# Mesup harei 3/10 di sang Quốc hội, Ủy ban Thường vụ Quốc hội peih mbang nyaom ka 4 song rilo asar kadha prong, caga ka mbang nyaom ka 2, QH mbang 14 tui kuhria hu peih tabiak di harei 20/10 anak tal. Di mbang nyaom ni, Ủy ban Thường vụ Quốc hội hu brei panuac ka dự án hukum pasiam veik, pabak dom paka di Bộ luật hình sự thun 2015; ginum biai dự án hukum pacang caga tham  nhũng ( Pasiam veik), brei panuac ka dự án hukum Quy hoạch. Brei panuac ka kế hoạch kiểm toán thun 2017;  pathau khan, pasang iek langyah kiến nghị di cử tri payua mai ka mbang nyaom 11, QH mbang 13

#/ Pachreih tui danak dak “padang ngak, pasiam veik 100 baoh sang daok ka urang kamei gaok kan kandah” kayua Hội Liên hiệp urang kamei ban Đà Nẵng peih tabiak, labaih 8 bilan tapa, tapa dom bruk ngak yau “raong pabui haluk”, patak pataom kayua urang kamei kan kathaot”, dom pakat kapul urang kamei ban Đà Nẵng jak ba hu labaih 2,1 tỷ đồng padang ngak, pasiam veik 121 baoh sang daong ka urang kamei gaok kan kandah; dalam nan ngak barau 33 sang, pasiam veik 88 sang. Yaok baoh sang ngak barau hu daong biar di abih 25 triệu đồng saong sang pasiam veik lac 7 triệu đồng.

#/ Harei 2/10, Sở pato megru Đắc Lắc pambuak bruk song kapul pachreih ba tỉnh peih adit pachreih bac megru luac rai thun 2016. Danak dak hu rah tabiak tal harei 9/10 song dom bruk yau : peih bruk langyah, khai thác song pandar khau tin di angaok mạng Internet, tapuk điện tử, peih bruk pakacah “ Prong tagok song harak tapuk”. Ni lac bruk piah dom pakat dang akaok, dom kapul nyaom XH song urang paglong akaok sahaneng ka jalan ngak, makna di bruk padang XH bac megru, meng nan tagok ilamu puac haroh dalam bhap bini.

#/ Anak bruk jaleih khang ngak kan kandah tal rai diuk di yaok ribau bhap bini daok tapen kraong Trà Bồng, huyện Bình Sơn, tỉnh Quảng Ngãi hu parabha jien padang ngak ar saong pasiam veik  dom labik piah patakik jaleih. Taphia di nan, huyện Bình Sơn jeng hu dom jalan ngak panduan ba bhap bini daok di labik jaleih trak oh pasiam veik hu piah khik kajap drap ar saong pren yava di bhap bini dalam bilan hajan ribuk.

#/ Urak ni mik va tong ikan di tỉnh Tiền Giang hu ngak salah bloh hồ sơ mesraiy piah ngak bahrau 36 gaiy kapan piah tong chap kaya ikan tui sarak 167 di rajaei. Dalam nan hu 5 kapan dịch vụ hậu cần tong chap ikan song 31 kapan tong chap ikan atah boh taneh. Ong Trần Minh Phụng, urang tong ikan di phường 2, ban sit Mỹ Tho, tỉnh Tiền Giang mesraiy hu phun jien ni piah ngak bahrau kapan ikan, khan lac

Urang tong ikan hu pabak pandap bahrau jang, nan ye tong chap ikan hu kein lagaih jang. Hulin dok nao tal dom labik atah, hu rilo hadang ikan jang piah tong chap song duah hu jien rilo jang ka urang tong chap ikan

#/ Hậu Giang lac tỉnh hu ralo bhap bini Khmer daok ngan saong labaih 26 ribau urang pataom ralo di dua huyện Long Mỹ, Vị Thủy saong ban sit Long Mỹ. meng thun 2010 -2015, Đảng, karja hu đầu tư ngan saong abih tih yaom jien jaik 68 tỷ đồng piah daong sang daok, taneh daok, taneh pala drak, mesraiy phun jien, ba bruk ngak ka mikva, rik daong ba rai diuk mbang ngui daok dang di bhap bini Khmer dak harei dak patagok.

# Di sang ilamu dam dara, ban raya HCM, Danak dak harei patom “Chung tay vì sự sống” kayua pasak Điều phối ghép tạng pakat negar di mintri Y tế peih ngak taduan hu rilo bhap bini, tăng ni, phật tử, giáo dân mai hu mbaok. Di danak dak hu labaih 700 urang halan hatain tut angan tame brei mô tạng pabak ka y học song dong menuac hadei di tuk metai, atau metai glaow akaok.

Patui di ini dom khau tin dunya:

# TQ patabiak cảnh báo ô nhiễm không khí di tanut kanyik katam di ban ine Bắc Kinh. Ini lac mbang ka 2 dalam thun ini, TQ patabiak tanut cảnh báo kanyik katam ka ô nhiễm di ban ine Bắc Kinh, brei mboh, tanut ô nhiễm không khí di labik ini dak harei dak tagok.

#/ Dom hãng lữ hành Thái Lan brei thau, bruk negar ni khan lac hu virút Zika ba tal akaok sit di uranaih min oh patrun patakik tuai damuai, abih di nyu nan lac tuai Trung Quốc tal dom labik main du lịch di Thái Lan. Thái Lan khan lac mbang dị tật akaok sit camereip di ĐNÁ kayua pamgam  tal  virút Zika, sa harei hadei di tuk urang jakar Mỹ hu panuac kakei urang kamei dok metain oh nao du lịch tal 11 negar, dalam nan hu Thái Lan kayua jit Zika.

#/ Thụy Sỹ barau njauk hatai rik daong 800 triệu Phrăng Thụy Sỹ tra (samu 825 triệu đôla Mỹ) ka Quỹ Tiền tệ dunya (IMF) piah daong salih barau kinh tế di dom taneh ia kan kathaot. Yaom jien hu payua ka Quỹ tín dụng tăng trưởng saong patrun kan kathaot di IMF, bộ phận cấp tín dụng piah daong tăng trưởng kinh tế di dom taneh ia kan kathaot yau Apganixtan saong Bănglađét./.