1** Patui mbang nyaom ka 5, Quốc hội mbang 14, page ini (4/6), Quốc hội hu mbang tangi sua, javap chalei tangi sua di Bộ trưởng Bộ Giao Thông vận Tải saong Bộ trưởng Bộ Tài nguyên - Môi trường. Quốc hội tangi sua dom bruk lac : jalan pasiam jalan mbak saong khik caga siam mekre bruk nao mai angaok jalan dalam taneh ia, abih di nyu nan lac di dom ban praong, jalan langyah dom bruk daok kandaong veik ngan saong dom dự án giao thông hu ngak tui jalan BOT. Bộ trưởng Bộ Giao thông vận tải javap chalei tangi sua. Phó Thủ tướng Chính phủ Trịnh Đình Dũng, Bộ trưởng dom Bộ: Xây dựng, Kế hoạch - Đầu tư, Tài chính, Công an..v..v gm hu mbaok javap chalei.

          2 **     Sruh Kapan haoh pajeng  akaok negar Trần Đại Quang song haduik di ong song kapul urang pakat glong  cùng Việt Nam hu mai tal mblang kapan  Nội Bài, tamat mbang nao rivang biak siam di Japon tui panuac daa di Patau song  Hoàng hậu Nhật Bản. Ni lac mbang nao rivang biak hu makna prong dalam rilo bruk, song dom jak jeng mek hu dalam mbang nao rivang hu peih tabiak sa tuk vak tagok bahrau song tantu jang di talei pambuak bruk  chiến lược prong dalam  Việt Nam-Nhật Bản.

 3** Kapul ngak bruk di Quốc hội kayua Ủy viên Bộ Chính trị, Phó Chủ tịch thường trực Quốc hội Tòng Thị Phóng dang akapk hu nao ravang, alin pandap ka sang bac Tiểu học xã Quảng Lạc, thành phố Lạng Sơn  Trung tâm Bảo trợ xã hội tỉnh Lạng Sơn. Phó Chủ tịch Thường trực Quốc hội Tòng Thị Phóng hu alin 1 bộ komputer, 4 pok pandap ka anek saih jaoh jo saong 46 pok jien bac, yaok pok yaom 1 triệu đồng brei dom anek saoh kan kathaot bac da-a naih joi.

      4 **     Melam 3/6, di muinyim  Hồ Chí Minh, dhar ban raya HCM song Khu inem krung dak rai  An toàn Khu, huyện Định Hóa, tỉnh Thái Nguyên hu rah tabiak  Cầu truyền hình pahadar  70 thun harei  Chủ tịch Hồ Chí Minh tabiak panuac ieu Pakacah gauk anit ranam taneh ia hu angan  “ribau bingu pok tagok  Wa”. Cầu truyền hình hu angan “Ribau  bingu pok tagok Wa” lac danak dak hu peih ngak prong prang, piah pahadar 70 thun Harei  Chủ tịch Hồ Chí Minh tabiak panuac ieu pakacah gauk anit ranam taneh ia 

5** Tỉnh Phú Yên bahrau brei thau ka bruk raong hadang ginraong meng lồng, bè di ban sit Sông Cầu njauk ruak saong metai rilo meda hu veik yau thun bloh kayua ia nerak. Tapa dut iek 12 mẫu ia mboh hu hàm lượng amoniac tapa tanut brei adat meng 3,2 tal 5 dut saong mbang dut iek dahlau nan sa adit. Tui kuhria oh ka ginup abih, di bhum raong hadang ginraong di ban sit Sông Cầu, hu takik di nyu 50.000 lồng, dalam tuk quy hoạch tok lac 16.500 lồng.

           6**           Bahrau ni, hadei di tuk taduan hu panuac khan di bhap bini ka bruk brah tanek jeng lisei ye, piah tapa melam hu salih sambo meng patih tapa  tím sen, Chi cục khik ramik  chất lượng kaya nong song kaya ikan tỉnh Hậu Giang pambuak bruk song dom gah chức năng tỉnh song karja palei padang Kapul nao pasang iek  labik pablei  brah di ong Võ Văn Tuấn daok di palei Tân Hiệp, xã Tân Bình, huyện Phụng Hiệp, tỉnh Hậu Giang. Chi cục khik ramik chất lượng kaya nong song kaya ikan  tỉnh Hậu Giang ngak  biên bản vi phạm song  niêm phong tong abih pandap oh thau asar di nyu dalam nan hu yaok pluh  tấn: brah, nduik song mekuac di sa cơ sở pablei brah piah cang  xử lý.      

    Patui di ni dom khau tin dunya:                                                                   

7**  Yaok ribau urang Palestin trun jalan biểu tình di Gaza, jaik biên giới  Ixraen hadei di tuk sa urang kumei y tá metai kayua njauk pháo kích di Ixraen. Urang kumei y tá angan Razan An-naja (Razan al-Najar), 24 thun njauk cuh mtai tuk daok kham merat nao gah jaik biên giới piah daong sa urang njauk rambus di harei suk. Dom urang jakar ngak praong gah y tế di Palestin ieu ini lac sa bruk biak kanjah jhak, oh daok hatai menuac sia, ngak suan dom quy định nhân quyền di Liên Hợp Quốc. 

8**     Mesup harei 3/6, Akaok mintri Phòng vệ Nhật Bản Ô-nô-de-ra Ít-su-nô-ri (Onodera Itsunori) hu  mbang ginum biai  song akaok mintri  Quốc phòng Mỹ Jêm Mát-tít (James Mattis) song akaok mintri  Quốc phòng Hàn Quốc Song Young Moo di  Singgapor lingiu nyaom biai  Shangri-La. Bruk di mbang ginum biai lac Nhật Bản khin thau veik dom phản ứng di dom gah pagam tal  ngan song dom bruk ngak jiak di ni di Triều Tiên song thỏa thuận di 3 negar pamong tal brik  phi hạt nhân angaok palao  Triều Tiên dahlau di var taom gaok Mỹ-Triều .   

  9** Tổng thống Philipin Rô-đ-ri-gô Đu-tơ-tê (Rodrigo Duterte) khan lac  meda ginum biai dalam dom bruk quốc phòng, an ninh song pablei salih haong Tong thong Hàn Quốc Mun Chê-in dalam mbnag ravang Hàn Quốc di akaok adit tal. Brei panuac dahlau di tuk tagok jalan tapa ravang Hàn Quốc, ông Đu-tơ-tê brei thau bruk daok pamaong tal di mbang nao ravang lac jhul patagok talei pambuak bruk dua taneh ia di pakat bharau, dalam nan pataom tame bruk patagok talei pambuak bruk an ninh, chính trị.