei salih samu gauk, siam lagaih.

2/ Di var ngak bruk saong tỉnh Đăk Lăk harei kabroi 25/9 ka salih janih ngak nông, phaok akaok QH Phùng Quốc Hiển ndom lac, Đắc Lắc daok nao njauk jalan tuk kham merat patagok pren khang gah ngak nông di tỉnh, abih di nyu nan lac phun công nghiệp lavik harei saong raong athur raong. Dalam tukvak anak tal, tỉnh Đắc Lắc hu ba phun mbang baoh saong phun jru tame nyaom phun pala, paglaong kein laba kinh tế.     

          3/ Pok panuac di nyaom biai “ Sarak iek glang pren yava urang umo prong pagam pambak tame cộng đồng" harei kroi 25/9, Phó Thủ tướng Vũ Đức Đam, akaok Ủy ban pakat negar  urang umo prong brei thau, sarak piah urang umo prong hu pren kajap song duik siam dok lac bruk hu xã hội sangka. Bruk prong jang lac brei tagok siam bruk ngak urang umo prong, ngak ka urang umo prong thun mboh drei hu kein laba.

4/ Mintri công thương daok patui pasang iek quy hoạch thủy điện di dom tỉnh Tây Nguyên tui panuac di Thủ tướng rajaei. UB bhap bini dom tỉnh Tây Nguyên patui padeih brei harak đầu tư dom dự án thủy điện hu pandar taneh glai tự nhiên atau hu tác động jhak tal môi trường  sinh thái dalam bhum Tay Nguyen.  

   5/ Akaok UB bhap bini tỉnh Quảng Ngãi bahrau brei adat ngak danak dak blai dreih, pasiam chức năng song  brei dụng cụ chỉnh hình ka uranaih jaoh jo tuk vak 2017-2019 song yaom jien abih tih labaih 2 tỷ đồng. Danak dak peih ngak di  14 huyện, ban di tỉnh Quảng Ngãi meng ni tal thun 2019.

6/ Sang iek ruak Quân y 120 di Cục Hậu Cần- Quân khu 9 barau brei kapul nao rivang , alin pandap saong iek ruak, brei jru saoh ka dom baoh sang kan kathaot bhum Đồng Tháp Mười di huyện Tân Phước, tỉnh Tiền Giang. Di labik ini, kapul urang jakar, y bác sĩ di sang iek ruak Quân y 120 hu alin 300 paok pandap ngan saong yaok paok pandap 200 ribau đồng ka dom baoh sang kan kathaot.

  7/ Harei kroi  25/9, bilai iek ruak palao Sơn Ca, huyện Trường Sa, tỉnh Khánh Hòa cấp cứu hu siam urang tong ikan njauk  viêm pruac labaih hoại tử. Urang tong ikan metuah hu pasiam nan  lac Nguyễn Quang Hoạt, umo 30 thun palei di xã Long Hải, huyện Phú Quý, tỉnh Bình Thuận, ngka bruk di angaok kapan ikan BT98309 TS. Dahlau di nan, urang tong ikan Nguyễn Quang Hoạt njauk pandik rilo di labik hố chậu hamuac. Meng hadei di nan, urang ruak hu ba tame blac raih. Urak ni pren yava di urang tong ikan Nguyễn Quang Hoạt daok hu siam veik.

 Patui di ini dom khau tin dunya:

8/ Tập đoàn kiểm toán praong abih dunya Đi-loi brei thau, hu pasang iek veik hệ thống hadei sa mbang tấn công mạng. Urang brei panuac di Tập đoàn brei thau, hu biak takik tuai damuai njauk gaok kan kandah kayua mbang tấn công. Dom bruk giao dịch di tuai damuai jeng oh klaih klaoh. Mbang tấn công oh ngak kan kandah bruk duh tui damuai di Tập đoàn. Hadei di bruk nan, Đi-loi hu peih sa chiến dịch an ninh toàn diện dalam tập đoàn.

9/  Dalam sa bruk hu mong lac piah daok veik sa nhiem ky bahrau, harei kroi 25/9, Thủ tướng Nhật Bản Shinzo Abe (Sin-dô A-bê) hu panuac ieu peih sa mbang palih ruah avar. Brei panuac song gah harak mbao, Thủ tướng Abe ndom lac ong meda giải tán Hạ viện dalam harei 28/9 anak tal, peih jalan ka sa bruk  tổng tuyển cử.

10/ Harei kabroi 25/9, gah Y tế dunya (WHO) hu tabiak panuac lac mbuan hu jit aih caraoh tamuh tabiak di dom trại tị nạn tạm thời di labik taphia negar Bangladesh jaik Myanmar – labik daok di jaik 436.000 urang Rohingya nduah truh bhum mesruh Myanmar nyaik bala./.